واقف قدام محل حبيبتي السابقة في الزقازيق مش عارف أعمل إيه

Gold_76647 🇪🇬

منذ يومين

شعور متعب

انا من القاهرة و التنسيق جبني جامعة الزقازيق و الحمدلله خلصت الجامعة و بقي ليه صحاب في الزقازيق المهم ايام الجامعه اتعرفت علي بنت من الزقازيق. حبنا بعض بس بسبب ان أهلها رفضو انها تعيش في القاهرة افترقنا و عدي علي الموضوع ده مده طويله و علاقتنا انقطعت و النهارده او مرة انزل الزقازيق من مده طويله و عرفت من صحابي انها فتحت محل ملابس و انا دلوقتي واقف قدام المحل و بتفرج عليها و انا في العربية مش عارف انا ليه بعمل كده او اي ممكن اعمله دلوقتي؟

مشكلتي مع مشاعري وانا مضغوطة من نفسي 😢

انا عندي 22 سنه طالبه جامعه في كلية طبيه على قدر جمال معقول لا انا البنت الوحشه ولا البنت اللي مافيش منها اتنين. الحاجتين بس اللي بشوف نفسي فيهم الاولي هي شخصيتي انا شخصيه عفويه كل اللي في قلبي على لساني بتكلم اضحك العب اعمل كل اللي نفسي فيه من غير مفكر في حد. التانيه اني ف حياتي مكلمت شاب ولا وقفت مع حد ولا طلعت ولا اي حاجه من اللي بتحصل ف السنه ده انا دايما عقلي أكبر من إني افكر ف الحاجات دي وشايف أن مافيش حب ف المرحلة دي بس في احتياج وكلنا ف السنه ده بنقع فيه. بس انا موقعتش فيه. في في حياتي ناس كتير بتحول تتقرب مني بس انا منعه ده تمام ودايما الرد بيكون بلوك ده بيكون خوفا من الله قبل أي حاجه واحترام لأهلي. وهنا تيجي مشكلتي ف حد معين معاي ف الكليه ربنا شاهد اني محولتيش أقرب بأي شكل ولا حصل بينا اي كلام برايفت اصلا بس جروبات الدفعه وبحكم اني بضحك وبهزار كان بيحصل كلام على جروب وبعدها شغل بريزنتيشن وتسليمات الكليه وللأسف انا وهو كنا ف نفس الجروب دايما خلصنا سنه اولى مافيش اي حاجه فعلا بس ف الاجازه الصيف لقيته بيشوف استوري فيس أو تليجرام منكرش اني كنت مبسوطه بس رجعت نفسي وقلت أن ده غلط وعلمت بلوك فيس وبعدها كلمته تليجرام لأنه كده مسجل رقمي وانا بس كنت عايزه يمسح الرقم وفعلا رد عليا بكل احترام وقالي أن بحكم ان كان في شغل بينا فكان مسجل الرقم وبعدها عملته بلوك بردو كل ده كان في سنه اولى واجازتها انا حاليا ف تالته وف شخص بيبعتلي صراحه وانه من بدري عايزه يتعرف عليا بس انا م بديله فرصه وقد اي انا غاليه عنده وأنه م قادره يوصلي وقالي كمان اني هعرفه من نظارته لي. المسدج دي صحيت جواي حاجات كتير وحاسه انه هو أو اتمنى انه يكون هو. انا دلوقتي مضيقه من نفسي حاسه اني غلط اووي واني المفروض مفكرش فيه لا احط في دماغي بس انا بقيت وانا بلبس بسأل نفسي هيعجبه اللبس طب ممكن يبعتلي تاني طب ممكن نقرب بقيت بستني خبر عنه صحبت كل بنات قسمه عشان اعرفه مواعيده واي حاجه عنه دعيت كتير انه لو فيه شر يبعده بس حاسه اني دماغي بتفكر اكتر من الأولى عملت اكونت جديد بدخل كل يوم اشوف بوستاته أو كومنتات اللي عليه ويهتم جدا مين بعمل ليك ومين لايف انا فعلا مضيقه من نفسي اووي وحاسه اني وقعت ف المعصيه اللي كنت دايما بهرب منها ودماغي بقيت انه الكل بيعمل كده اشمعنا انا. انا فعلا مضيقه اني بعمل كده بس فعلا م بارضتي م عارفه اعمل انصحوني وماحدش ينتقضني انا عارفه اني غلط جدا كمان بس م عارفه اعمل اي 😢😢 ...عرض المزيد

10 الدعم

2 نصيحة

مش عارفه ابدأ ازاي.. متلخبطه موت واحتاج اجابه!

مش عارفه ابدأ ازاي بس انا متلخبطه موت ومحتاجه احكي وعاوزه اجابه انا بحب واحد بس بيني وبين نفسي هو معايا فالجامعه خلاص هيتخرج السنه دي وانا لسه سنه تانيه القصه ابتدت السنه الفاتت لما كنت انا فسنه اولى هو كان كل ما يشوفني يبصلي وبيعمل eye contact اخدت بالي منو لما بقي واضح اني لما بعدي بيركز ولو طلبت حاجه هو بيعملها والسنه دي هو كل ما يبصلي بيقف قدامي ويركز اووي بيسرح فملامحي ومش انا بس ال لاحظت ده صحبتي لاحظت نظراتو وسرحانه فيا يعني حرفيا لو انا واقفه وهو واقف قصادي هو بيقف ويبص اووي ويتنح كدا فوشي بس طلعنا رحله من فتره سوا هو واصحابو كانو حوليا انا مكنتش اعرف حد من الطالعين الرحله فكنت طول الوقت بمشي مع صحبتي المقربه بس هو واصحابه كانو ديما حواليا وديما كانو باصين وكانو بيقعدو فأقرب مكان لينا ولو بصيت ناحيتهم هما بيبقو باصين فبيبصو بعيد بسرعه بس فضلنا كدا طول اليوم بس للأسف حصلت حاجه مافهمتهاش انهم مشيو وسابوني انا وصحبتي واكتشفنا ان افراد الرحله كلهم مش موجودين وهو واصحابه كانو مسئولين عن الرحله بس بعدها رجعت انا وصحبتي مواصلات عادي بس بعدها نزلت الجامعه كنت مضايقه من موقفو ومش فاهمه طالما هو مهتم كان كدا بيا ليه سابوني ومشيو فشفته فالجامعه عدى من قدامي وكان مركز معايا وكان مبتسم ووقف فحته بعيده قصادي يقدر يشوفني منها وفضل كدا وقت طويل وكان باصص بس ومعاه صحبو وكانو بيضحكو بس بعدها كذا مره صدفه شفنا بعض فالكليه كان كل ما يشوفني هو وصحبو يضحكوو اوي بس اكتشفت من يومين انو مرتبط بواحده من دفعتو بس بيقولو سابها فأنا مش عارفه هو بيحبني ولا مش مهتم وايه تفسير كل البيحصل ده خصوصا اني محكتش كل مواقف اهتمامه وان في واحد صحبو قبل كدا اداني ورق ايه علاقه بيه وقالي ممكن تديهولو رغم انو كان في بنات تانيين كانو واقفين وانا مبتعاملش مع صاحبو او معاه اصلا فأنا محتاره ومتلغبطه ده بيحبني وايه تفسير افعالو بجد محتاره موووت ...عرض المزيد

9 الدعم

14 نصيحة