موقف محرج مع بنت في العربية وانا خارج

Mango_76647 🇪🇬

منذ 8 ساعات

شعور غاضب

حصل معايا موقف امبارح بليل مش عارف اوصفه ازاي كونت خارج انا واحد صحبي امبارح في العبور وقفنا في بنزينة شيل اوت هو نزل يجيب قهوة و انا استنيت في العربية لقيت بنت واقفه علي الطريق فضلت وقفه شوية المهم نزلت زجاج العربية و بسالها اذا مستنه اوبر فقالت اه و فتحت باب العربية و ركبت افتكرت ان انا اوبر و انا مش عارف اتكلم من الصدمة المهم هي كانت بتتكلم في الموبيل و انا عايز اسألها هي هتنزل فين فلما سألتها قالت اللوكيشن الي عندك فقولتلها انا مش اوبر انا كونت بسألك بس يمكن تكوني محتاجه مساعدة فجاءه لقتها صرخت و فضلت تقول نزلني هنا لأحسن اصوت و فضلت اهدي فيها و اقولها طيب لحظة بس اركن و لما ركنت نزلت تجري في الشارع و انا من الصدمة فضلت راكن مش عارف اروح فين لحد ما فوقت و رجعت لصاحبي علي البنزينه 😅 فعلا خيرا تعمل مجنين تلاقي 😅

ليه يقرر يمشي من غير تواصل وهو أبسط حق ليا؟

يعني ايه تكون علاقتك بحد كويسة جدا لدرجة انك ممكن تشوف ان دي اكتر علاقة استثمرت فيها وان خلاص ده اكتر شخص فاهمك وانت فاهمه والشخص الوحيد اللي بتحكيله على حرفيا اي حاجة وكل حاجة وفجأة بدون مقدمات يوقف كلام معاك ولما اسألها ايه اللي حصل تقولي انها اكتشفت ان الشات بتاعنا مش احسن حاجة بالنسبالها وان فيه كام موقف(بعضهم من شهور) كانو مضايقينها بس هي مكانتش واخدة بالها علشان مش واعية بمشاعرها والوقتي خلاص اتراكموا على بعض فلازم تاخد بريك ؟ من امتى بقا الشخص ليه حرية انه يقرب من نفسه ويمشي من نفسه من غير ما يبقى فيه تواصل مع اللي قدامه عالأقل مش ده أبسط حق ليا ؟ ...عرض المزيد

0 الدعم

5 نصيحة