اعجاب قديم

Strawberry_64200 🇪🇬

منذ شهرين

شعور عاطفي

عبّر عن شعورك بشكل مجهول

عايزة افضفض واتمنى تنصحوني اعمل اي او تقولولي رأيكو عشان انا مش عارفه احدد مشاعري...... 
ومعلش مقدماً اني هطول عليكو....... 
انا حالياً عندي 19 من حوالي 4 سنين كنت معجبه بشخص هو اكبر مني بـ 7 سنين انا مكنتش اعرف سنه في الوقت ده المهم يعني كان تعاملي معاه شبه رسمي أصلاً، هو فاتح محل ميك أب فانا كنت بروح اشتري مكياج او منكير فكان كل فين وفين،  وفي الاول كان عادي، بعدها بنت عمه اتجوزت ابن خالتي فهو كل ما اروح يسألني عامله اي ويسألني عن بنت عمه وبتشوفيها ولا لاء وكده، بعد كده لما كنت بروح كنت بحسه بيركز اوي معايا ومع انه كان جايب بنت تشتغل في المحل كان بيدخل يديني هو لما يكون واقف بر  ولما اروح ويجي زباين بعدي كان بيسبني للأخر او يقولي خليكي في الاخر احسن علشان اعرف اركز معاكي وانا بدأت انجذبله بس انا كنت عارفه ان دا مجرد إعجاب مراهقه لا أكثر، وبدأت اخد اي حد معايا عشان ما اركزش معاه ولا انشغل عنه لما يكون قدامي  فكنت باخد بنت عمي بما انها من سني وعارفه معظم الاوقات اللي بتكون فاضيه فيها، المهم بعد فتره بقيت باخد بالي انه بقى يركز مع بنت عمي اكتر ولو انا اللي بكلمه بلقيه باصص على بنت عليها مع اني اللي بكلمه، فكنت بضايق وبزعل،بس مكنتش ببين حاجه (لان مليش حق أصلاً) وفضلت اخدها برضو، وساعات كنت بروح مع اني مش عايزة حاجة المهم اشوفه بس واتحجج بأي حاجه، والدراسه بدأت وشغلتني عنه  وفكرت الاعجاب بدأ يقل، بس كان كل ما أشوفه قلبي يدق جامد اوي، وكنت بعنف نسي واقول ان دا مجرد إعجاب وهيروح، ودعيت ربنا ان لو هو مش من نصيبي يطلعه من قلبي وابطل تفكير فيه، سبحان الله في نفس اليوم حلمت بكابوس بيه وحاجه خوفتني وخلتني انفر منه فتره، بس للاسف المشاعر لسا موجوده، ومن سنتين بطلت اروح المحل الا نادراً ومبقيتش احس زي الاول والحمد لله اعجابي قل(بس برضو لسا في مشاعر) ولما اكون معديه من قدامه ساعات بلاقيه باصص عليا ولو واقفه في مكان هو فيه بحس انه مركز او ان في حد باصص عليا برضو  ، وامبارح كنا في خطوبه ابن خالتي وهو راح بس انا مشفتوش عرفت بعدين انه راح بس شفت مامته واخته، واخته تبقى صاحبه اختي من الطفوله وانا مصحباها، المهم لما الخطوبه خلصت وروحنا لقيت ابن خالتي بيقول انه كان موجود وكان بيدور على عروسه وشاف واحده وشكلها عجبته وخالتي قالت ان مامته كانت كل ماتشوف بنت تسألها هي بنت مين وكده، وانا زعلت شويه بس عادي لاني عافه انه مش ليا وهو مجرد اعجاب من طرف واحد، وبعدها بشويه قعت مع اخته (احنا جيران في نفس الشارع  وهي اصغر مني بـ.4 سنين) وسئلتها انتو لقيتو العروسه ولا لسا قالتلي معرفش والله، فقولتلها اللي ابن خالتي قاله قالتلي أخيراً العقده اللي عنده هتتفك (كانت قيلالي انه متعقد و مش عايز يتجوز ومفيش بنت عجباه) وقالتلي ابقى قولي لإبن خالتك يبعتلنا الفوتوسيشن عشان نشوف هي انهي بنت وانا هزرت معاها وعادي، وحالياً العروسه منزله صوره ليها هي وصحابها على الواتس فكنت بفكر اخد اسكرين للصوره وابعتها لأخته ويشوفو هي لو بنت منهم، وفي نفس الوقت متردده وبقول الموضوع ميخصنيش، وعلى فكره انا مسلمة من زمان ان هو مش ليا وحتى لو جه وخطبني انا هرفضه ولو انا مرفضتش اهلي هيرفضو، لانه معروف عنه من زمان انه بتاع بنات ومش سالك (الشكله الكبره اني عارفه كده من قبل ما اعجب بيه، واعجبت بيه برضو 😂)  فكنت عايزة نصيحه ابعت الصور ولا لاء، واتخلص من المشاعراللي باقيه دي ازاي ....؟؟؟

