عايزه اقوله وحشتني بجد وانا لسه بحبك من جوايا

Guava_89879 🇪🇬

منذ يوم واحد

شعور عاطفي

طيب انا مبسوطه النهارده اوي لاننا اخيرا اتكلمنا ساعتين وربع فون كان فيهم ضحك كتير بس في وسط الضحك دا عيني دمعت بس طبعاً حاولت الحق روحي عشان ميبانش في نبرة صوتي، دمعت عشان كان نفسي اووووي اقوله وحشتني واقوله انا لسه بحبك وحبك جوايا مقلش مع انه عارف ومتأكد من دا انا فعلا قولتله وحشتني بس كدا في وسط الكلام وعالسريع وهو حتى اخدها بهزار كان نفسي اقوله وقتها بطل هزار وافهم انها بجد ومن جوايا اوي عايزه اقوله وحشني علي اللي حبيته واللي شافني بقلبه مش علي اللي بيكلمني دلوقتي بعقله، وحشني حبه ليا اووووي

مش عارفة اعبر عن نفسي قدام الناس! حد يفهمني

انا بحب جدا لما بحس ان حد بيفكر قدامي بصوت عالي او بيقول اللي كنت عايزة اقوله ومعرفتش اجمع الكلام، هحاول اعمل كدا دلوقتي...انا كنت حاسة ان انا الوحيدة اللي بحب افضفض ولما نزلت البتاع الغريب دا حسيت ان *في كتير شبهي عادي*بس كل واحد بيختار يقول ايه لمين وازاي، بتبقى على حسب الشخص والموضوع، كل الناس جواها حد رغاي بس بطرق مختلفة، ومش كل الناس بتعرف تعبر.. انا بتكلم هنا لاني بقدر ارتب الكلام كتير واشوف هيتقال ازاي ودايما اصلا بزود حاجة في النص*، بحس اني مش بعرف اعبر اوي لو بقول الكلام في نص الموقف يعني في الحقيقة، هو الموضوع مش اسوء حاجة بس مش دايما ببقى مبسوطة من كلامي. يعني بحس دايما اني كنت عايزة شكلي يبقى احسن من كدا قدام نفسي قبل ما يبقى قدام الناس.. بحس اني ممكن اعيد حياتي كلها بجد عشان كلمة مقلتهاش في الموقف اللي فات وبفضل احضر الكلام في دماغي للموقف اللي جاي، وبتضايق اوي ويا تصيب يا تخيب بقا وهو بيحصل كتير اني ابقى عايزة اقول حاجة وتجيلي فرصة اقولها بعدها، بس لو بعرف اتكلم قدام نفسي عادي ليه لما بسمع صوتي مبعرفش يعني؟ .. مش عارفة لو دي حاجة بتتحل بالوقت يعني بالتعود ولا لا لاني فعلا حاسة اني مخدتش فرص كفاية اعمل كدا او بالاحرى مستغلتهاش كويس، بحاول استغلها ساعات بينفع وساعات بفضل حاسة بالذنب! بحضر الكلام كتير في دماغي قبل ما اقوله فيمكن بحس حرام اسكت، ومش دايما كل حاجة بينفع تتقال.. لو دا حله بالنسبالكم قراية الكتب او ان معنديش حصيلة لغوية كفاية. رشحولي كتب اقراها طيب بس معتقدش ان هو الموضوع بالبساطة دي فايه الحل او المفروض اعمل ايه ولا احنا بنعيش طول عمرنا بشخصيتين يعني شخصية عاجبانا وشخصية عايزة الحرق؟! هل انا اقدر ابقى الشخص اللي انا حاسة في يوم من الايام اني اعرف اكونُه ولا دي دماغي انا بس؟ حد يتصرف يا جدعان حد يفهمني حاجة عشان مش عارفة افهم برضو والله ...عرض المزيد

6 الدعم