مشكل مادي راني نعاني منو و نتمنى تفيدوني

Question

انا طفلة و في عمري 20 سنة 
حبيت نحكيلكم على مشكل مادي راني نعاني منو و نتمنى تفيدوني بنصائحكم
حاليا راني كيما اغلب الشباب في فنفس الفئة العمرية تاعي...ضايعين و تالفتلنا من وين نبداو و من واش نبداو نجاح تعنا...ودايمن نشوفو فالناس تحقق نجاحات ونسمعو بفلان نجح وهوا صغير فلان قدر يهجر لبلاد و يستقر فبلاد اخرى....وهنا وين نلقاو رواحنا تحطينا في بقعة معمرة بالمقارنات و الانتقادات من عند ناس...ونحسو رواحنا فاشلين و بدون اهداف...
المشكل لي نعاني منو انا شخصيا و لي قادر بزاف منكم يعاني منو هوا (البداية) كل ما نلم دراهم مليون ولا زوج ولا تلاثة....دايمن نلقا روحي نحط دراهم هادو فمنتجات تجميل و فملابس شابة وانيقة و فأحذية و عطور....خاطر فوقتنا هادا المضهر يلعب دور كبير خاصة في مجتمعنا الجزائري راكم تعرفوه...وهاد شي خلاني منقدرش نتقدم و ندير خطوة نحو بداية نجاح ولا بداية حلم عندي شحال وانا نحلم بيه...و تعرفو بلي حنا جزائريين اصحاب طبقة الوسطى دايمن يكونو دراهمنا قيسنا قيس رواحنا يعني يا تتهلا فروحك يا تقعد كيما راك ولمضهر تاعك يخليك متبانش قدام لغاشي..لأنو ببساطة والدينا مايكفوش كسوتنا
على هادي جيت ناخد رايكم وتقترحولي حلول اسكو نحبس مانتهلا فروحي و نزيير دنيا على روحي و نطمي راس مال باش نبدا مشروع و نافونصي للقدام...ولا نبقا على نفس الحال ونخمم في حلول اخرى لي لحد الان مقدرتش نلحقلها؟؟ ولله لموضوع هذا قرااف راهو مأثر على نفسيتي

French Fries_81296 🇩🇿 · Accepted Answer

ادا تقدري اخدمي فحانوت قيس ماتلمي للمشروع تعك

Coffee_81181 🇩🇿 · Answer

ديري اوسبيلدونق

Cookies_81318 🇩🇿 · Answer

المشكل انو عندك عقلية الفقير تصرف على مظهر لا يدخل المال و لا يستثمر و تنتضر تجيب نتيجة هههه أبدا مشروع مترببش ريسكي حبيبي

Cherry_80614 🇩🇿 · Answer

وهاد شي عندو سبب لأني تعرضت بزااااف للحقرة فالماضي وتنمر بسباب ملابسي و هيئتي وخلاني نحس بالحقرة على هادي كي كبرت وليت نفكر غير فالمضهر تاعي بلي لازم نبان قدام لغاشي و نلبس بطريقة تبيني لاباس بيا باش واحد مايحقرني علابالي وعلابالي بلي هاد لحاجة غالطة و هكا راني نضلم في روحي مي ولله ربي يعلم بالحقرة لي تحقرتها كيفاش عقدتني من هاد ناحية و كيفاش راني نسيي نتهرب منها بكل ماعندي

Biscuit_81294 🇩🇿 · Answer

خيري يا إما تباني (أنيقة ) كيما قلتي و تريحي دوري فالفيد،  يا إما تصاكريفي عام عامين و حتى 3 4  سنين نورمال بصح موراها راح يجي لخير و يولي المظهر تاعك 1000 مرة خير ، الحل 2 اتعلمي حرفة لي تقدر تجيبلك دراهم بلا رأس مال كبير ولا براس مال متوفر (بالبيسي ولا ماشينة تاع خياطة ...الخ) 
و حديثا عن المضهر يا الأخت ليمن راكي حابة تباني شابة و أنيقة؟ لصحاباتك ؟ مع اللخر كاين لي والديها لباس بيهم راح ....

Biscuit_81294 🇩🇿 · Answer

... يعطوها ، ولا يجيها مكتوبها لباس بيه و تكمل تعيش فهاداك المود ، ولا تخلص عليها تبع فاللبسة و الحطة و مادايرة والو في حياتها ؟ ولا باش تعجبينا حنا الدراري ؟ ادا علاجال هادي نقل لختي حاجة " يا تنجحي في حياتك من الجهة المادية ولا تنجحي من الجهة العاطفية " لازم تخيري (on ne peut pas avoir le beurre et l'argent de beurre ) .....

