مش عارفه هو انا كده وحشة بجد يا جماعة؟ انا مش بغير من اختي بس لو انا مش عايزاها تبقى افضل مني دراسيا؟ يعني اصلا انا اشطر من زمان بس دايما عايزة ابقى الأفضل وبصراحة بغير بس في نفسي يعني مش بأذيها ولا بحسدها ولا هي عيطت او اضايقت بضايق انا كمان عجزت افهم نفسي مش عارفه انا كده وحشة ولا لا وهي شايفه اني وحشة رغم اني بجد بحاول اجاهد نفسي وادعي لها بالخير بس فكرة اني عايزة ابقى الأفضل مسيطرة عليا ف اعمل ايه؟ بجد صعب اتقبل انها تبقى افضل مني يمكن علشان لما ببقى الأفضل اهلي بيهتموا بيا اكتر وبحس اني مميزة في ده إنما اي حاجة تانيه ف هي واخدة التفضيل وانا شايفه انها لو بقت اشطر ف خلاص مليش اي قيمة عند اهلي .. وبجد هي شايفه اني بغير منها وفكرة انها قالتلي مش عايزة اقولك اني جبت امتياز دي مضيقاني علشان انا حتى لما كنت بنجح واجيب تقدير عالي بقولها ودلوقتي بقينا سوا كمان في الكلية يعني بجد حاسه خلاص مش قادرة اتعامل تاني معاها ولا اتكلم واصلا الموضوع بيبقى ضغط عليا اني افضل اذاكر علشان افضل احسن منها ..و انا دخلت طب يعني الموضوع صعب نفسيا اصلا.

2

5