وأسفه اوي لو اتكلمت كتير وقولت تفاصيل ملهاش لازمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_73846 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

مش عارفه ابدا اذاي ف الحقيقه بس انا شفتو هاه مش عارف بس مش مش احساس غريب ومشاعر انا بس حاسه اني مبسوطه مع أن زي كل مره بشوفه ب أقل حاجه عندي اعع مهم عارفه انو الارتباط حرام ف أنا بس كنت بحبو من بعيد زي اعجاب  عابر بس مش عابر والسلام فاهمين قصدي مش عارفه لو بيبادرني نفس الشعور او لا بس انا كنت بحس كده زمان وقتها ياه ايام لا ي عزيزي القارئ بجد يعني من يعتبر خمس سنين تقريبا بحكم أن ف مركز واحد كنت وقتها ف ثانوي كنا بنتقابل صدفه عابره ف طريق للحظات اعتقد يومها كان اول يوم ف امتحانات ث عامه حسيت حد بيراقبني من اول الطريق وقتها كنت رايحه لصحبتي وف نص الشارع قررت اشوف مين هو بس كان هو ف نص الشارع اتثبت مكانه عارفه اني اتصرفت ب غباء وقتها وقعدت اجري زي العبيطه ومش عارفه ليه بس بردو كنت هعمل اي وبعدها كان اعلان النتيجه كان مفروض أن صحبتي وقتها كانت بتعيط ف أنا كنت ريحالها وهو بس شفتو هناك وبعدها زي الغبيه جريت كان نفسي الأرض تبلعني معرفش بردو حياتو ازاي دلوقت بحكم أن بعد الكليه لكل منا طريقه ومش بشوف الحد ده صدف زي زمان انا بس بكون مبسوطه لما بتحصل وده سري الصغير ومعجبي الصغير بردو اوكي مش صغير هو قدي مرتين "مش ف العمر " وبس ...
انا مش عارفه ولا اسمو ولا هو شخصيا بس مش عارفه بردو مش عارفه ده اي بس ايام ث يعني كنا فعلا كنت بفكر ف الحد ده كتير وكنا دايما صدفه بنشوف بعض بس دلوقت قليل أوي لو حصل i can't move on من شئ وهمي مكنش ف حياتي اصلا  زي بطل روايه ف رواياتي لما بقراءها زي تعلقي ب دجن ف خوف
will still my little secret

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_89205 🇪🇬

فخوره بيا أوووي! نزلت أول روايه و تالت كتاب ليا

حقيقي انا فخوره بيا اوووي النهارده نزلت اول روايه ليا و تالت كتاب اطبع و حاسه بفخر اني بقيت كاتبه بجد حاسه اني مبسوطه وانا متوثقه اني كاتبه ادبيه مصريه بجد كميه فخر مش في حد افرحو بيا يا جماعه انا زي اختكم فهمين 😂🫶🏻. ...عرض المزيد

12 الدعم

28 نصيحة

Kiwi_59601 🇪🇬

عارفة سر وحدة وحش.. أقول لزوجها ولا أسكت؟

بطلب نصيحه لو انا عارفه حاجه و حشه عن وحده و اتفضحت قدامي اقول لجوزها و لا اسكت+ في حاجه جوايه مش مرتاحه بتقولي قولي مش عارفه امشي ورا الصوت الي جوايه ولا لا و هل دا صح ولا لا اتمنى نصيحه حقيقية ...عرض المزيد

2 الدعم

25 نصيحة

Diamond_89796 🇪🇬

بتمتص الطاقه السلبيه من كل واحد! فكره حلوه بس اعععع

سوري ي جماعه ف اللي هقوله أنا لسه منزله الابليكشن النهارده وكنت عايزه اشوف دماغ الناس اي مشاكلهم الجانب القاسي ف حياتهم ولعل وعسي ارتاح هنا واعرف اتكلم وعماله حرفيا بنصح كل واحد علي قد معرفتي بس أنا حاسه بطاقه سلبيه جدا حاسه اني بمتص الطاقه السلبيه بتاعت كل واحد لا بجد شئ صعب اوي هي فكرته حلوه بس ف نفس الوقت لو حد فضل عليه طول الوقت جماعه اععععع ينييميميىرزعيخصخصخرسرنسخسنسرسرسررطنطهخطمطو و و ومخطنبنيريرثوينينيريريوينيثنثنثنثننرطرطرينينممخ ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع