في حاجه نفسي اطبقها مش عارفه انا بس اللى بفكر كده ولا لا بس انا مش هربي عيالى بنفس تربيتى مع انى اتربيت احسن تربيه بس فاهمينى؟؟ مش هحسس عيالى ان بحبهم حب مشروط بحيث لو معملوش كذا يبقا اعاملهم وحش ولو عاملولى اللى انا عايزاه اضحك ف وشهم واحبهم مش هقلل من عيالى قدام حد حتى لو الحد ده ابوهم وباقي اخواته هكبرو ف وجهة نظرهم هما عشان يصدقو نفسهم ويبقا عندهم ثقه ف نفسهم انهم قد اي حاجه واي حاجه مش هفرق بين ولاد وبنات مش انتى تعملى دي عشان بنت وهو لا عشان ولد لا المسئوليه هعلمهالهم هما الاتنين حاجه كمان بقا هنصفهم دايما قدام الغريب والعتاب واللوم والاعتراف بالغلط بينا ف البيت هعلمهم يبقوا سند لبعض ومحدش يشتم ولا يقل من اخوه لمجرد الهزار وانا اقعد اتفرج ولما صوتهم يعلى اصوت ف وشهم وخلاص زي م كل امهاتنا بتعمل كده هقرب واصاحبهم ويحكولى كل اللى مدايقهم من غير ما يلجأو لحد غريب وبرضو من غير م استخف بألامهم ومشاعرهم او اذكر حاجه قالوها وهما ف ضعف ف موقف تانى ضدهم اتمنى ابقا ام كويسه اتمنى اقدر احقق كل ده

3

6