استاذ رياضيات

Strawberry_89657 🇪🇬

منذ 4 أيام

شعور مرتبك

عبّر عن شعورك بشكل مجهول

النهارده وسط انهياري افتكرت استاذ الرياضه اللي جالنا الدرس فرابعه ابتدائي وكنت وقتها مرعوبه منه اوي من كلام اللي اكبر مننا بسنه أنه بيضرب واول م دخل علينا سمع لنا جدول الضرب ولأن المدرسه اللي قبله كانت مربيالنا الرعب ومحفظانا جدول الضرب زي اسمنا ف كنا كلنا شاطرين وهو كان داخلنا بعصايه وانا اترعبت وكنت من العيال اللي سألهم فجدول الضرب وانا من عادتي بخاف من خيالي وبتوتر حتي وانا حافظه بس هو ساعتها مخوفنيش وقالي قولي متخافيش فقولت من يومها وانا حبيته اوي وكان عندي حق لانه احسن حاجه حصلتلي فحياتي بعد كدا مش عارفه اي حصل بس فاكره أنه ضربني مره جامد لاني غلطت والضرب علم علي ايدي وازرقت وانا بنضرب ومش بتكلم بعيط بس فلما الحصه خلصت العيال اللي بنروح سوا خدو بالهم من شكل ايدي وراحو قالولو اني منهاره وأيدي ازرقت ف نادي عليا وحط ايدي تحت المياه وفضل يقولي أنا آسف والله وخدني فضل يتكلم وسألني لي انضربت ولي مكنتش مذاكره وقالي متزعليش مني واتفقنا اني مش هنضرب عندو وهاجي مذاكره علي طول من وقتها وانا اشطر واحده عندو وهو كان بالنسبالي قدوه وحاجه كبيره اوي عندي كان بيحبني وبيميزني من غير سبب وفاكره أن مره كنا فحفله والمفروض هقدم قران بس كنت خايفه وصوتي واطي والمدرسة فضلت تزعقلي ف استاذ محمد خدني فجمب سمعلي وقاللي انتي خايفه ليه انتي شاطره متخافيش من حاجه مخوفتش ساعتها وقدمت الفقره بكل ثقه وكان مبسوط بيا وصورني ووراني لخطيبته لأن لما جاب خطيبته معاه هي قالتلي انها عارفاني هو كان خلاني اقعد معاها عشان متقعدش لوحدها وحكتلي أنه بيكلمها عني وعن أنه صورني وانا بقول قران وبعد كدا مشا وسابني سنه ساعتها انقهرت اوي بس مكنش باليد حيله كنت بدعي كل يوم أنه يرجع أو اشوفه صدفه وكان ساعتها كانت دعواتي مستجابه بعدها بسنه رجع تاني متتصوروش كنت فرحانه ازاي ورجع متغيرش كتير ولسه كان لطيف معايا ولسه كان افضل حاجه عرفتها كنت مستحمله تنمر كتير فالدرس عشانه وبعد كدا ابتدائي خلصت وبطلت اشوفه كنت بشوفه صدفه مرا عيني جات فعينه بس كأنه معرفنيش أو مستني أقوله ازيك مش عارفه بس بطلت اعرفه لحد السنه اللي فاتت ف تالته ثانوي خليت مدرس الانجليزي يمتحني فالمكان اللي هو بيدي دروس فيه رغم أن دا بهدلني بس حرفيا كنت اشوفه بس اسلم عليه والحمدلله اول م دخلت لقيته قاعد اتبسطت اوي وقعدت وابصله وهو فضل باصصلي قاللي تسنيم قولتله انت لسه فاكرني ازاي وكنت زي الهبله وعيني مليانه دموع قاللي في ناس معينه كدا عمرها م تتنسي قعدتي جمبه ع المكتب امتحن وقاللي اعملك شاي رجعني لزمان وبعد كدا مشي وقاللي عاوزه حاجه قبل م امشي قولتله لا وفضلت بصاله بصه الوداع دي )مش اتنشن والله بس هو كل حاجه حلوه أنا اتعلقت ساعتها بيه بطريقه مرضيه ومازلت بس غصب عني كل دا هو مشي ربنا يصلح حاله وانا لوحدي بقابل كل فتره ناس تشبهه بس بيمشو زيه مفيش حاجه بتفضل ياريتهم ياخدو ذكرياتهم معاهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_78404 🇪🇬

ازاي ابعد فكرة الارتباط وواجب وجود راجل من دماغي؟

ازاي ابعد فكره الارتباط وان لازم اكون بكلم راجل ويكون ف حياتي من دماغي ياريت بجد اللي عنده نصيحه يقولها لاني بجد الموضوع دا عامل ليا مشكله كبيره اوي. ssssddddddsdsdsdssdddddddddddddddddddddddddddddddddddsssssddddssssssssssssssssssssddds ...عرض المزيد

0 الدعم

20 نصيحة

Banana_29246 🇪🇬

هل فيه تطبيق زى دا بس أحسن ولا محدش يعرف؟

هل فى تطبيق زى دا بس احسن ولا محدش يعرف ؟ 123456789101112131415161718192021222324252627282930 123456789101112131123456789101112131415161718192021222324252627282930 123456789101112131123456789101112131415161718192021222324252627282930 123456789101112131123456789101112131415161718192021222324252627282930 123456789101112131123456789101112131415161718192021222324252627282930 123456789101112131123456789101112131415161718192021222324252627282930 12345678910111213112345678910111213141516171819202122232425262728290 123456789101112131 ...عرض المزيد

0 الدعم

19 نصيحة

Heart_57478 🇪🇬

بتضايقي من حضن وهزار المتزوجين وانا مش مرتبطة

كنت عايزة اعرف سؤال للناس اللي مش مرتبطين لما بتبقو في قاعدة فيها مثلا اتنين متجوزين أو مرتبطين ولقيت مثلا البنت بتنام علي كتفه أو تبقي حضناه وهم قاعدين أو مثلا في الهزار تفضل تكرر جوزي وكدا هل دي حاجه بتضايقكم ولا عادي لاني احيانا بحس الموضوع بيستفزني معرفش ليه ومعرفش هل انا بس اللي كدا ولا ايه ...عرض المزيد

1 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع