التفكير في الانتحار

Carrot_85093 🇪🇬

منذ أسبوعين

شعور عاطفي

عبّر عن شعورك بشكل مجهول

ف يوم ما جيت هنا و كانت الدنيا مضلمه و سوده اوي من وجهة نظري و مكنتش شايفه نقطة امل واحده ، و بعد فترة لما قررت اقرب من ربنا و ابتعد عن الحرام و عن اي حاجه تعصيه ، و فعلا حاولت و عملت كده و عايزة اقولكم يا جماعه اني بعد  كنت بفكر فالانتحار و اني حاسه ان مليش وجود فالدنيا ، بقيت بحس دلوقتي ان مفيش اجمل منها ، والله يا جماعه الموضوع مش صعب اننا نبعد عن اللي ربنا عصانا عنه ، كل اللي عليك انك متقربش من حاجه هتفتنك و حقيقي مفيش اسوء من علاقات الحب و الارتباط اللي ملهاش لازمة ، انت بتغرق قلبك بإيدك و خصوصا البنات ياريت يابنتي متعمليش غلطة انا غلطتها متسمحيش لشخص انه يستغلك او حتى لو حب حقيقي تفتكري لو هو بيحبك بجد و بيقدرك هيخليكي تعصي ربنا علشان تكلميه  ؟  بالعكس ده هيكون خايف عليكي اكتر من نفسه و لو بعد اتأكدي انه بيحبك بجد و بيتمنالك الخير من قلبه لكن اللي بيقرب ده و يجرك لحاجات مش كويسه ده بيأذيكي و عمره ما عرف معنى كلمة حب هو بس بيحب نفسه و عايز يحقق رغباته عن طريق الكذب بإسم الحب ، ارجوكي حافظي على قلبك و انت كمان ارجوك بلاش تستغل جوع بنت لانها تحب و تتحب و عف نفسك بالقرب من ربنا و استقيم بقا علشان ييسرلك حالك و يجوزك من بنت عفيفه بتتمناها  .. والله العظيم انا عمري ما ارتحت راحه زي دي غير لما قربت و رجعت ربنا من تاني بصدق ، و ادعوا كتير يا جماعه انتو بتطلبو من رب عظيم اطلب و اتمنى بصدق و اجتهد فحياتك بدل ما تضيع عمرك ف ذنوب و وجع و ذكريات سيئة  .. ربنا يعف كل الشباب و البنات و يلاقو الحب الحقيقي فالوقت المناسب ، متنسوش تدعولي معاكم ♥️♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_77348 🇪🇬

منذ شهرين

شعور محبط

بفكر جديا في الانتحار بسبب ادماني علي مواقع والعاب المراهنات لدرجة اني بقيت غارف في الديون وانا ال عمري ما طلبت جنيه من حد استخسرت اصرف علي زوجتي واولادي وبخسرهم في برامج الزفت ومش لاقي حل بدعي علي نفسي ربنا ينتقم مني وبفكر اطلق ومش عارف اعمل اي

