السلام عليكم.... مش مرتبه كلامي ولا هرتبه انا هسيبه كإنه نصيحة من اخت يمكن كلامي يفوق حد زي ما أنا فوقت اغلبكم سمع عن وفاة الدكتور أحمد البراجه دكتور شاب محترم مثقف و الكل يشهد له بالخير و حُسن الخلق أحمد جاله دور برد عادي فجت ليه كحة زينا ما بنكح أحمد كح دم راح كشف لاقي انه عنده التهاب رئوي حاد تاني يوم توفى الحكاية مش سهلة ولا بسيطة كلنا بيجيلنا برد كلنا بنتعب بس عمرك تخيلت إن دور برد عادي يكون اخر حاجه ممكن ترجعك تعمل حاجه كويسه واحده تقابل بيها ربنا محدش كان متوقع ولا أحمد كان متوقع بس في فرق مهم يا صديقي أحمد كان قريب من ربنا و دا باين في كلامه، محتواه ، تصرفاته تعالى نشوفك انت يا صديقي و تخيل نفسك مكانه بعد الشر عليك طبعًا إنت قاعد دلوقتي بتضحك، بتهزر، بتلاغي، بتلعب بعقول البنات،علاقات مؤقتة، كلام حلو ، وعود مش ناوي تكملها سؤال واحد بس هل ينفع تتخيل انك ممكن تموت وانت في اللحظة دي؟ و إنت بتعمل الفعل دا أو و إنت بتعمل المعصية اللي مش سهلة خالص أو وانت بتكلم واحده متعرفهاش بس بتسلي وقتك عشان تستمتع الفكرة مش تخويف ولا وعظ الفكرة إن الموت مش بيستأذن وبييجي فجأة والفرق الحقيقي في إنت كنت واقف فين وساعتها هتكون بتقابل ربنا بإيه أتمنى تترحموا على أحمد وعلى جميع موتانا ولو حسيتوا إن كلمة قولتها حسيتوا انها فرقت أو فادتكم فأي حاجه هكون مبسوطة لو دعيتولي صلوا على النبي

5

5