معجبنيش انهارده اني قعدت ابرر لصحابي مالي عشان مش عايزه انزل لاني عايزه ابطل اشرح حياتي لحد مبقتش متقبلة احساس اني ابان ضعيفه او مكشوفه لاي حد ده غير ان كلهم بقوا صحاب من بعيد لبعيد ف شكلي وانه يبقي بيلمع من بعيد كده احلي من اني ابان مثيرة للشفقه ف عيونهم او مكسوره لاي سبب يمكن لو صحاب قريبين بجد مش هحس كده .. ده غير ان في بنت هتكون موجوده عارفين انها بتسال اساله شخصيه وبجحه وعارفين اني مش بحب اسلوبها وهيجيبوها مع انهم عارفين اني مش بتقبلها .. فكرة الصحاب او العلاقات المرهقه ديه مبقتش تنفعني .. محتاجه اجمد قلبي واعمل حدود من غير تبريرات ومن غير خوف من زعل حد .. لاني كده كده كنت لوحدي ووجودهم اللي بيكون كل فين وفين مش هيفرق كتير .. يمكن لو كل حد لوحده اوده وخلاص تمام بعيدا عن البنت ديه لكن اننا نرجع وافتكر اللي كانوا بيعملوه معايا زمان والتقليل مني والتريقه ده خلاص كان زمان.. انا دلوقتي بقيت فاهمه ان اي حد مش فاهمني هيقلل مني اي حد مش متقبل شخصيتي هيشوفني بنظرة غلط وكل العبث بتاع الناس ده انا عايزه ابعد عنه لانه وصلني لعدم ثقتي ف نفسي واني اكون مهزوزه بدل ما اكون واثقه وثابته وصلني للشك ف نفسي انا قابلت صحاب اشكال والوان وكل واحده كانت بتديني حكم او خازوق اسوء من اللي قبله .. لما فصلت منهم كلهم لقيت اني بعدي اصعب الحاجات بربنا مش ب حد افي ناس كانت جدعه بس مش كل قعادتهم تنفعني ولا كل صفاتهم شبههي .. من الاخر مش هحط نفسي ف اي حاجه مع اي حد تاني مش بيريحني ايه اللي يجبرني ولا اي حاجه انه يزعل ؟!! عادي احنا اصلا بعاد جدا محدش عارف نمت كام مره وانا معيطه ولا حد يعرف كم القهره اللي حصلتلي تخطيت او لا ؟؟ واا حد مسوؤل عن ده وانا برده ليا حرية الاختيار مين حواليا ومين لا

0

1