السلام عليكم انا محتاج من حضراتكو نصيحه انا يوسف خريج كليه الزراعه قسم اقتصاد السنادى انا بحب الفلوس جدا لدرجه انى اتعلمت حجلت ملهاش علاقه ببعض يعنى انا متعلم انجليزى واسبانى واتعلمت برمجه وقعدت فيها سنتين وبعدين اتعلمت موشن جرافيك واتعلت جرافيك ديزاين وشغال فشركة محاسب وبعد كده بشتغل فرى لانسر بالمهارات الى قلت لحضرتك عليها وبابايا فاتح شركة سياحة اتعلمت سيستم الطيران من شركة اير كايرو ونسما وبقيت يحجز تزاكر وبعمل تاشيرات سفر وبعمل اتوميشن للشركات وشغلت معايا ناس علشان تساعدنى فشغل الفرى لانسر بس برضوا كل الفلوس الى جايه قليله انا عايز اكبر عايز ابقي رجل اعمال انا كده شغال عند الفلوس انا عايز الفلوس تشتغل عندى عايز اشتغل فصفقات كبيرة انا عندى حته انى اقنع شخص حلوه قوى لدرجه انى ببيع تزاكر الطيران باسعار حلوة وفديوهات الموشن الى بعملها علشان بعرف اقنع الشخص الى قدامى بس مش عارف امشي ازاى بلف وادور حولين نفسي بعرف امسك الفرص الى فيها فلوس كتيرة واكسبها بس بتبقي من فترة لفترة والحمد لله اى شي يخص التكنولوجيا او بتتعمل على الكومبيوتر معرفهاش مثلا فخلال اسبوعين بكون مجمع معلومات وعملت مشاريع بيها واستازن حضراتكوا متقولوش ركز فحاجه واحده علشان مش بعرف لازم فيومى اكون عملت كذا حاجه فكذا مجال +انا بحب تطوير الشركات بطريقه رهيبه اى مكان اشتغلت فيه كنت بدور على الى ناقص الشركة واكلم صاحب الشركة واقله ادينى انا محتاج بادجت معينه وهعمل كذا وكذا وكذا والحمد لله مفيش شركة رحته غير وحطيت بصمتى فيها وبيكلمونى طول الوقت علشان ارجع وانا مش بوافق علشان انا مش عايز اشتغل عند حد انا سنى ٢٢ وانا اسف على وقتكوا

3

4