مفيش ندم على أي حاجه، كل التجارب بتعلم

Sugar_30596 🇪🇬

منذ سنة واحدة

شعور خجول

موضوع:

تجربتك مع الشعور ب الندم

يعني انا الحمدلله عمري ما ندمت علي اي حاجه سواء كانت حلوه او وحشه لانه مقطنعه ان اي حاجه بتمر علينا مهما كانت فاحنا اكيد بنتعلم منها درس واكيد هنستفاد منه بعدين فاي حاجه بتحصلي بتعلم منها لبعدين وبعدلها دلوقتي.

اكتشفت إني مش دايماً الاختيار الأحسن لغيري

صباح الخير أو مساء الخير حسب هتشوفوا البوست ده إمتي النهارده حابة أشارك درس جديد اتعلمته وأضيفه صفحه لكتاب حياتي، درس عمري ما فكرت فيه قبل كده. زمان كنت فاكرة إن أنا اكيد الاختيار الأحسن لأي حد، وده مش غرور ولا نرجسية، والله أبداً، بس كنت حاسة من جوايا إن اللي هايختارني أكيد مش هيخسر، لإني هساعده بكل طاقه عندي وكنت كمان متأكدة إني لو اتحطيت مكان أي حد في موقف صعب، هعرف أتصرف وأحل المشكلة. لكن من كام يوم، أدركت حاجة مختلفة تماماً... اكتشفت إن المواقف الوحشة اللي بنمر بيها مش دايماً حاجة سيئة، بالعكس، أحياناً بتكون فرص نتعلم منها دروس مهمة. وللأسف،او خليني اقولك الحمدلله الدرس اللي اتعلمته كان إن أنا مش دايماً الاختيار الأحسن، ولا حاجة! زعلت؟ أكيد زعلت... وسألت نفسي سؤال: ليه عمري ما فكرت في العكس؟ ليه ما حطيتش في اعتباري إن ممكن أكون أنا مش الشخص المناسب لحد معين؟ ليه كنت دايماً مقتنعة إني هعرف أحل أي مشكلة؟ ليه مفكرتش إننا مختلفين، وإن الطريقة اللي أنا شايفاها الحل الأمثل ممكن تكون بالنسبة لغيري مش الحل الصح، وإنه ممكن يكون في حل أحسن مفكرتش فيه؟ أسئلة كتير جداً دارت في دماغي، وإجاباتها مش عندي، بس اللي متأكدة منه دلوقتي إن الدرس ده خلاني أعذر ناس كتير ما اختارونيش، لأن ببساطة... يمكن أنا فعلاً ما كنتش الاختيار الأحسن ليهم. ...عرض المزيد

9 الدعم

0 نصيحة

سنه صعبه وخبرات تغيير.. الحمدلله ع كل حاجه

بقالي فتره كبيره مكتبتش حاجه بس حسيت اني محتاج اتكلم السنه دي كانت صعبه جداً علينا عدينا فيها ب ايام حلوه كتير وايام تانيه صعبه جداً فقدنا ناس غاليه علينا بس هتفضل جوانا .ممكن مبنعرفش نبعبر عن اللي جوانا او نتكلم مع حد بس خير عدينا بمواقف كتير كانت صبعه اتصدمنا ف ناس شوفنا مواقف وحاجات مش حلوه م ناس بنحبها اتخدعنا ف ناس عرفنا ناس جديده والدينا ماشيه الواحد كان بيحاول ع قد ماقدر انه يعمل اللي عليه او يحاول يعمل اللي يقدر عليه اثبت لنفسي ان لو اتحطبيت ف موقف لازم كون قد المسؤليه ووقد كان والحمد الله بعد تعبت كتير ومعافره ربنا كريم ديماً وشيفنا وحاسس بينا حتي لو مفيش حد حااسس بينا ف الاخر حابب اقول الحمدالله ع كل حاجه وان شاء الله اللي جاي خير واتمني ان اكون خفيف والناس تكون فكراني بالخير ...عرض المزيد

5 الدعم

0 نصيحة

رحلتي مع التغير المستمر وتقوية الذات

تٌغيَر مستٌمر هناك فرق شاسع بين ماضيها وحاضرها وربما مستقبلها ايضا، تسعى دائما لتطور مستمر فى مظهرها، مهاراتها، علاقاتها، حياتها بشكل عام. تسعى دائما ان تتعلم كل ما هو مفيد لها ولدراستها ولعملها فى المستقبل. تحاول ان تتفادى الاشخاص التى تؤثر عليها بالسلب بعد مرورها ببعض التجارب المخزيه فى الماضى من اهتمام زائف وعلاقة مؤقته واستنزاف عاطفى. تحاول ان تفهم ذاتها وتفهم عواطفها وانفعالاتها. تسعى كل يوم ان تحدث فرق بين امسها. هى دائما تسعى لتكون مختلفة عن غيرها فى فئتها العمريه او على الأقل ان تكون ممن يحاولون التغيير فى عامهم الأول فى.. مرحلة.الشباب تبحث وتفتش دائما، تحاول الإمساك بطرف خيط يوصلها لهدفها وحلمها وتبذل كل طاقتها جاهدة أن تكون افضل تحاول أن تبنى شخصيه قويه وأن تكون نشطة اجتماعياً بين الناس. هى من اؤلئك الناس الذين يكرهون الإستنجاد بأحد لذلك هى تحاول وإن كانت تفشل فى بعض الاحيان ولكن. تحاول أن تعتمد على نفسها. وإن تنظر لها وكأنك ترى ملاك منزل على الأرض، الكثير يخدعون فى وجهها البرئ ويرون انها ضعيفة او ليست شخصيه صلبه تواجه المتاعب، ولكن هى لا تهتم بتصحيح وجه نظرهم عنها. هى فقط تهتم لذاتها وتحصين نفسها من الاخطاء والمعاصى وتحاول أن تتجاهل نظره الناس لها. دائما تحاول ان تقوى من شخصيتها لدرجه ان تواجه اى مصاعب بمفردها. هى لنفسها فقط. هى تهتم بمن حولها ولكن لا تجعل اهتماها بهم يؤثر على اهتماها بنفسها أى تحاول أن لا تكرر اخطاء الماضى وتجعل نفسها فى اى مقام غير الاول هى الأن واثقة ومتفوقة ومثقفة وتضع الاشخاص فى اماكنهم الصحيحة دون الصعود بتوقعات عاليه لهم. هى بشريه ايضا تخطأ وتتوب وتذنب وتراجع افعالها وتحاول جاهدة أن تتوب إلى الله بعد كل معصيه. واخيرا هى سعيدة وفخورة بكل ما مررت به من السئ والجيد فكلاهما ساعداها فى أن تتغير وأن تحب نفسها وتثق بها ...عرض المزيد

9 الدعم

0 نصيحة