زوج نرجسي بيضربني وبيتهيني قدام عيلته

Question

انا مشكلتي كبيره عليا و مش عارفه احلها عندي زوج نرجسي و علاقتي معاه بقت صعبه جدا ضرب و اهانه و كمان عايشه ف بيت عيله و حتي الضرب و الاهانه لازم الكل يشاركها معانا حتي دا مش حاجه خاصه و اعصابي تعبت و اخر مره ضربني عملت تقرير طبي بس ما كملتش محضر بصراحه ماهانش عليا بس احساسي ان انا هونت و رخصت معذبني و عندي 3اطفال مش قادره اكمل و مش هقدر اسيب ولادي و خايفه ما اقدرش لوحدي علي مسؤليتهم

Ice Cream_78011 🇪🇬 · Accepted Answer

اتطلقى طبعاً وليكي كدة كدة نفقه وملزم بعد الطلاق يصرف ع اولاده وانتى اشتغلى بعد ما تطلقى

Mango_74700 🇪🇬 · Answer

اهلك فين

Chilli_76322 🇪🇬 · Answer

لمؤخذه يعني بيضربك مين بيضربك غيره؟؟

Strawberry_78063 🇪🇬 · Answer

عايزيني اختار اعيش لولادي او اسيب له ولاده و اطلق

Strawberry_78083 🇪🇬 · Answer

متقدريش تشتغلي وتصرفي عليهم انتي بس اكيد هيبق برضو في نفقه ليكي

Mango_74700 🇪🇬 · Answer

اطلقي 
و كدا كدا ليكي نفقة للاطفال و حضانة و مسكن

Strawberry_78063 🇪🇬 · Answer

هو بس.. اقصد ان لو ضربني كل العيله بتعرف و بحس باهانه اكتر مايكون محدش شاف و لا حس بينا

Strawberry_78063 🇪🇬 · Answer

هو مش هيدفع حاجه و انا عارفه لو اطلقت هيطلق عياله معايا

Mango_74700 🇪🇬 · Answer

المحكمة هتدفعه

Chilli_76322 🇪🇬 · Answer

طيب اهلك ماقولتلهمش ليه يحلو هما

Strawberry_78063 🇪🇬 · Answer

و لو اهلي رفضوا العيال و قالوا خليهم لابوهم انتي مش هتترهبني عليهم و هو يعيش حياته و انا عمري ما هقدر اسيبهم

Strawberry_78063 🇪🇬 · Answer

قولت كتير و خيروني اما استني و اقبل او اطلق و اسيبله العيال و انا مش عايزه اسيب و لادي

Chilli_76322 🇪🇬 · Answer

طيب لو اتطلقتي ترفعي دعوة استرداد الاطفال

Strawberry_69431 🇪🇬 · Answer

كرامتك فوق اي شي اشتري كرامتك و انك مع الوقت لو فضلتي مستحمله ده هتوصلي أن لقدر الله ممكن تعملي حاجة في نفسك لأنك مش هتكوني  مستحمله  شي

Banana_78158 🇪🇬 · Answer

متكمليش في العلاقه دي حرام عليكي نفسك 
لو دورتي علي حلول وحاولتي تصلحي الي بينك وبينو وموصلتيش لحاجه وكلها محاولات فاشله اعملي طلاق للضرر وارفعي عليه نفقه مسكن وملبس وتعليم للأطفال وهيبقا ملزم بالتعليم والمسكن والملبس وانتي خدي فتره راحه واقعدي مع نفسك دوري علي شغل كويس بمرتب مناسب مع النفقه الي هيدفعها وهتبقي قادره علي مسئوليتهم بإذن الله اوعي تكملي في علاقه مريضه بالشكل ده لمجرد خوفك علي الاطفال

Banana_78158 🇪🇬 · Answer

لو كملتي علشان خايفه ع الاطفال هتطلعي اطفال عندها عقد نفسيه بسبب المشاكل الي عايشين فيها وصدقيني الاطفال بيبقو بيتعذبو معاكو لو شايفين بينكو مشاكل كده وهيكرهو وجودكو مع الوقت