مش عارفه أعمل إيه بعد فشل الخطوبة وحاسة بالوحدة

Question

انا كنت مخطوبه وفشكلت عشان مكناش مناسبين وعلي الرغم من اني مش عاوزه الشخص دا تاني الا اني حاسه يوحده شديده رغم اني مكنتش كده قبل ما اتخطب حاسه اني اتعودت ان يبقي في حد في حياتي وبحس احيانا اني عاوزه اعيط من غير سبب من غير ما ابقي عارفه انا بعيط لي اصلا انا محبتش الشخص دا ولا العلاقه مانت كويسه او ناجحه بس مش عارفه لي عندي الاحساس دا ومش عارفه المفروض اعمل اي حاسه اني تعيسه اغلب الوقت رغم اني بحاول علي قد ما اقدر بجد اني مبينش دا ابدا

Coffee_78823 🇪🇬 · Answer

الموضوع بس تعود مش اكتر عشان البنت عمتا بتحب الاهتمام وان شاء الله مده قصيرة وربنا هيكرمك باللي يستاهلك قربي انتي بس من ربنا وان شاء الله هيملي قلبك

Blueberry_28125 🇪🇬 · Answer

بحاول والله بس معرفش حاسه اني انتطفيت اوي من كل حاجه رغم اني بتضحك اكتر وبحاول ابين اني كويسه بس العكس بحس اني مضغوطه اكتر واني بفيك دا رغم ان دا كان قرار صح ورغم اني مكنتش بحبه حاسه اني مش فاهمه نفسي

Coffee_78823 🇪🇬 · Answer

ممكن يبقي صدمة ان العلاقة فشلت يمكن عشان مكنتيش مستنيه كده بس دي مش نهاية بالعكس دي بداية رينا هيكرمك بحد مناسب شبهك وتكونو مبسوطين سوا وتتفقوا ع تفاصيل الخطوبة والجواز وتختاري كل حاجه بنفسك وتبنوا بيت هادي الحياة حاوة لما نبصلها بعين التفائل 😍

Blueberry_28125 🇪🇬 · Answer

ان شاء الله

Chilli_76873 🇪🇬 · Answer

السبب الرئيسى انك لوحدك جدا ومفيش حد معاكى يتابع معاكى يومك ويسمعك

Avocado_80965 🇪🇬 · Answer

حبيبتى دا طبيعى هونى على نفسك وادى نفسك وقتها فى التخطى طبيعى كان جزء من يومك وشخص فى حياتك روتينك اختلف وارد جدا دا يحصل اهتمى بنفسك وافهميها ومتتسرعيش إنك تتخطى الشخص وحاولى تشغلى نفسك بحاجات مفيدة لنفسك وإن شاء الله ربنا يرزقك بزوج صالح ويقر عينك بيه