مش شايفها حلوة بس كويسة.. اخد قرار ازاي؟

Question

ممكن حد يفيدني يا جماعة اعمل ايه 
فيه بنت شوفتها عملت معاها مقابلة تعارف للزواج 
حصل قبول بنسبة كويسة 
ولكن ماحصلش اعجاب أو انبهار يعني مرتاحلها لكن مش شايفها حلوة 
مفيش انجذاب
لكن لذيذة و طيبة و بسيطة وفيها صفات بحبها 
وبنت ناس
ساعدوني اخد قرار 
خاصة اني طالع من خطوبة و كنت بحب خطيبتي جدا و مش شايف اجمل منها لكن مفيش نصيب بيني و بينها 
دلوقتي انا عايز افكر في اللي جاي اعمل ايه و عايز تبقي خطيبتي الجديدة مالية عيني و مش عايز اكلمها
ساعدوني اخد قرار بالله عليكو

Strawberry_83011 🇪🇬 · Accepted Answer

اتخطي اللي كنت بتحبها الاول عشان متظلمش نفسك والبنت التانيه

Chocolate_83376 🇪🇬 · Answer

ممكن تتفق انكم تاخدو فترت تعارف و تتكلمو فتره

Biscuit_51993 🇪🇬 · Answer

صلي استخارة وبس كدا 
وبلاش جو فترة تعارف كبيرة دي عشان ممكن تحبك وتتعلق بيك وانت من كلامك واضح انها مش ماليه عينك برضو

Cherry_71804 🇪🇬 · Answer

مدام مش شايفها حلوه يبقي بلاش منو علشان متاخدهاش وتحسسها انها ناقصه او تقارنها بحد او تاخدها ونت مش متقبلها من جواك وخد فتره نقاء اتخطي فيها خطيبتك السابقه وافهم ان الشكل مش كل حاجه اختار اللي تصونك علشان تبقي واثق فيها ونت نازل من بيتك واختار اللبقه اللي تشرفك قدام ناسك واهلك وتكون ام صالحه لاطفال الجواز خطوه كبيره اتقني فيها واختار صح علشان متعيش الباقي من عمرك ف جحيم حتي لو كان مع واحده حلوه

Watermelon_57983 🇪🇬 · Answer

طب دي فيها كل المواصفات دي ماعدا الجمال .
هل بعد كدة هحبها وهنسي النقطة دي

Cherry_71804 🇪🇬 · Answer

علي حسب انت متقبلها دلوقتي بنسبه كام ف% وبرضو علي حسب انت شايفها مفتقده اي ف الجمال
يعني في حجات بتتصلح بشرتها فيها حبوب بتتعالج سنانها هتركب تقويم جسمها ممكن تخس او تتخن هاكذا لكن في اساسيات مبتتغيرش ف علي حسب انت شايفها مش جميله لي وبرضو ملكش الحق تقولها عدلي من شكلك انت حاببها كده او متقبلها تمام مش متقبل بلاش احسن علشان هتتعبو اوي وهتظلمها

Blueberry_79752 🇪🇬 · Answer

اتخطى الاول وانسي الاولى قبل ما تدخل ف اى علاقة علشان متزلمهاش معاك وتعلقها بيك ويرجع نفسيتك منبهرة لسه بالاولى ومتتقبلهاش وميحصلش نصيب

وعامة القبول هو المهم مش الانبهار لكن لان في واحدة قبلها فحرمتك من النظرة المتعقلة للتانية