تايه ومش عارف اعمل ايه في خطوبتي

Toast_66913 🇪🇬

منذ شهر واحد

شعور ضائع

انا تايه اوي عملت عربية قهوة ف محل ابويا ودفعتله ايجار ومش عاجبه كمان روحت اتقدمت لبنت حبيتها وبعافر عشان اجيب الشبكة ومحدش عاوز يساعدني كل حاجه بتسود ف وشي بدات ازعق معاهم واحسسهم انهم مقصرين معايا مع اني عارف البير وغطاه المشكلة بقا ان العروسة دي اهلها ناس كويسة الحمدلله بس هيا حكتلي عن تلت اشخاص و واحد منهم بس اللي دخل حياتها وكان قدام امها واهله ولما بتكلم معاها ف الحاجات دي بتقفل الكلام مع اني المفروض اكون خطبها بعد شهرين دماغي بتاكلني بقيت اوفر اكل وموصلات واشتغل شغلنتين وضاغطهم في البيت كل ده علشان بحبها بس حاسس اني عاوز اعيش معاها ارض الواقع بعيد عن الحب البنت دي جاتلي مسافة كبيرة مرتين قبل ما اتدقملها وخونتها وسامحتني بس انا اول مره اجي علي نفسي علشان حد انا كنت مقضيها خروجات وشات وفيديو بس لما لقيت نفسي هدخل ف الاكبر من كده اخترت الحلال الكلام مش مترتب وانا مش عارف اعمل حاجه علشان كده انا مش فاهم انا عاوز اي بس كده

مش قادرة اتعامل مع اهلي بعد ما رفضوا خطوبتي

موضوعي يمكن يكون طويل شويتين بس هحاول اختصره دلوقتي انا بحب شخص بقالنا سنة مع بعض المهم اتقدملي عريس من كام شهر واهلي كانو مصرين وموافقين عليه فالشخص دا اما عرف جاب والدته وجم يتقدمو ولكن اهلي كانو بيتلككو بالرغم ان امي من قبلها كانت مسهلالي الدنيا خليه ييجي ومش عايزين شبكة كبيرة ومش عارف ايه المهم اما جه كان بيتكلم في خطوبة سنتين عشان قدامه جيش لسه اهلي قالو لا احنا عايزين سنة واحدة المهم القعدة الاولى كان خالي موجود وقاعد وغالبا هو الي كان بيتكلم بس وقرر وخلص بالرغم ان ببايا كان موجود وقاعد المهم تاني يوم هما قررو سوا ان لا دا شخص مش مناسب لسه قدامه ترم وممكن يشيل مواد وافرضي جيشه جه سنين يعني قدامه بتاع ٤ سنين خطوبه مش اتنين زي مابيقول ودا كلام خالي برو انا بابايا مسمعتش صوته من اول الموضوع المهم هو بعدها كلم خالي ك محاولة تانية الموضوع اتقلب عكسي بسبب انه قاله ان كدا انتو بتصعبو الصح الي هي فترة الخطوبة الشرعية وتسهلو الغلط خالي قاله ملكش حاجه عندنا كدا ومتكلمهاش تاني قاله كدا كدا هنتكلم في الشغل لاننا مع بعض في الشغل خالي راح قال لاهلي ان الولد كلمه وبيقوله ان كدا كدا هكلمها عافيه هي يعني ونقل الكلام بطريقة مختلفة ووقتها امي قالتلي الموضوع اتقفل خلاص وهو الولد لسه بيحبني وشاريني وقالي قبل الجيش هاجي اتقدم تاني ونشوف عايزين مننا ايه وانا ناويه المرة الجايه ان شاء الله كلامي كله يكون مع بابا بس وماما مش هتدخل ولا خالي هطلب انهم يدوه فرصة تانية والا كتبو على بنتهم انها تعيش حياتها حزينة وصلت لاني مش قادرة اتعامل مع اهلي ولا حابه دا فروحت لدكتوره نفسيه كمان عشان اقدر ارجع اتعامل مع اهلي ...عرض المزيد

6 الدعم

1 نصيحة

مشكلتي مع شاب بحبني من سنين واتقدم لي اخويا

مشكلتي معقدة شويه وطويله هى ان في واحد بيحبني من سبع سنين تقريباً او اكتر هو كان معايا في المدرسه كان اكبر مني بسنة كان دايماً بيقول لبنت خالة انه دايماً بيدعي ف الصلاة ان انا ما اتجوزش حد غيره ودايماً يتكلم عني وهي بنت خالة قالت ليا ان ايه رأي فيه وكده وانا طبعاً رفضت ع طول هو الشاب تمام مافيهوش حاجه غلط بس انا دايماً طموحاتي اكبر من كده وغير كده انا ما اقدرش اعيش وسط اهله علشان هما بيت عيله حتى برضو دايماً يكلم صحبتي عني ويسألها هل انا اتخطبت ولا لا "هي تقرب له" وقالت له شيلها من دماغك مستحيل توافق عليك المهم دلوقتي اخويا شاف اخته وعجبته واتقدم ليها واول واحد وافق هو طبعاً قال علشان نقربوا من بعض اكتر وممكن انا اوافق عليه، دلوقتي هما اهله مركزين جداً معايا واخواتي ملاحظين كده وان هي دايماً خطيبت اخوي تكلمني واخواتي بيقولوا ليا هي مش بتكلمك علشان انتِ بتكلمك علشان اخوها واول مره كلمتها هو اخوها دخل عليها وقال لها بتكلمي مين قالت له بكلم فلانه وهو فضل يقولها والله ومش مصدق وكان كل شويه يروح لها تخليها تحلف انها بتكلمني، انا كنت سامعه بس متجاهله وحالياً بيتقرب من اخوي جداً وبيصر عليه انه يروح بيتهم يشوف الشقه هما اخواتي فهموا هو بيعمل كده ليه بس اخوي مايعرفش، المهم انا دلوقتي مش عارفه لو كنا ف تجمع اتصرف ازاي مع ان اخته دايماً تجيب سيرته ف المكالمة اوقات برد عليها و اوقات بتجاهل انا خايفه لاتكون فاكره ان انا معجبه بيه ولا حاجه وغير كده كل ما اقولها بحب حاجه بتقولي زي اخوي بيحب الحاجه دي وتاني حاجه مش عارفه لو اتجمعنا اتصرف ازاي مع العلم من فتره الاعدادي ماشفتهوش ولا هو شافني غير مرة وحده الايام دول ياريت لو حد هيرد عليا ترد البنات بس. ...عرض المزيد

7 الدعم

3 نصيحة