ماذا بعد الاستفتاح ؟؟ نتكلم ف حاجه مفيده بسم الله البوست الثالث من سلسلة صفة صلاة النبي صلى الله عليه وسلم (وضع اليدين والفاتحه وما بعدها ) عرفنا النيه والتكبيره والاستفتاح بس نسينا حاجه في النص وهي وضع اليدين بيبقا عامل ازاي في الصلاه احطها ازاي (كدا كدا اليمين فوق الشمال ) حديث وائل بن حجر رضي الله عنه قال: صليت مع رسول الله صلى الله عليه وسلم فوضع يده اليمنى على يده اليسرى على صدره . في احاديث تانيه بتقول فوق السره وتحتها وفي علماء عملوا بكدا لكن الاحاديث ضعيف ف الافضل على الصدر لان الاحاديث فيه صحيحه في تلت اشكال لليد في الصلاه الاولى الكف على الكف ، الثانيه تسمك الرسغ (المفصل ) الشمال بايدك اليمين ، الثالث تحط الذراعين على بعض لكن ايدك اليمين متعديش كوعك الشمال ولا تمسكه دا وضع الايد نيجي للفاتحه قال صلى الله عليه وسلم (لا صلاة لمن لم يقرأ بفاتحة الكتاب) دا للي بيصلي منفرد او مأموم في صلاه سريه طيب والجهريه انصت للإمام ربنا سبحانه وتعالى قال ( وإذا قرئ القرآن فاستمعوا له وانصتوا لعلكم ترحمون). طب بعد الفاتحه بعد الفاتحه هتقرأ بسورة او جزء من اي سورة بس في ملحوظه الركعه الاولى تكون اطول من الثانيه (هكذا كان يصلي النبي) وفي حاجه اسمها التنكيس يعني ايه ؟ يعني تقرأ مثلا في الركعه الاولى النساء وفي التانيه البقره يجوز بس المستحب ان الاولى يبقا فيها السورة اللي تسبق الثانيه في ترتيب المصحف دمتم في امان الله واعوذ بالله ان اذكركم به وانساه #العاصي_الداعي🤍

6

1