وشبيك؟ منك بالصح حاسب باللي أنت الكائن الوحيد اللي تعب واللي كره، واللي قدما دار مقدرش يوصل؟ كامل نتعبو وكامل نطيحو .. بصح الفرق الوحيد هو أنو كاين واحد كي يطيح يعاود ينوض .. وواحد كي يطيح يبقى في البلاصة اللي طاح فيه إذا كنت تقدر تقرا الهدرة هذي وتفهمها، فـ هذا يعني أنك ناضج وقادر أنك تخيّر الحاجة اللي تبنيلك الخمسين السنة الجاية من حياتك، ولا الحاجة اللي تهدمها .. إذا عييت ارقد استراح ونوض كمل .. إذا كرهت، اخرج امشي شوية واضحك مع صحابك وروح كمل إذا مقدرتش توصل .. بدل الخطة، بدل الطريق وإذا تحتمت بدل الهدف حبس ما تستنا في الظروف يتسقمو وحدهم برك لأنك كرهت ومليت .. وصدقني ميهمش كيفاش توصل، ولا الخلفية اللي جيت منها .. حتى إذا وصلت وأنت تزحف على بطنك من قوة التعب والتمرميد مراحش يهم، لأنو المهم مع اللخر هو وصولك 8 سوايع رقاد تكفيك أنك تنسى التعب تع البارح .. بصح 50 سنة من حياتك مراحش تكفيك باش تنسى بلي فاتت عليك فترة كنت قادر تبدل فيها كلش وتوصل للحاجة اللي تبغيها كثر من أي حاجة أخرى، بصح أنت عجزت وقررت تستسلم ..

2

2