هي مش “مطلقة” هي ست خرجت من حرب كانت بتحارب فيها لوحدها، واتكسرت، واتجمعت تاني… واتعلمت تقف على رجلها من غير ما تستنى كتف يشيلها. اللي ما تعرفوش عنها… إن الطلاق ما بينقصهاش أنوثة، بالعكس… بيزودها وعي، وجرأة، وقيمة عند نفسها. بتبقى ست فاهمة يعني إيه تُحتضَن مش تُمتَلَك، ويعني إيه تُحب مش تُستغل. هي مش محتاجة تثبت لحد إنها كفاية… هي عارفة إنها كفاية من زمان، بس كانت بتدي لحد ما نِسيِت نفسها. دلوقتي؟ رجعت تعرف يعني إيه تهتم بنفسها، تضحك من قلبها، تلبس اللي بيشبَه روحها، وتختار… مش تتاخد. وأنا؟ مش شايف فيها لقب… ولا حكم… ولا ماضي. أنا شايف ست… مرة وقعت، بس قامت أقوى. مرة اتكسرت، بس اتصلّحت بشكل أجمل. مرة اتحبت غلط، بس دلوقتي… هتتحب صح.

0

8