عاملين إيه النهاردة يوم رخم اوي إمبارح كانت ذكري خطوبتنا قضيت اليوم بحاول اتماسك ومنهارش ولا اروح اعمل حركة عبيطة زي اني اكلمها طول اليوم إمبارح بفكر ف كل حاجه حصلت وعدت وقعدت افتكر واضحك وابتسم وارجع اعيط تاني معرفش بعمل ف نفسي كدا ليه وانا اصلا سئ و اتنسيت واه انا بتنسي بسهولة اوي عشان مريض واما بتساب وبترفض بعمل حركة غبية اني اقفل كل الابواب وبتكون بطرق مختلفة بس عمري ما مشيت كدا عادي كل ما بتساب لازم اتحول لكائن مؤذي ما يسيبش ذكري حلوة للشخص انا عارف قد ايه الحاجه دي متعبة ومؤذية وحاولت كتير اوي اتعلم اتقبل الرفض والهجر بس مبعرفش كل حاجه إمبارح كانت صعبة اليوم النهاردة صعب ورخم اوي ذكريات كتير عمالة تهاجمني معرفش اتعامل معاها ازاي بس ف الاخر برجع واقول انا اللي استاهل البرد عشان ضيعت دفايا ومش عارف اسامح نفسي ولا عارف افكر اني ممكن أبدأ تاني مع حد

1

1