مشاعر مختلطة بين المراهقة والرجولة ومسؤوليات الحياة

Chilli_82317 🇩🇿

منذ 13 ساعة

شعور ضائع

السلام عليكم هه لا أعرف حتى كيف أعبر على نفسي هل أنا شاب لأنه ليس لدي نفس إهتمامات الشباب و أحيانا أحس أنني مراهق هه و أخجل من نفسي لهذا الوصف (مراهق) ، رجل ... أنا رجل ولدي مسؤوليات ولكن تصرفاتي أحيانا أو معضم الوقت أحسها صبيانية أو بالأحرى تصرفات حمقاء ، أضن اصبحت هكذا لأنني لم أعد أهتم لأي شيء . لكن هنالك بعض الأشياء التي اريد استكشافها في هاته الحياة ههههههههه لم أعد أعرف ماذا أفعل إختلطت مشاعري و افكاري و حتى حياتي . فقط انا أحس أنني تحولت من فتىً مراهق لا يهمه أي شيء وأي أحد يعيش كل لحظة بتفاصيلها إلى رجل . و ذلك الفارق بين الفتى و الرجل هو الذي ، لم يحطمني لكن عرقلني و قيدني لمدة 4 سنوات و أخيرا فاليركز كل واحد على نفسه فإنك ميت و إنهم ميتون (واحد ما يدوملك) stay focus stay safe

مشكلتي مع صاحبي القديم وخلاصة 8 سنين صداقة

دلوقتى انا عندى صاحب بقالنا اكتر من 8 سنين مع بعض و علاقتنا كانت كويسة جدا و احنا فعلا اكتر من اخوات و كان فيه مشاكل ماكنتش عارف ازاى اعديها من غيره المشكلة ان من كام شهر حسيت انه بدأ يتغير شوية ماعدش بيشاركنى حاجه عن حياته زى قبل كده و لما قولتله قال عادى ان مفيش حاجه جديده و ان لما يبقى فيه حاجه بيحكى عادى و كمان الفترة الاخيرة بقيت بفكر كتير اوى (overthinking) و حرفيا كل حركة بيعملها باخدها بمعنى وحش و ساعات بعمل مشكله بس هو فعلا كان مستحمل كل ده و كان فعلا بيعتذر بس بردو كان فيه حاجات بيبقى هو اللى غلطان و لو اى حد تانى غيرى طان هيعمل مشكلة كبيرة بس ديما كنت انا ببدأ الصلح و اعتذر حتى لو هو اللى غلطان علشان نفضل اصحاب و ساعات كان بيعمل حركات مستفزة فعلا و يقولى انه شايف الموضوع عادى و انى بكبر المواضيع مع انى شايف انه كده مش شايف ان احنا اصحاب لانه ساعات بيتجاهلنى او مره كنت مضايق منه و هو عارف و استنيت يومين و بعدها انا اللى كلمته علشان نحل المشكلة مع انه هو اللى غلطان و قال انه كان هو هيتصل عليا بس انا حسيت انه بيقول كده بس علشان يبين انه مهتم و انه ماكنش هيتصل و لا حاجه المشكلة ان الفترة اللى فاتت حسيت فجأة انى باجى على نفسى كتير علشانه و حسيت بردو انى اتضايقت منه فحأة و مش عايز اتعامل معاه تانى و بفكر اقطع علاقتى بيه بجد لان الفترة الاخيرة بقى اى حاجه تحصل بحس انى هونت عليه عادى و انى مش فارق معاه مع ان كل ما اكلمه فى الموضوع يقولى لا طبعا و ان هو مبسوط ان احنا اصحاب و ياريت نفضل اصحاب على طول بس المشكلة بردو انى ماعتش عارف اصدقة بحسه على طول بيكدب عليا دلوقتي مش عارف ابعد فعلا و انا عندى حق و لا كل ده بسبب ال overthinking و يطلع هو فعلا كويس و كل ده فى دماغى اصلا فيه كمان حاجة اخيرة قبل كده كان عندى فترة كده مليانه مشاكل كتير و هو فعلا وقف معايا فى كل مشكلة لحد ما اتحلت و ساعات كان هو اللى بيحلها فعلا و نفس الكلام معاه بردو لما يبقى عنده مشاكل انا بقف معاه على طول و مش بسيبه لحد ما كل حاجه تتحل فعلا و قبل كده كذا مره لما يلاقينى مضايق على طول بيكلمنى علشان ننزل نتمشى علشان يخفف عليا و ساعات كتير لما ببقى مضايق منه مش بيسيبنى لحد حرفيا مايتأكد ان كل حاجه تمام و انى مش مضايق من حاجه بس انا حاسس ان كل ده اتغير الفترة الاخيره يعنى كنا بنتكلم من يومين على مشكلة حصلت بينا هى تعتبر تافهه بس انا مش عارف ليه كبرت الموضوع ممكن علشان كنت متضايق منه بس حسيت ان الموضوع مش فارق معاه و انه عايز الموضوع بخلص و خلاص و مش فارق معاه زعلى ممكن يكون علشان اتغير فعلا او هو شايف ان مفبش مشكلة اصلا ممكن يكون موضوع ال overthinking و انى على طول بعمل مشاكل اللى خلاه كده بس لما قولتله كده من فترة قالى انه لا طبعا و هو مقدر حاجه زى دى و ان عادى اعمل مشاكل براحتك و نحلها طالما حاجه زى دى بتريحك المشكلة فعلا ان انا تعبت من تصرفاته الفترة الاخيره و بردو مش هاين عليا انهى علاقتى بيه لان هو فعلا فيه حاجات كتير رخمه و مستفزة بس هو شخص كويس فعلا بس بردو ساعات بفكر انه ممكن يكون كويس معايا كده لانه شخص طيب و كويس مع الكل و ان الحاجات اللى انا شايفها رخمه و مستفزة هى دى الحاجات اللى هو بيعملها معايا علشان شايف ان احنا مش اصحاب و انه اكيد مش بيعملها مع اصحابه بنسبة كبيرة اوى انا اللى غلطان و ممكن ان انا اكون السبب ان علاقتنا وصلت لكده بس مش عارف اعمل ايه و حتى فكرت انى انكلم معاه تانى غى الموضوع بس حرفيا اى كلمه هيقولها مش هصدقها فعلا مش عارف ليه ...عرض المزيد

