هتخسر إيه يعني؟ قاعدة اتعلمتها بعد سنين في الغُربة: لو نفسك في حاجة، مِدّ إيدك وخد خطوة. عايز شغل؟ روح وقدّم، حتى لو متأكد إنك هتترفض. هتخسر إيه يعني؟ عايز شخص بعينه؟ كلمه وقول اللي جواك. لو اترفضت… هتخسر إيه؟ مش يمكن تقول “آه”؟ مِدّ إيدك قبل ما غيرك يمدها، وقبل ما تتفرج على أحلامك وهي بتتحقق لغيرك. مع الوقت هتكتشف إن أغلب الحاجات اللي كان نفسك فيها ما حصلتش، مش لأنك ما تستاهلش، لكن لأنك خُفت تاخد الخطوة. خُفت تطلب. خُفت تقدّم. خُفت تتحرك ويتقالك: “لا، إنت مش كفاية”. بس اللحظة اللي تتقبل فيها إن إنك مش كفاية دلوقتي دي حاجة عادية، وإنك هتحاول وتطلب وتسعى لحد ما تبقى كفاية… ساعتها حاجات كتير في حياتك هتتغير. Take the step. إنت مش خسران حاجة… مش يمكن تحصل؟ Everything you have ever wanted is just on the other side of fear. And fear is why you fail.

5

3