انا بلاحظ حاجة كل يوم تقريبا إن أغلب الناس مش واقفة مكانها لأنها كسولة الناس واقفة لأنها أصلا مش شايفة الطريق يعني هو عارف يعمل ايه بس مش شايف يبدأ منين ولا يبدأ بإيه وبسمع الجملة دي كتير يا دكتور والله فاهم كل حاجة بس مش قادر أبدأ ومهما يحاول يضغط على نفسه يلاقيه بيرجع لنفس النقطة تاني ويمكن اللي الناس مش واخدة بالها منه إن البداية مش محتاجة طاقة قد ما محتاجة وضوح لما تبقى فاهم انت فين ورايح فين تلاقي نفسك بتتحرك بالعافية كده من غير ما تحس خطوة صغيرة بس بتسحب وراها كتير اوي وبقيت مركز اليومين دول إني أساعد الناس تفهم الخطوات الصغيرة دي حاجة تعملها الصبح حاجة تتابعها بالليل حاجة بسيطة تبني عليها مش حلول سحرية حلول تخليك مرتاح وفاهم دماغك ماشية ازاي ولو حسيت إن الكلام ده شبهك عادي جدا بالمناسبة كلنا بنعدي بلحظات كده ومفيش حد فاهم نفسه مية في المية بس اللي بيبص لنفسه شوية بيعرف يبدأ تاني بسهولة لو وصلت لحد هنا و حسيت ان كلامي لمس حاجه عندك ف اكيد كلامك معاي هيفيدك ❤

2

2