عايزة اقول حاجة من وجهة نظري ومش عارفه هل دا فعلا صح ولا لا بس انا بحس سبب ان عمري ما كان في ولد في حياتي ولا عمري ما ارتبط ولا عمري ما في ولد اعجب بيا دا بسبب اني اصلا مبعرفش اتعامل مع الجنس الاخر وبصدهم عني! انا اتربيت في بيت محافظ وعيلة محافظة جدا من وانا في ابتدائي اتربيت ان عيب اتكلم مع ولاد الا في حدود الدراسة او الحاجة ف تلقائيا اتزرع من جوايا ان غلط اتكلم مع ولاد نهائي لدرجة لما كنت اشوف بنت وقفة مع ولد حتي لو هتسأله سؤال بسيط كنت علطول بحكم عليها بقول عيب دي مش محترمة لان غصب عني انا اتربيت كدا لحد ما كبرت خلاص الفكرة دي دايما في دماغي عيب اتكلم مع ولاد لحد ما دخلت الجامعه واتخرجت واشتغلت مع بنات وشباب وقلت خلاص انا كبرت بما في الكفاية اني اعرف اتكلم واتعامل في الحدود لكن لقيت نفسي مبعرفش وبقلب وش الخشب وبصد فبقيت احس بسبب كدا هتأخر عن الجواز ومحدش هيقرب مني لان ع العكس البنات الجريئة بيتجوزوا ويتخطبوا ويتحبوا بسرعة فتلقائيا فقد القدرة اني اعرف اتعامل معاهم لاني عمري ما نا اتعاملت معاهم والصراحة بحسني ساذجة وبتوتر لما اتكلم مع اي شاب ومش عارفه دي مشكلة ولا لا بس بقيت احسها مشكلة فيا ومش عارفه اعمل ايه هل في بنت بتواجهة نفس المشكلة ؟

0

10