جماعة انا عايزة احكيلكو موضوع كدا وعايزة نصيحتكم للموضوع دا انا في الشغل ليا زمايل ويمكن اكتر من زمايل صحاب يعني المهم يعني في حد زميل لينا من الصحاب دول حب زميتلي معايا في المكتب وحبوا بعض واتخطبوا وكله تمام ومن ضمن كل صاحبنا انا صحبتهم المقربة جدا في الشغل ودايما احنا التلاتة سوا اللي هو انا وصحبتي وخطيبها دا كلنا صحاب في الشغل نروح سوا نعمل شاي او نسكافيه سوا احنا التلاتة نحكي نتكلم ودايما هما واخدني اختهم الصغير (عشان هما اكبر مني) وحتي ساعات ييحكولي مشاكلهم ويتخانقوا واصلح مابينهم وبيحكلوا أسرارهم اللي محدش من صاحبنا عارفها غيري لحد كدا تمام ومفيش حاجة احنا التلاتة بينا علاقة وثقة كبيرة جداا المهم ساعات مثلا لما صحبتي دي تغيب فنروح انا وزميلي دا اللي هو خطبها نعمل حاجة نشربها ونرغي شوية وكل واحد ع شغلة وهكذا بتخصل كذا مره يعدي عليا نشرب حاجة ونتكلم شوية وكل دا بعلم صحبتي طبعا هي عارفة عادي وهي طبعا اثقة منه ومني ومن نفسها دا حارب الدينا كلها عشان يخطبها المهمم انا مش حابة الوضع دا الصراحه ان انا وهو نروح ونيجي مع بعض كتير خصوصا في غياب صحبتي حاجة من جوايا بتقولي لا ميصحش مادام صحبتي مش موجوده مع انها عارفة عااادي وهو اصلا مش بيخبي عنها حاجة ولا انا ومعندهاش مشكلة بس احساس من جوايا اني بخون صحبتي وكمان غير نظرات الناس لما بيشوفونا مع بعض كتير عشان الناس كلها عارفة انه هو وصحبتي مخطوبين او يمكن انا بيتهأيلي انهم بيركزوا معانا بس انا الصراحه بخاف على سمعتي بردو ف انتو ايه رأيكو؟؟ هل جو الزماله دا عادي وانا ببالغ ولا مينفعش ؟؟ اصل انا بردو مش بعرف احرجوا واقوله لا مش هشرب معاك شاي مثلا وهو الصراحه محترم جدا وذوق (خصوصا انا عمري ماكان عندي زمايل او صحاب ولاد فيمكن الموضوع جديد عليا شوية) ف انا مش عارفه بقي انصحوني

1

11