هتخرج السنة دي، انهاردة اخر يوم اجازة دراسية ليا هيبقى فيه مسؤوليات كبيرة من شغل أو تعاملات مع ناس او مقابلات خاطبين الموضوع مرعب بالنسبة ليا التغيير مرعب I can't handle change اعتقد دي من صفات او اعراض البوردرلاين عمري ما كنت شاطرة في المدرسة كنت بعدي بالعافية، وفي ثالثة ثانوي كل حاجة اتدمرت جالي وسواس قهري فمكنتش بذاكر ولا بروح الدروس ولو روحت مش مركزة في حاجة وكنت بعتمد على ذكائي الفطري.. وجبت ٧٥% ساعات بقول ده الحمدلله اني نجحت اصلا وجبت مجموع يدخلني كلية دخلت الكلية ومرتحتش فيها وغيرت القسم وطلع أسوأ من اللي سيبته كنت مستنية النظام يتحسن او ناخد حقنا في السنين الباقية بس لقيت نفسي بقيت في سنة رابعة ومفيش اي جديد حصل.. كل ما بفكر في الكلية بزعل وبتعصب وبدخل في مود الfight or flight المهم مش قادرة اتقبل ان فيه شابتر من حياتي قرب على الانتهاء فزعلانة لسببين سبب ان النظام الكلية وحش واتظلمنا(ممكن الموضوع عندي اوفر اكتر من غيري بسبب البوردرلاين) وسبب اني مبقدرش اتحمل التغيير وان فيه حاجة انتهت ومش هتبقى موجودة تاني سن ال١٨-٢٢ ده مش هعيشه تاني وانا مبعرفش اتعود على حاجة جديدة، لما ببقى خلاص اتعودت على حاجة بتكون في آخرها وانها خلاص قربت تخلص ومش هتبقى موجودة تاني او اني بفضل اقول المرة الجاية هبقى احسن بس خلاص مفيش مرة تانية أحزن شعور بالنسبة ليا بعد شعور الyearning هو شعور ان فيه حاجة مش هتبقى موجودة تاني حد حس بنفس الشعور ده وهو بيتخرج؟ وقدر يتقبل الحياة بعد التخرج بسهولة ولا بس الدنيا سحلته حرفيا او مجازيا

1

2