مشكلة مع خطيبي واتصل باهلي.. هل أنا بالغت؟

Orange_87892 🇪🇬

منذ أسبوعين

شعور مرتبك

حصل بيني وبين خطيبي اختلاف ع حاجة واينعم الموضوع اخد كلام كتير لكن ف الاخر عملت الحاجة دي عشان ارضيه مع ذلك هو اتصل ب اهلي واشتكالهم مني وطلع الموضوع برا وحكاه من وجهة نظره هو طبعا وطلع كان فاهم حاجة غلط عني وحكاها لاهلي وكل دا كان بعد ما اوريدي نفذت الحاجة دي يعني مكنش في داعي يتصل بيهم برضو وانا اتحطيت ف موقف وحش اوي حسيت نظرتهم ليا اتغيرت وكل شوية اسمع كلام منهم المهم انه اعتذر وقال دا مش هيتكرر ومش هدخل حد بينا تاني بس مع اعتذاره ف الاخر قالي بس انتي كنتي تستاهلي تسمعي الكلمتين دول من اهلك ودا الصح– عدى اسبوع ع الموضوع ومش عارفه اتخطى ولا ارجع اكلمه ومجروحة جدا من الموقف وبفكر انهي الموضوع بجد هل انا بالغت ولا ليا حق؟ لاني بجد مبقتش عارفة.

صاحبتي اللي زي الأخت بقت بتقلل مني.. عايزة حل

انا عايزة رايكو في مشكلتي..انا عندي واحدة صحبتي من 4 سنين يعني أختي هي أقرب واحدة ليا انا شخصيه اجتماعيه و اعرف ناس كتير بس قليل اوي اللي قريب مني.. عيلتنا صحاب يعني تقريبا أختي.. بس مؤخرا بدأت أشوف منها حاجات كتير مواقف انها مش بتحبني و أو ممكن بتحبني بس بتحب نفسها أكتر معندهاش مشكله تقلل مني أو تقولي كلام بيضايق قدام الناس بس عشان تحس أنها أحسن مني.. و بتقف مع أي حد عليا و دايما شايفه هي اللي صح و انا أيا كان رأيي طلامه مش زي رأيها يبقي غلط.. انا شخصيتي مش ضعيفه بس بحبها و لفت نظرها كتير و اتخانقنا كتير بسبب الموضوع ده و قولتلها صراحتا.. بس هي كل مره اواجهها فيها تقعد تعيط و تقولي انتي اللي غلطانه أنك بتفهمي غلط و تعيط و تخلي كل الناس يحسو أنها الضحية و ده لأن انا مهما كنت مظلومه عمري ما بحب اللبس دور الضحية ده .. و هي بتستغل ده صح .. مبقتش عارفه أعمل أي أبعد إزاي و هي معايا في كل حته مدرسه و بيت و تمرين و دروس.. طيب اطنش مش قادرة و مش مستحمله و لا حتي بقيت عايزة اواجهها تاني.. عايزة حل لو سمحتو ساعدوني ...عرض المزيد

4 الدعم

7 نصيحة

عاوزه أشكر حد كان سندي بس أخلص منه نهائي

انا عندي ٢٥ سنه كنت مرتبطه بشخص وانا عندي ١٧ سنه وهو ٢١ .. هو حاليا ٢٩ المهم انفصلنا وهو مش مناسب لا اجتماعيا ولا ماديا ولا دراسيا ولا اي حاجه في الدنيا وانفصل عني عشان هدخل تالته ثانوي .. وعشان ميأثرش عليا وانا كنت عاوزه اهرب منه صراحه هو قالي (( مش عاوز اكلمك تاني) انا فاهمه عشان بدايه السنه بس استغليت الفرصه عشان ابعد عنه المهم كان عندي حد متابعني علي الفيس ٥ سنين مش مفارق الأستوري ولسه مكتشفه انه هو الشخص دا .. انا فضلت وحيده جدا ووجوده في الخمس سنين دول فرق معايا اوي اني محستش بالوحده القاتله ، انا معنديش اي مشاعر اتجاهه بس حابه ادخل اشكره واقفل معاه اي امل نهائي وكمان انا ممتنه ليه جدا ..و مش عاوزه يفضل متعلق كدا صاحبتي بتقولي حرام مترجعلهوش مشاعر ، ممكن قرب يتخطاها ، وانا حاسه عاوزه اخلص من عذاب انه مش عارف يتخطاني اعمل اي خصوصا اني اتعرضت لنفس الموقف بس الشخص مجبهاش صريحه بالعكس فضل يراوغ بالكلام وفي الآخر افعاله كشفته حاسه صراحه مش قادره اخلى حد يعيش نفس الشعور تاني ...عرض المزيد

3 الدعم

15 نصيحة

مش عارف أحب بنات - هل ده طبيعي ولا في مشكلة؟

ازيكم يا جماعة الخير أنا شاب عندي 26 سنة عندي مشكلة و أتمنى ألاقي ليها حل أو حتى أعرف هل أنا كده طبيعي ولا فيه مشكلة .. أنا مشكلتي إني مش بعرف أحس بمشاعر حب تجاه أي بنت بمعنى إني بقالي فترة كبيرة جدا عمري ما دخلت في علاقة ارتباط ببنت و مش عارف اللي بيكون مرتبط ده بيعملها إزاي اصلا ، يعني أنا بشوف بنات كتير و بيعجبوني بس عمري ما حسيت ان الموضوع إرتقى معايا لدرجة إني عايز أرتبط بالبنت دي مثلا .. يعني حاسس اني عمري ما حسيت باللحظة اللي بتقول فيها لنفسك أنا عايز اكون مع البنت دي .. مع العلم إني صاحبت بنات عادي بس كان الموضوع بالنسبالي اننا صحاب بس او ممكن نكون بيست فريند بس ارتباط لا عمر ما الموضوع وصل بيا لكده ولا سمحت ليه يروح بيا لكده.. ف مش عارف هل ده طبيعي ولا فيه مشكلة أنا مش عارف اشرح بالتفصيل يعني بس أتمنى حد يكون فهمني و برضو أنا خلاص كبرت و المفروض الفترة الجاية يكون فيه حد في حياتي و يكون فيه علاقة رسميه بقى بس انا مش حاسس اني مشدود لحد او فيه حد خطفني لدرجة اني اكون عايز اكمل معاه باقي عمري مثلا.. أتمنى حد يساعدني لو يعرف ...عرض المزيد

0 الدعم

11 نصيحة