انا فعلا محتاج مساعدة من اي حد هيقدر يساعدني انا كنت مرتبط بواحدة لمدة 6 سنين و كان يفصلنا شهرين عن الميعاد اللي المفروض اخطبها فيه و اخر كام شهر كان فيه بيننا مشاكل كتير ف سيبنا بعض بسبب حاجات هى بتعملها و بعد ما سيبنا بعض اكتشفت ان كان فيه واحد معاها ف الشغل بيتكلموا كتير و انا مكونتش اعرف عنه اي حاجة رغم انها كانت بتحكيلي على كل حاجة بتحصل معاها ف الشغل المهم اننا بعد ما سيبنا بعض فضلت تكلمني و تقول انها قد اية مش قادرة تتعافى و تحسسني بالذنب و فجأة اختفت شهر اكتشفت انهم اتخطبوا (و هو ميعرفش ب وجودي ف حياتها اصلا حتى من وقت ما كننا مع بعض لسا و لحد دلوقتي) انا مش عارف اتصالح مع الفكرة و شايف انها كدا كانت بتخونني و ف نفس الوقت كانت بتشتغله و لسا بتشتغله عاوز اتكلم معاه عشان اعرفه اني كنت موجود ف الوقت دا و انها خبت علينا احنا الاتنين و مش عارف اخد رأي حد لان الموضوع حساس بالنسبالي و حاسس انه كسرني و ف نفس الوقت مقسوم بين فكرة اني مليش دعوة و اسيبها تشوف حياتها حتى لو هو متغفل لانهم اتخطبوا خلاص و فكرة اني مش قادر اتقبل الفكرة و مش عارف ابطل تفكير ف انها غفلتنا احنا الاتنين طول الوقت كإنها بتغير قميص شيل دا حط دا و كله تمام حتى الصور اللي بيتصوروها مع بعض عندي هى هى بالمللي بس صورنا احنا

1

7