Marshmallow_28635 🇪🇬's منشور

Marshmallow_28635 🇪🇬

منذ 11 شهرًا

شعور قلق

يا جدعان انا عندي مشكلة كبيرة اوي و هى اني مش مؤمن حالياً بديني بالمعتقدات الاساسية انا ، مش حابب اني متوارث الدين من اهلي و واخده كدا و خلاص انه مسلمات انا بحاول اقرا في الدين الانا عليه لعله هو الصح بس انا كل المتملكني احساس الخوف اني لو مأمنتش بيه انا مش عارف شكل حياتي هتكون ازاي ياريت محدش يتفهه من الموضوع

Coffee_27700 🇪🇬

أفضل نصيحة

منذ 11 شهرًا

انت بتقرأ ودي خطوة كويسة. إقرأ وأعمل عقلك واطلب دايما من ربنا يرشدك للصح والصواب. لو احتاجت أي حاجة اسأل أهل العلم (اللي مش هيمنعك من القراءة والبحث منهم)

Banana_43473 🇪🇬

منذ 11 شهرًا

الافضل تقعد مع شيخ يكون فاهم عشان تعرف تفهم اكتر

Mango_34965 🇪🇬

منذ 11 شهرًا

أسمع برودكاست كتير عن أي موضوع ييجي ف دماغك عموماً لوه علاقه بالدين زي ازاي دينا دين حق وإزاي إننا علي خير مش باطل وكل ده وحاول برضو تقعد مع شيخ يكون باله طويل يجاوب عن الاسئله الي موجوده ف دماغك كلها وبلاش تدور انت ف دماغك بنفسك علي الاجابات دي أحسن يعني لان اجابات دماغك هيبقا ليها علاقه بالوسواس والنفس وما تهوي وكل ده ف حاول تسمع كتير برضو قرءان لإن كل أجاباتك هتلاقيها ف القرءان وهتحسن إن ربنا

Mango_34965 🇪🇬

منذ 11 شهرًا

بيجاوبك علي الاسئله الي بتدور ف بالك دي كلها إن شاء الله

Banana_48907 🇪🇬

منذ 11 شهرًا

الانسان دايما بيكون قدامه اتجاهين بيلغى عقلة وبينساق بدون تفكير تجاه الموروثات واعتبارها ثوابت لا تقبل النقاش ودة الطريق الاسهل والاتجاه التانى أن الإنسان يخضع كل ما هو موروث لميزان العقل ودة الطريق الاصعب ، انت اخترت الطريق الاصعب ودة كمان كان اختيارى بس انا قناعتى انك تختار الفكر اللى بتشوفة أكثر إنسانية واقرب إلى المنطق بس الاهم انك مش لازم تدخل فى جدل مع أشخاص مش بتستخدم العقل

Pineapple_33562 🇪🇬

منذ 11 شهرًا

انت مسلم ولا مسيحي وايه السبب الي مخليك مش مقتنع او ايه اكتر حاجة خلتك تحس انه انت مبقتش مؤمن

