جاي من برا ومش فاهمه دوامة الصحاب في مصر!

Strawberry_89900 🇪🇬

منذ يومين

شعور مستنزف

أنا كنت عايشه برا وجيت مصر عشان الدراسه وكده جماعه بجد أنا من ساعة ما جيت ف حوارات الصحاب ودايما ببقى الوحشه لو قدت العشره شموع بردو ببقى وحشه وكل قروب بكون معاه بيحبوني ليهم لوحدهم ومبيحبوش يشوفوني مع غيرهم رغم ده بيقفو ضدي كتير بردو أنا مش عارفه ايه الدوامه دي بجد قولولي في حد زيي ولا هو بجد المجتمع هنا صعب على الي جاي من برا ولا ايه مش فاهمه حاجه

مش عارف أكسر الدائره اللي أنا فيها بسبب الأهل

ساعات الدائره اللي انت فيها ومش عارف تكسرها بيكون العامل الرئيسي هما الأهل لما تلاقي حد بيقرب منك غصب عنك بتبعده عنك لانك خايف من المشاعر مش عارف تتعامل معاها ترد ازاي تضحك امته تتعصب تزعل كل المشاعر بتاعتك اتعرضة للتهكير من قبل أهل تعبيراتهم غير مفهومه حاجه كانت بتفرحهم فجأه بتعصبهم حاجه المفروض يقدمهالك مره وحده لا مش هدهالك التوتر اللي بيحصل فيك من انك تخرج من الدائره دي بتلاقي نفسك غصب عنك بتدخل فيها تاني في حياتك العمليه مش عارف تتعامل مع صحابك أو الشغل بتحس انك مره تكلمهم حلو ومره متبقاش قادر تسلم عليهم وهما عشان مش فاهمين اللي انت في بيبدأو يبعدون عنك لانك صعب التعامل معاك انت عارف انك بسبب ده حتي اختيارك للشريك متأثر بردة انك بتختار نفس النمط اللي بيشبه اهلك او ممكن اسوء لانك اتعودة علي ده ...عرض المزيد

2 الدعم

4 نصيحة

بحس إني أوڤر ومش عارفة أتأقلم مع الصحاب

كل مرة بحاول احكي لحد عن الموضوع ده بحس اني اوڤر أو هيحسني اوڤر ف بسكت انا حتى معرفش دي مشكلة فعلا ولا انا اللي بوهم نفسي انا لحد تالتة اعدادي كان عندي صاحبتين (بنت عمي قدي و واحدة جارتنا بس كانت معايا من الحضانة) كنا كل حاجة لبعض حرفيا لحد ماحصل بينا مشكلة و بعدنا و دخلت ثانوي اتعرفت على اتنين في فصلي كانوا هما ميعرفوش بعض و بقوا صحاب اوي وانا كنت صاحبتهم بس اللي هو مش اوي يعني ممكن اقول زميلة مثلا و طول عمري بخاف من فكرة أن حد ياخد مني صحابي أو يفرقنا عن بعض ف كنت بتجنب امشي معاهم ولو مشيت معاهم كنت باخد جنب لوحدي عشان مضايقهمش وعشان محسش اني السبب في حاجة تحصل بينهم لحد ماحصل بينهم مشكلة و العلاقة بينهم اتوترت خالص و بقيت انا قريبة من واحدة فيهم وكنا سوا دايما و كان معاها كمان ٤بنات ف كنا شلة يعني لحد ما صاحبتي دي قربت من واحدة معانا في الشلة بقت معاها علطول و بقيت اشوف صورهم صدفة وهما خارجين سوا و مرة في مرة لحد تالتة ثانوي بقيت لما امشي معاهم هما بيبقوا في دنيا وانا في دنيا تانية ببقى هوا حرفيا وانا مش برتاح كده و ببعد علطول و حصل بعدت عنهم شوية و كنسلت دروسي اللي كانت معاهم و ساعات كنت بغيب عشان اتجنبهم و ساعتها عرفت واحدة في درس معين و قالتلي على مكان تحفيظ وكنت بروح معاها ف بحكم اني بروح معاها التحفيظ بقوا يشوفوني معاها مثلا ابقى راجعة انا وهي الاقيهم هما راجعين من مشوار و وشهم يقلب لما يشوفوني معاها وبعدها واحدة فيهم سألتني انتي بقيتي قريبة من فلانة قولتلها لا بس بحكم اني بروح معاها ف بتشوفوني معاها علطول و قفلت الموضوع و بعدت عنهم ، انا دلوقت لوحدي مش عندي الصاحبة اللي اجري احكيلها مشكلة أو اقولها على مشوار رايحاه تيجي معايا خصوصا اني من النوع اللي بيحب يخرج و يمشي بس مع حد يعني لو عايزة اجيب حاجة مثلا بس هكون لوحدي بكسل و بكنسلها ومعنديش حد اشاركه اي حاجة مش عارفة انا السبب في كده ولا انا مش عارفة اتأقلم ولا انا بتلكك وابعد انا مش عارفة و دايما بتجنب افكر في الموضوع ده عشان بحس اني اوڤر واللي هو انتي عايزة كل حاجة ليكي وبتاع بس فعلا انا بتضايق اوي ومحتاجة ع الأقل اعرف اتأقلم ازاي ...عرض المزيد

6 الدعم

1 نصيحة