6 الدعم

1 نصيحة

مش عارف انساها ولا اصلي من العار اللي حاسس بيه

انا ولد في مدرسة داخلي (ستيم) و عندي 17 سنة انا من كام شهر اُعجبت بالممرضة ال عندنا اوي كانت قمر و تحفة و محترمة و طيبة و كل حاجة كنت بتخيلها في مراتي المستقبلية، كنت بقعد اهزر معاها و ندردش و أتظاهر بالمرض عشان اقعد معاها بس، عموماً كملنا على النظام دة لوقت طويل و وصلنا للمكالمات و نخرج مع بعض و طلعنا ديت في الڤالانتاين و بعدها بكام يوم عملنا علاقة مع بعض، كنت مبسوط و مستمتع اوي و مكانش في بالي اي حاجة اثناء الواقعة دي، بعدها بفترة حسيت بكبر الذنب ال عملته و كانت عايزة نعيدها تاني بس قاومت بالعافية و بطلت اكلمها فجأة، دلوقتي مش عارف انساها ولا انسى المشاعر ال بيننا و مش عارف اصلي او ادعي لربنا من العار ال حاسس بيه، ممكن حد يقوللي اعمل ايه ...عرض المزيد

10 الدعم

7 نصيحة

ازاي أتخطى تأنيب الضمير بعد علاقة فاشلة؟

يجماعه ازاي ممكن نرجع نتقبل نفسنا تاني بعد ما غلطنا انا غلطت وارتبطت زمان وكلامنا كلو كان عن مستقبلنا وعيالنا وكده وانو احنا هنتجوز ونعمل ونسوي ونسافر أنا بعدت من فتره عنو لتلت اسباب اول حاجه عشان ربنا طبعا وتاني حاجه عشان الاهل وتالت حاجه عشان هو مكنتش هيتجوزني اساسا وانا أدركت ده متاخر لما بدات معاملته تسوء وبدا يتغير للاسوء ويشرب سجاير ويكلم ف بنات وبيقول كلام وحش علي انو عادي انا قرفت منو بس سؤالي دلوقتي ايه ذنب الي هيتجوزني انا عارفه ان الغلط مش كبير اوي للدرجادي بس انا عن نفسي لما مثلا اجي اسافر انا وجوزي طبيعي هفتكر اني كنت متفقه مع فلان أننا نسافر ولما مثلا اخلف اطفال طبيعي اتاثر وافتكر اني كنت عايزه اللحظه دي مع واحد تاني تماماً انا عارفه انو لا يصلح يكون اب ولا زوج ولا راجل اساسا بالي بيعمله ده بس ربنا يهديه لنفسه انا دلوقتي بجد بيجيلي تأنيب ضمير لدرجه بنهار وبعيط انا تبت عن الذنب ده وخلاص بس كل ما افتكر أو يجي الموضوع ف بالي بزعل لان الراجل الي هيجي ويتقدملي ويحبني ويشيلني بين عينه ميستاهلش مني الي كان بيحصل ده لأن انا نفسي هزعل وهيبان عليا بس مش هزعل علي ال قديم انا هزعل علي حالي وعلي الراجل الي حبني وشالني ف عينه ايه ذنبه وليه ده يكون جذاءه الموضوع فعلا صعب ومربك ولو ليا ايد فحاجه مكنتش من الاول عملت كده بجد لأن الشعور بالذنب الي انا فيه ده متمناش حد يعيش فيه كل الموضوع بس أنه الي فات ده كان بيني وبين فلان ده كلام مفيش اي حاجه هو ف قاره وانا ف قاره تانيه اصلا بس تأنيب ضمير من مجرد الكلام بجد يزعل وبجد الاحساس ده صعب ...عرض المزيد

7 الدعم

3 نصيحة