زمان كنت بلاحظ اني دايما مش عندي اصحاب كتير ف وقت واحد يعنى لما بكون صداقة جديدة لازم قصاده يتحذف صداقة قديمة كنت مفكرة ان دماغي ماشيه غلط بتتصرف غلط وان دي مشكله فيا لوحدي لغاية لما قرأت في مره ان فعلا فيه ناس كدا مش بتعرف تكون صداقات كتير ف وقت واحد يعني ٢ بالكتير اوي ٣ (انا أخرى ٢ بس) دا مش مسبب لي ازمة اوي الازمة الحقيقية ان اي صداقه بكون فيها بديها طاقتي ومجهودي وبكون مخلصه جدا فيها ودا ينقلني للمرحله التالية وهي التعلق. ( بتعلق باي حد في حياتي بحكم ان اللي ف حياتي أشخاص معدوده) قلت يبقى اكون صداقات كتير واتعامل مع ناس كتير و اوزع مجهودي و طاقتي عشان ماتعلقش بحد... طلعلي مشكله تانية 😅 انا اصلا انطوائية مش بحب اتعامل مع الناس... لو حصل وكنت مضطرة أزور حد بتوتر جدا (حتى لو الحد دا علاقتي بيه كويسه او كان قريب مني ف يوم) اوقات الموضوع بيقلب معايا بتعب عضوي المهم انا عندي مدعوة على فرح والناس كل شوية تتصل تأكد اننا رايحين وانا مخنوقه جدا ومش عايزه اروح و في نفس الوقت الناس لطيفين جدا وكنا قريبين في يوم من الايام وعلاقتنا بيهم كويسه جدا فمش هينفع اعتذر وكمان مصرين نحضر الحنة والفرح (الاتنين 😭)

1

0