موضوع ابستين ده مقرف ومرعب.. باحمد ربنا على نعمة الإسلام

Mushroom_85544 🇪🇬

منذ 3 أسابيع

شعور منزعج

موضوع ابستين ده مقرف و مرعب لأبعد الحدود، مش متخيل ان في ناس في الدنيا عايشة حياتها في القرف و الفجر ده. كتير باحمد ربنا اننا اتولدنا مسلمين في بلد مسلمة و ربنا بعد عنا الوسخاة دي والله. كل ما اشوف تفاصيل اكتر القرف بيزيد

ليه الفجر الساعة 5 الصبح؟ اكتشفت أقوى سبب لصحيتك

نفسي أثبت قدام عينكم، اننا في شهر من الأشهر الحرم بجد💔 واحد بيقول : أنا عايز أعرف إحنا ليه بنصحى صلاة الفجر الساعة 5 الفجر؟ و ده مش سؤال إلحادي! يعني ده دين الإسلام وكل حاجة ليها إجابة، فأنا عايز أعرف ليه؟ أنا الصراحة ببقى راجع من الشغل تعبان، وصلاة الفجر الساعة 4 ولا 5، وكلها ساعتين وهصحى، وأنا ببقى بردان ومتغطي ومبسوط وفي عز نومي بقى وجمال النوم يعني ليه الساعة 5 الفجر؟ ومحدش يقول لي علشان ربنا بيختبرك بتحبه ولا لأ، أنا والله العظيم بحب ربنا، طب عايز أعرف صادق ده ولا لأ؟ باختبر في حاجات كتير أوي في اليوم ولكن بتسقط معايا في الفجر، أنا بحاول أصحى صلاة الفجر ولكن مش عارف خالص أنا دايماً كل يوم وأنا بصحى بسأل ليه الساعة 5 يعني؟ ما الساعة 5 أو 4 يعني في عز الليل وفي عز النوم وفي عز البرد، وفي عز ما أنا مبسوط. لحد ما عرفت إن يوم القيامة هيبقى يوم ضلمة جداً، وضلمة يوم القيامة ملهاش علاقة بالضلمة اللي احنا نعرفها خالص، يعني أكيد مش السواد اللي احنا نعرفه،مفيش نور سما، مفيش نور عربيات.. ومطلوب مننا إن احنا نعدي طريق أرق من الشعر، مش شعر لا ، أرق من الشعرة! وأحد من السيف انت متخيل! وضلمة، ضلمة كمان وعايزين نعدي!! طب لو معدناش؟ النار تحت! لو ما عدناش هننزل النار. وإحنا في الطريق في اليوم ده في ناس كتير هنلاقيها حواليها نور، ناس مش شايفه الضلمة زي الباقي.. الناس دي كانت بتعمل إيه في الدنيا ؟ كانت بتصلي الفجر! النبي صلى الله عليه وسلم بيبشرنا، بداية الحديث بيبشر 🤍 «بَشِّرِ المَشَّائِينَ في الظُّلَمِ إلى المَسَاجِدِ بالنُّورِ التَّامِّ يومَ القِيَامَةِ» يعني الفجر هيكون سبب النور في اليوم ده! فأنا مش عارف إيه أقوى حاجة سمعتها خلتك تجتهد على صلاة الفجر، ولكن متأكد إن مفيش أقوى من الكلام ده 🤍 بمناسبة الدعاء، اللى مش بيتايع حسابات انستا عن الدعاء فايته قصص استجابة و تحقيق أماني تُقر العين بجد❤️‍🩹 ربنا يقر أعيننا جميعا.. متنساش اننا في رجب شهر حرام، فيه الذنوب تُعظم.. ...عرض المزيد

4 الدعم

2 نصيحة