تعبت من دوشة البيت والزعيق بقيت مبحبش البيت

French Fries_32968 🇪🇬

منذ يومين

شعور مكسور القلب

من كتر دوشه البيت والتعب والزعيق وي وين وصلت لمرحله اني بقيت مبحبش البيت رغم اني من النوع البيوتي الي مش بيحب ينزل بقيت بنزل السناتر الي كنت بكرهها وباجلها اون لاين بقيت بنزلها اوفر حتي لو علي حساب تعبي وصحتي حرفيا النهارظه نزلت ٥ سناتر شرح ٥ مرات معلومات مختلفه حرفيا جيت م قادره حسه دماغي خلاص واول م اخش البيت الاقي زعيق وشتايم و امي مره واحده تقولي الاهي مصيبه تشيلك الي هو اييييييي م طول اليوم بره اعمل اي تاني وتقول لابويا بنتك دي بقت لا تطاق الي هو سؤال هو انتي بتشوفيني اصلا أو بتتعاملي معايا عشان تقولي كده هو اي حاجه وخلاص المهم اني ابقي وحشه

تعبت من البيت والعيشه كلها غصب عني

أنا تعبت اوي من المكان اللي أنا عايشه فيه كل حاجه بالإجبار نوم بالإجبار في وقت معين ونقوم بالإجبار والأكل غصب والدراسه غصب وحتى لما نيجي نخرج بيخرجونا خروجات أسواق غصب ولما أعوز اخرج مع صحابي يرفضوا ويتحججوا اقل حاجه النهارده لما قلت عايزه اروح يوم ميلاد صحبتي اللي بقالي أسبوعين قايله عنه وكانوا موافقين رفضوا والحاجه ان الجو مش حلو واكيد هتمطر بعد ما جهزت وكلمتها إني هاجي رفضوا واضطريت إني اروح اعتذر لها مع ان هيا كمان اصرت عليا إني اجي وقلت لها أنا بلبس وجايه وفجأه بدون أي مقدمات رفضوا وبعد ما قلعت هدوم الخروج وقعدت واعتذرت من صحبتي وصحابي راحوا لعبوا وخلصوا كل حاجه بابا قام قالي قومي اجهزي عشان نروح !!! بعد ايه ؟ بعد مخصلوا كل حاجه ؟ بعد ما اعتذرت لهم وعيطت ؟ ولما قلتله إنهم خلصوا قالي لحقوا ؟ يعني كان متخيل أنهم هيستنوني ؟ وأنا كل شويه يقولي ارفضي ويرجع يقول وافقي ارفضي وافقي ، أنا لو مكان صحابي وحد عمل معايا كده أصلا نقطع علاقتي بيه ! وفي نفس الوقت كل يوم دراسه وإذا شافوني بلعب اتهزأ واتشمت واطلع مش محترمه ولا متربيه ، شافني بعمل سكين كير من كم يوم قوم الدنيا وقعدها ويقولي معدتيش تذاكري في الاوضه كل ما ادخل عليكي الاقيكي بتحطي كريمات امال فين الدراسه ، أنا مش بحط كريمات غير قبل ما انام عشان ما أضيعش وقت بس هو بقى بيشوف إني بحط طول اليوم وسايبه مذاكرتي ! كل يوم الصبح بيدور لي على غلطه ، والله بيدور على غلطه ! اول ما ادخل الصاله يقولي أنتي مسلمتيش ليه أنتي مكشره كده ليه هو أنتي اللي بترزقينا عشان تقلبي لينا شوك كده طول اليوم وأنا ببقى ناسيه !! ركبت السياره من كم يوم ولسه مقعدتش قام مناولني حاجه وأنا لسه ملحقتش اقعد حتى خدتها ولسه بقول في ايه قالي مسلمتيش برضوا اهو ! طب أنت اديتني فرصه طيب ؟ وقام مشاكلني وقايل عني مجادله كل ما يشوفني يشاكلني ومقدرش أتكلم لان لو اتكلمت هيبرر لنفسه وهيقول أنتي حساسه وهو احنا عاملين فيكي ايه ! أنتوا مش عاملين فيا ايه ؟ وماما متقدرش تتكلم لانوا بقى بيستلمها هيا كمان اليومين دول وكل شويه اسمع صوتهم وهما بيتشاكلوا بقيت مش بطيق القعده في البيت وإذا رميين على حد من اخواتي افضفضله اتكسف تاني ومتكلمه وهو يفضل يحكيلي عن حياته ويومه في الجامعه وايه اللي حصل وايه اللي جرا بقيت كل يوم اروح المدرسه مع أصحابي وأنا نفسيتي تعبانه لدرجة احيانا من اقل حركه هما بيعملوها غصب عني بعيط من التراكمات مش بقدر امسك دموعي ، كان نفسي إني اقدر احكي يومي لحد من اهلي عشان يفهمني بس كل ما بكلم حد يقولي بطلي رغي اسكتي ابوكي جه اسكتي بقى ! حتى هما معدتش بقدر أتكلم معاهم ولا بقول بيطيقوني ! ، بقيت اروح المدرسه وادعي إني مروحش البيت ، أنا عارفه ان كدا حرام بس بقيت ادعي على نفسي بالموت ولا إني اروح واقعد معاهم معدتش طايقاهم ولا طايقه نفسي ولا طايقه العيشه دي ربنا يسامحني بس والله بحاول وبعمل كل اللي اقدر عليه بس مش بيرضوا كلهم بيحسوني إني عاله عليهم بقيت مش بطلب أي حاجه ولا أي رفاهيه عشان ميقولوش عني مسرفه ولا مبذره أي حاجه المدرسه بتطلبها بقولها لهم باستحيا مع ان دي واجبات عليهم وإلا مكنوش خلفوني من الأصل أنا أصلا مكنتش عايزاهم ولا عايزه عيشتهم كل يومي دراسه واجيب مجموع الكل يحسدني عليه وبرضوا مش بيعجبهم كل اللي بيقولوه كنتي تقدري تشدي حيلك تكتر بس ماشي مبروك ! وإذا نقصت يعتتوا في جتتي وأنا أصلا ببقى منهاره يعني ليه يزيدوا الموضوع ؟! أنا تعبت منهم قوي وتعبت من العيشه دي قوي قوي ...عرض المزيد

7 الدعم

6 نصيحة

تعبت من أهلي وحاسه نفسيا متأذيه منهم 💔

انا بقيت مخنوقه حاسه من القاعده في البيت بقيت أكره اهلي حتي امي معتش بحب اسمع منه اي حاجه وهي علطول بتزعق علي اتفه الأسباب وحتي بقلهم اطلع اشتغل بدل الملل الي انا فيه بيقولولي هتفضلي خدامه هنا في البيت وحاسه اني بقيت اتاذي نفسيا منهم الكلام بتعهم جارح قوي وقال أم اقعد اتكلم معهم يقولولي موتي نفسك وانا تعبت قوي منهم ولا عرفه حتي اتجنبهم ❤️‍🩹💔 ...عرض المزيد

1 الدعم

3 نصيحة