Chocolate_90499 🇪🇬
منذ أسبوع واحد
.
شعور ضائع
السلام عليكم، عندي إحساس دايم بمشاعر غربة وعدم إنتماء.. مشاعر بتزيد لما بكون وسط الناس.. بحس أني مستقصاه وأني محتاجة أهرب بعيد عنهم.. بحسهم طبيعين زيادة عن اللزوم أو أنا اللي غريبة بزيادة عشان كده مش متقبلة أكون وسطهم. قليل أوي لما بقدر أكون طبيعية مع ناس.. قليل لما بلاقي حد شبهي وأحس فعلًا أني حابة أتعامل معاهم دايمًا. التفاصيل بتهلكني وبتخليني أركز في كل حرف أي شخص بيقوله عشان كده أنا أنتقائية أوي للناس. هل فيه ناس هنا بتحس بنفس المشاعر المرهقة دي؟ وهل لقيتوا نفسكوا بعد التخرج؟ حاسة أني تايهة من بعد ما أتخرجت بنقل من مجال لمجال ومن خطة لخطة وسنين بتمر ولسة مش لاقية نفسي. وياريت لو فيه ناس هنا بتحب القراءة.. رشحولي كتب أقرأها أو روايات. فضلًا يعني اللي يردوا بس الناس المحترمة اللي هنا. لو حد داخل بغرض مش محترم ياريت يحترم نفسه ويخلي رسالته لنفسه عشان بعرف دا حقيقي بيبقا باين أوي عليكم فبلاش الأسلوب السخيف دا.
3
8
