جماعه هو اللي بيحصلي دا طبيعي ولا انا تعبانه ومحتاجه اروح لدكتور واتعالج. انا انطوائيه ومشبعرف اتعرف على ناس جديدة مهما حاولت ومعظم وقتي لوحدي لو مش مع اسرتي ومعنديش غير تلت اصحاب بشوفهم من السنه للسنه، فمعظم وقتي لوحدي مع افكاري، لدرجه اني بنيت لنفسي عالم تاني خالص بأصحاب تانيين وناس غير الناس ولو حصل حاجه في يومي حلوه او وحشه بفكر فيها زي ما انا عايزه في العالم بتاعي دا وبعدل زي ما انا حابه، لدرجه اني لما افكر وانا ماشيه في الشارع ممكن اضحك او اكشر فجأه بس بلحق نفسي بسرعه عشان ميتقالش عني مجنونه، حالياً بقيت بشغل نفسي بأي حاجه عشان ابعد الافكار والتخيلات دي عني وبجبى نفسي اعيش على ارض الواقع، بس حتي الحاجه اللي بشغل نفسي بيها بدخلها في الخيال بتاعي دا. المشكله الاگبر اني بيجيلي وسواس ان في حد بيقرأ افكاري فلو قاعده مع حد بفضل ادندن في عقلي عشان بخاف يكون في حد سامع انا بفكر في اي. ساعات بفكر اني اروح لدكتور نفسي واشوف خيالي دا ليه علاج . وياريت محدش يقولي كوني صداقات واتعرفي على ناس جديدة عشان انا حاولت كتير ومنفعش ومش عارفه اتأقلم على الناس بأي شكل من الاشكال.

2

17