ملخص المشكلة

عندي أزمة إيمان وخوف من الحياة من غير ديني

أزمة إيمان مشاكل دينية خوف من المستقبل وراثة الدين شكوك دينية حيرة معتقدات

Apple_34207 🇪🇬

عندي أزمة إيمان وشكوك دينية.. عايز حل يرد الراحة لنفسي

عايز أتكلم من غير أي نوع من أنواع أخد فكرة معينة أو الحكم المسبق أو كره غير مبرر من غير ما تعرفوا التفاصيل، بس هحاول أبسط الدنيا وعايز نصيحة بجد، على الرغم اني ما بحبش اشتكي او أشارك في البرنامج ده عام، فعايز أشوف رأيكم واخد نصيحتكم كمجهول. كل الي طالبه مساعدة فقط، قل خيرا أو اصمت. الوقتي أنا إنسان مسلم، أو على الاقل بصنف نفسي كمسلم بقالي سنين بدور على طريق صح وبدافع عن الإسلام بكل طريقة، ومبتعد عن الشبهات والى أخره، المهم أنا من 3 شهور كده محصلش حاجة بس الواحد حس بضياع مفاجئ وان هو مبقاش مؤمن باللي هو مؤمن بيه طول حياته، كان عندي شكوك زمان أكيد بس فيه حاجات وضحت اوي، افكار اتراكمت، حسيت إن بقى عندي شك في وجود الاديان، صحة الأنبياء، الشرائع، والخ.. ده مش غرور مني ولا عشان انا بعمل معصية فببعد الاحساس بالذنب عن طريق إني مفكرش فيها على إنها معصية، ولا اني عايز أضيع او من الاخر اتخلص من سلطة الدين ، لا خالص ، الموضوع شك كبير وفجوة جوايا حسيت بيها، من شهرين كده بقى بدأت خلاص ما أؤمنش بالاسلام بس مؤمن بالله ووجود اله، ودورت على كل طريقة ترجعني الدين دايما بفكر بطريقة تخليني مأآمنش بالدين، مش قادر أحسن النية نهائياً، وخلاص فقدت إيماني بالكامل، الوقتي أنا في رمضان وبما اني فقدت إيماني ففي بدايته قررت اني مصومش، وحسيت انب وصلت لفكرة وعايز اشاركها مع كله بس خوفت، الوقتي حسيت بفجوة برده في اخر رمضان وهي اني مش مرتاح في الي انا فيه ده، شعور إني مش عارف حاجة خالص بعد ما كنت حاسس انب عارف كل حاجة ده شعور مرهق، فكرة اني كنت عارف الي فيها زي ما بيقولوا كانت أحسن وافضل من انب اعيش تايه ضايع مش عارف انا موقعي فين في العالم، ومعنديش حاجة اؤمن بيها، عشان كده قررت ارجع للدين وعشت الاجواء الدينية على أخرها في ال10 الاواخر بس... انا الوقتي مش مرتاح برده، المشكلة إني مش مرتاح في وجود الإيمان ومش مرتاح في عدمه، أعمل إيه الوقتي؟ومحدش يقوللي اروح للحل الأأمن وهو إني أبقى مؤمن، بس حتى ده غلط لأني مش مرمن إيمان كامل بالدين، مثقال ذرة من عدم الايمان فيه نار وجحيم، فما بالك بعدم ايمان كامل، انا عايز حل يخليني اوصل للطريق الصح واني ابقى فعلًا مرتاح نفسيا معاه. شكراً ولو سمحت انا ما اتكلمتش مع حد خالص في الموضوع ودي مجرد شكوك وعايز اشوف لها حل أتمنى تساعدوني اكتر ما تصدوني عن الموضوع كله، دي ازمة وجودية وشعور صعب بالنسبالي واتمنى انه يعدي على خير. ...عرض المزيد

9 الدعم

7 نصيحة

Mango_14658 🇪🇬

تعبت ومش عارف اتوب بجد.. عايز أخرج الوساوس دي من دماغي

أنا بقالي كتير أوي مبصليش و بعمل حاجات وحشه اوي يعني اكيد فاهمني المهم اني عايز اتوب بجد عشان تعبت و يعني كل ما انتظم يومين ارجع تاني و بجد مش عارف اعمل ايه أنا مش عايز ابقى كده و مش عايز اموت كده عايز اخرج الحاجات دي من دماغي أنا بيجي فدماغي حاجات يعني استغفر الله نفسي اخرج كل ده من دماغي و نفسي انتظم ز ابقى بني آدم بس مش عارف و بجد تعبت ...عرض المزيد

8 الدعم

8 نصيحة

Ice Cream_51334 🇪🇬

كره البيت لدرجة الرعب من المستقبل

هو طبيعي ان كل شهر في نفس الفتره في الشهر بيكون فيه خناقات كثير في البيت وكل مره الخناق يوسع اكثر لدرجه تخليك كاره البيت كله ومجرد الدخول من الباب كده بقا يوجع اوي يوجع لدجه انك يجيب بوادر جلطه وتجلطات صغيره ساعات واوقات بيعمل مشاكل في القلب من كثر الضغط ومحدش حاسس ولا هامه وكل اللي شايفينه انك ملكش حق الاعتراض ولما تيجي تتكلم المشاكل بتزيد بتفضل مكتوم بدرجه جسمك كله بيصوت وبيعترض وبيطلع ده عليك في شكل امراض متفعش جت منين ولا ازاي وفي نفس الوقت محدش بيصدق ان ده سببها نفسي هو طبيعي حد يكره البيت من اللي بيحصل فيه لدرجه توصله يترعب يعمل بيت ويتجوز و اوافق على اي حد حتى لو هو كويس جدا ارفض لمجرد الخوف من ان يكون المستقبل زي الحاضر زي الماضي وكله اسوء من بعض ...عرض المزيد

6 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع