أنا بصراحة كنت متعلق أكتر ما لازم، ومش هكدب وأقول إني كنت متماسك. كنت داخل الموضوع بنيّة حلوة، بس ربطت نفسي على إحساس مش واضح، ولا كان مضمون من الأساس. كنت فاكر إن اللي بيحب بيفضل، وإن الصراحة كفاية، بس طلعت محتاج أفهم إن مش كل اللي نواياهم حلوة بيلاقوا نفس المعاملة. ما لعبتش على حد، وما كنتش تقيل، ولا حاولت ألفت الانتباه بطرق غريبة، كنت على طبيعتي… وده اللي حصل. دلوقتي مش زعلان، بس متعلم. مش هعلق نفسي على حد تاني، ولا هستنى إشارات، ولا أعيش على أمل. اللي مش واضح من الأول مش هيبقى واضح بعدين ربطت قبولها ليا بقيمتي، وكأني من غير ده مش كفاية. استنيت إشارة تطمّني، وبنيت أمل على سكوت، وعلّقت نفسي على احتمال. دلوقتي فاهم إن القبول مش مقياس، وإن اللي يشوفك على حقيقتك يا إمّا يقبلك… يا إمّا يمشي من غير ما يقلّل منك. قيمتي ما كانتش ناقصة، أنا بس حطّيتها في إيد غيري. واتعلمت إن اللي ما يختاركش بوضوح ما ينفعش تكمّل معاه بنص قلب. حبيتها بس الحقيقة هي محبتنيش

1

2