مش مستعجلة اتخطب.. قاريبي مش فاهمين

Question

عندي مشكله مع قاريبي مش قادرين يفهمو أن انا اللي مش موافقه اتخطب دلوقتي مش أن محدش بيجي يتقدم لا ومفكرين اني كده هكبر ومش هتجوز زي بنات خالتي اللي هما اصغر مني افهمهم إزاي أن ده نصيب وانا مش مستجعله انا لسه بعيش حياتي ومستنيه نصيبي الحلو من ربنا

Cookies_74230 🇪🇬 · Answer

خلي ليكي حياه عملية مشغولة بيها

Cookies_71160 🇪🇬 · Answer

حلو جدا بتفهمي والله

Strawberry_74008 🇪🇬 · Answer

ده اللي بعمله حالياً لدرجه ان معنديش وقت افكر في حد بس ببقي مدايقه لما في التجمعات العائليه يجيبو سيره الموضوع ده

Strawberry_74008 🇪🇬 · Answer

ثانكس

Banana_68481 🇪🇬 · Answer

طيب ما هم عارفين مصلحتك. وابوكى لم يشوف حد كويس  بيزعل انو مش من نصيبك

Avocado_73674 🇪🇬 · Answer

متهتميش بكلامهم وركزي علي نفسك ونصيبك هيجي حتي لو امتي

Strawberry_74008 🇪🇬 · Answer

محدش عارف مصلحتي غيري انا لكل واحد عارف مصلحته فين ومع مين واكيد قاريبنا مش بيفكرو زي تفكيرنا في اختيار شريك الحياه كل شخص ليه أولويات واساسيات لا غني عنها

Strawberry_74008 🇪🇬 · Answer

صح جدا ياريت بجد الكل يكون فاهم ده

Banana_65004 🇪🇬 · Answer

مش لازم تفهمي حد كفاية انك فاهمة

Tomato_65220 🇪🇬 · Answer

اولآ انا مش شايف ان دي مشكلة لان دي حياتك انتي ومحدش له إنه يتدخل فيها ثانيا النجاح مش إنك تتجوزي بدري النجاح إنك تتجوزي الشخص الصح علشان متندميش الباقي من عمرك وساعتها محدش في عيلتك دي كلها هينفعك فـ المحصله إنك اعملي اللي يريحك واللي شيفاه صح ومتبصيش ولا تسمعي لـ اي حد

Banana_68481 🇪🇬 · Answer

عندنا. مثل بيقول اكبر منك بيوم يعرف عنك يا سنه   انت مهما كان عمرك  هتكون ليكى خبرة زى ولدك أو ولدتك  طبعا لا هم عاشور حياة عرفوا فيها الدنيا محتاجه ايه وايه إلى ينفع وايه إلى مش ينفع .. ول انت عايزة تعيشى زى الافلام كل دة تمثيل الواقع شى مختلف تمام

Orange_74250 🇪🇬 · Answer

متقنعيهمش ده مرض للاسف عند ناس كتير 
محدش من حقه انه يتدخل في حياتك ب اي شكل من الاشكال ده حياتك انتي يعني براحتك انا بشوف ان دي خصوصيه مينفعش حد يتخدل فيها اصلا دي بجاحه وملهاش علاقه بصله قرابه

Moon_71804 🇪🇬 · Answer

بس زي مهما اكبر مننا كمان من جيل مختلف افكار مختلفه حياة واهداف مختلفه زمان كانو الاهل بيختارو بناء علي الانسب اجتماعي او من الاقرايب وخلاص ودا اللي بينتج عنو دلوقتي ان معظم الاهل مش متفاهمين والعمر عمرو مكان مقياس للخبره والنضج وكل انسان من حقو يختار شريكو علشان لما تكبر وتتجوز علي مزاجهم وتندم وترجعلهم بكره وحقد وبجمله انتو دمرتو حياتي وقتها مش هيكون فيها مين اكبر ومين اصغر هيكون فيها اهل دمرو

Moon_71804 🇪🇬 · Answer

اعملي اللي يريحك ومتبرريش اصل لما تتجوزي جوازه وحشه محدش هيشيلها معاكي بالعكس هيجو يقولولك مكنش ينفع تختاريه والدايره تدور وبرضو هيتكلمو الناس مش بتبطل كلام وافتكري ان دي حياتك وقرراتك انتي اللي هتشيليها سؤا صح او غلط ف فكري واستني الجواز مش اعظم انجاز بس الانجاز بجد انك تلاقي راجل يقدرك ويراعي ربنا فيكي ودا مش متاح كتير دلوقتي ف اصبري ونصيبك جي

Strawberry_74008 🇪🇬 · Answer

بالظبط ، شكرا لحضرتك قولت كل الكلام اللي عايزه اقوله بجد

Strawberry_74008 🇪🇬 · Answer

عارفه أن دي مش مشكله وان دي فعلا حياتي واختياراتي مسؤوليتي بس انا بتكلم علي كلام الناس اللي مش قادره تفهم ده وان مهما اتكلم هما مش فاهمين قصدي هما عايزين يفرحو بيا وخلاص كده زي اي بنت

Strawberry_74008 🇪🇬 · Answer

ده اللي بعمله حالياً بس بيصعب عليا تفكيرهم وأنهم مش قادرين يفهمو أن ده نصيب والجواز فعلا مش كل حاجه

Strawberry_74008 🇪🇬 · Answer

ربنا يهديهم ويهدينا جميعاً