انا في واحد كان معايا في الجامعة انا و هو في نفس المجال اللي هو العلاج الطبيعي المهم هو اكبر مني بسنتين و اتعرفت علية الترم دا المهم هو لما كنا بنحكي على المواد اللي مستصعبينها في الكلية و انا قولت مادة معينة مش بفهمها و بستصعبها فا هو قالي اية رايك اشرحهالك و فعلا نزل و شرحهالي مع انها مادة خلصانة من سنتين يعني المهم الشخص دا بدانا نتكلم حبة حبة و هو كان بيبعت كل فترة يتطمن عليا يعني و في الميدترم اتطمن عليا برضو و كان مهتم اني ابقى كويسة و امتحناتي ماشية تمام المهم اني في الجامعة كان في رحلة و كنت قيلالو انو لو طلع هبقى مبسوطة هو فعلا حجز الرحلة و كان طالع حصلت ظروف معايا غصب عني خلت عليا اني صعب اروح الرحلة دي و قولتلو اني مش هطلع قالي انو سحب فلوس الرحلة بتاعتو و انو هو كمان مش حابب يطلع و اقترح عليا اطلع مؤتمر تبع نقابة العلاج الطبيعي و انا قولتلو اني مش هعرف اعمل دا قالي بجد حاولي و هتتبسطي و فعلا حاولت و قررت اني اطلع بس مقولتلوش لقيتو بعدها بفترة قالي صحيح انتي مش هتطلعي المؤتمر و قبل ما اقول قراري هو عارف اصلا قراري الاول اللي هو اني مش هطلع و بعدين قالي اصلي دورت على اسمك ملقتهوش و جة في بالي انو يدور على اسمي لية هل هو مهتم؟ و بعدين طلعنا فعلا المؤتمر دا و كان كل ما اغيب عن عينو يرن عليا يسالني انا فين و كدة المهم انو هو دايما اللي بيبادر و دايما هو اللي بيفتح الكلام و هو اللي بيرجع يفتح اي موضوع حتى لو هيسال عليا بس اهم حاجة اننا بنتكلم من كام يوم سالتو مش احنا صحاب قالي ايوه و قولتلو احنا قريبين قالي ايوة فا قولتلو انت شايفني close friend زي ما انا شيفاك كدة قالي ايوة يا ست كلوز😂 فا انا مش عارفة هل هو في حاجة ولا انا فعلا في الfriend zone و طبعا مش هقدر اسالو تاني انا اية بالنسبالك

1

6