امبارح كان يوم كارثي بسبب المهندسة اللي معايا مش عايزه احكي او افتكر اي حاجه دلوقتي بس الغل بقي مش طبيعي ولسه صاحيه وشايله هم اني هروح الشغل واقعد ف نفس المكتب معاها طول النهار بس بحاول اقول لنفسي احنا هنشتغل ملناش دعوه بحد .. امبارح عملت كل جهدها عشان توقعني ق الغلط ف الكلام فضلت ابلع ف اللي هي بتقوله وبتلقح بيه عشان لو رديت بتاخد كلامي وتعيش ف دور الضحيه وتشتكيني لكل الناس وتحطني ف موضع غلط .. ده تقريبا كان انتصاري امبارح بس السكوت بنسبالي كان صعب جدا وهي عماله تضايقني وتتفق مع الناس اللي حواليها ف مضايقتي ف يبقوا قاعدين يرموا كلام طول اليوم واول ما امشي وادخل يكونوا بيتكلموا ويسكتوا مره واحده .. انا دعيت امبارح وانا بصلي العصر لاني كنت بجد مضغوطه من تصرفاتها ومش عارفه اركز ف شغلي ولما اشتكيت مديري قالي مشغلوش بالمشاكل ديه .. ف دعيت وبعدها لما طلعت لقيت كل حاجه مش راضيه تشتغل معاها ولا الراجل اللي كان موجود عارف يساعدها هو كان جاي يظبطلنا حاجات الفكره اني لما بدعي مش بكون عايزه اذي انا بكون عايزه البني ادمه ديه بس تحل عني .. بس ربنا ليه حكمة ف طريقته .. نفسي اجي ف يوم الاقيهم نقلوني ف مكتب تاني وده مش هيحصل لان مفيش اماكن .. هحاول اركز لاني في حاجات كتير اتعلمها وانا معرفش هي ايه واكله دماغي كده وهي لا تعنيلي اي شيئ بس شرها وغلها ممكن بيخوفني او طريقتها بتخليني مترقبه الاذي طول الوقت زي ما بيحصل ف البيت…..

2

3