Biscuit_81294 🇩🇿 · Answer

خبي دراهمك و ابداي تسعاي باش تحققي الحلم تاعك لي بيه راح تحققي إشباع لرغباتك الحالية لمدى حياتك خير ما تبقاي تشبّعي فالرغبات تاعك دوكا و لاحقا تصيبي روحك عاجزة على إشباع هاد الرغبات نظرا لكثرة الاولويات ، و ربي يوفق الجميع 🤍

Plum_81341 🇩🇿 · Answer

نتي طفلة يعني أحسن حل ليك تشوفي راجل ويكون راجل وهو لي يصرف عليك وهذي عقلية تاع إمرأة قوية مشي تاعك وهذي نصيحتي ليك 🙏🏼

Banana_81330 🇩🇿 · Answer

لحل لوحيد اخرجو من لبلاد قبل ميفوت شبابكم في الجزائر حتى وتدير دراهم تبقى ضايع

Pineapple_81346 🇩🇿 · Answer

اختي الكريمة جيت نمدلك نصيحة صغيرة برك و ان شاء الله تفيدك ختي لعزيزة الناس ما يغنيوك ما يفقروك الرزق بيد الله باش نتي ديري مشروع لازم تسمحي فبزاف عفايس منهم وقتك و جهدك و الرفاهية تاعك ومام في نفسك لازم ضحي المقابل عمرو ما كانت سومتو رخيسة و نصيحة اخيرة على موضوع اللبسة ختي اديها من عندي مام تكسي روحك ذهب ملفوق للتحت راح يلقاولك ديفو ويهدرو عليه تسما البسي قيسك و كونك قنوعة

Banana_81347 🇩🇿 · Answer

بدلي اولا عقليتك 
ثانيا حطي خطط و اهداف تتوافق مع احتياجاتك و خطط قبلية تتمحور حول المجال الي راح تدخلي فيه سواء اون لاين أو اوف لاين 
والأهم هو الاستمرارية و التعلم المكثف من الاخر تعلمي مجالك احسن من استاذك والدتي فيه 
والأهم ابتعدي عن السوشيال ميديا تماما الا اليوتيوب 
لي راح يكون مصدر من مصادر تغيير عقليتك و ممكن مصدر مهارتك أيضا استعملي شات جيبيتي سقصيه على حوايج في التخصص تاعك بالتوفيق كمل 📜

Orange_81485 🇩🇿 · Answer

وش عندك ديبلوم ولا حرفه ممكن نساعدك توقفى على رجليك

Cherry_80614 🇩🇿 · Answer

جستومو حبيت انا نكون سند روحي و ندير تاويل لروحي بلا مانستنا حتى واحد و بإذن الله حنبدل طريقة تفكيري خاطر كامل عندكم لحق...تفكير غالط و ماعندي وين نوصل بيه

Cherry_80614 🇩🇿 · Answer

عندك لحق وبارك الله فيك على لميساج تاعك خاطر حطيت روحي فأمر لواقع يا نخير طريق هادي يا هادي و حمدلله اخترت طريق الخدمة و الاستثمار و ادعي ربي يوفقني و يوفق جميع واحد كيمانا

Cherry_80614 🇩🇿 · Answer

عندك لحق وبارك الله فيك نشالله ربي يوفقنا اجمعين

Cherry_80614 🇩🇿 · Answer

هذا هدف بإذن الله نسعالو و نطبقو

Cherry_80614 🇩🇿 · Answer

صح مايفيدني حتى واحد و مانلقا حتى واحد ابار روحي ادا لواحد مارفدش روحو مكاش لي يجي يرفدو و بارك الله فيك على نصيحة

Cherry_80614 🇩🇿 · Answer

بارك الله فيك على نصيحة

Pineapple_81346 🇩🇿 · Answer

بارك الله فيك ختي حطي نفسك فالمرتبة الاولى تاع الاولويات تاعك و ابداي اخدمي عليها فكريا وروحيا و ماديا و ربي ان شاء الله ما راحش يخيبك

Banana_81330 🇩🇿 · Answer

بإذن الله

Biscuit_81294 🇩🇿 · Answer

ربي يوفقنا للي فيه الخير