Nutella_74415 🇪🇬

منذ 4 أشهر

شعور مستنزف

عبّر عن شعورك بشكل مجهول

انا تقريبا لسه طفله وبشوف نفس طفله بس الظروف حكمت عليا ان اعيش سنين اكبر من سني ماما وبابا منفصلين من 10 سنين ماما ست مكافحه وسبوره وب 100 راجل احنا اربعه انا وولدين اصغر مني واختي الصغيره انا الكبيره بتاعتهم باختصار عشت اسوء فتره حياتي بيجي عليا وقت اقول الفتره دي بتبقى احلى فتره في حياه الانسان انا دي اسوء فتره في حياتي هل لما اكبر واخرج واروح واعرف الدنيا هعرف اعيش مش هقدر ماما بقى لها ثلاث سنين بتشتغل دلوقتي عشان المسؤوليه زادت وانا اللي استحملت البيت وكل حاجه كنت على طول بجيب من العشره الاوائل على المدرسه كنت بخش مسابقه قران واجيب المركز الثاني او الاول دلوقتي حتى صلاتي مش قادره اعملها بصحى من نومي اعمل البيت اودي اخواتي الدروس واروح اجيبهم من الدروس واجي اعمل لهم ياكلوا اكتب معاهم الواجب ويا دوبك اقوم اغير هدومي واروح لدروسي مع العلم ان انا دلوقتي في ثانويه عامه عمري في حياتي ما حسيت ان انا متقمره او ان انا دي مش العيشه اللي انا بتمناها بالعكس بحمد ربنا وبقول الحمد لله على النعمه دي كنا في الاول ماجرين بعد كده لما الظروف ساءت رحنا قعدنا في بيت اهل ماما اللي هم اهلي بمعنى اصح وكل حاجه حلوه في حياتي بس لو فضلنا قاعدين مع تيته في بيتها تيته قديمه وبنتخانق وكده مع العلم ان في شقه فوق مبنيه ولكن ما فيش فيها كهرباء ولا اي حاجه ولا شبابيك ولا اي حاجه طلعنا قعدنا في الشقه دي عادي وعملنا خشب على الشبابيك وظبطنا البيت وكنا مبسوطين وراضيين بابا اتجوز اول جوازه وفشلت بعد ماما وثاني جوازه بس فرق ثاني جوازه دي المجمع مراته الثانيه دي باولادها وانا واخواتي بعيد عنه كانت صدمه نفسيه ليا ولاخواتي اخواتي ابتدوا يطلبوا ان هم نفسهم يشوفوا يشوفوا بابا ويقعدوا معاه ويصحوا يلاقوه في البيت طلبوا طلبات لنا ولا ماما نقدر نعملها ماما معيشانا في مستوى كويس اللي بنحتاجه بتجيبه وبنتفسح وبنخرج وبنلبس احسن لبس العائق الوحيد الشقه اللي احنا عايشين فيها بس والله راضيين الحمد لله وعمرنا ما اتقمرنا بس يعني المشكله في دي بقى وان اخواتي ابتدوا يبصوا لما عرفوا ان اولاد مرات بابا عايشين مع بابا وان بابا جاب بنت اختي لينا طب ليه هي هتبقى عايشه كده واحنا عايشين كده طب ليه بابا بيحبها وليه مش بيفكر يسال على حد فينا بقى لي سنتين مقصره في دراستي تاثير جامد اول سنه في ثانويه عامه جبت ملحق فيزياء مع اني شاطره بس كنت مقصره في دراستي مع العلم اني كنت جايبه اصلا مجموع يدخلني ثانوي عام انتظام لكن لما ماما خرجت واشتغلت كنت لازم اقدم منازل علشان اخد بالي من اخواتي ثاني سنه جبت ملحقين والوقت دي اهم سنه في حياتي نفسي احقق حلمي بس في نفس الوقت مش قادره اتكلم واقول لماما الحمل كبر عليا ومش قادره اذاكر وانتظم في دروسي انا قايمه بدور الام والاب بعمل كل حاجه وماما بتعمل كل حاجه لكن دايما بيبقى في حاجه ناقصه وخصوصا ان هو قدام عيننا على طول بياذينا وبيخلينا نكرهه بزياده لان بنبقى محتاجين ومش بنلاقيه خالو اخو ماما الاصغر منها عنده ثلاث اولاد ربنا يخليهم له ويبارك له فيهم قال لنا انا ابوكم بيجيب لنا كل حاجه بيعمل لنا كل حاجه بيعملنا احسن معامله حرفيا اكنه ابونا هو بالنسبه لي ابويا اما الشخص الثاني ده انا مش عارفاه بس لما بشوف بابا قدامي ومعاه اولاد مراته واختي بقول انتم حلمتوني منه انا واخواتي لما بيبقى خال ومراته و اولاده معزومين عند تيته واحنا بنبقى قاعدين بحس ان انا واخواتي وحشين لان اخذين خاله من اولاده زي ما مرات بابا اخذت بابا مننا فكرت في الانتحار كتير بس كل مره كنت بنجد منها زي اللي ربنا بيقول لي عايزك تقعدي في الدنيا كمان بس انا لو فضلت قاعده اكثر من كده بقت اذى اؤذي حد في اللي حواليا فكرت كتير اني افتح انبوبه العز واحنا نايمين علشان اخواتي ما يتعذبوش من بعدي وكلنا نرتاح حتى ماما للحمل بقى كبير عليها رجعت لصلاتي ورجعت احفظ قران ورجعت انتظم في حياتي بس حاسه ان انا عملت ذنب ان ربنا هيفضل يحاسبني طول حياتي عليه بس ايه هو انا مش عارفه وغير كده كل بني ادم ليه طاقه احيانا اهل ماما هنا بيسمعونا كلام بيجرحنا ماما احيانا بتقول انا وانا وانا وانا بحسها بتعايرني بشوف في كل عيون الناس في المكان اللي انا عايشه فيه كلمه باباكي سابك بقول اكيد خير وربنا جايب العوض الكبير قدام بس انا بقى لي 10 سنين ما فيش يوم عدى في حياتي كويس بفضل اقول الحمد لله وراضيه واسفه اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_74280 🇪🇬

منذ 4 أشهر

شعور متعب

أنا مبقتش قادره اعيش مع اهلي العيشه بقت صعبه وفكرت انتحر اكتر من مره علشان اخلص نفسي ألاقي فرصه أسيب البيت وامشي او شغل اون لاين اعتمد بيه على نفسي لان ممنوع الشغل عندنا مانعين اي حاجه توقفني على رجلي وانا كارهه الطريقه التقليديه اني اطلع من البيت بالجواز زعيق طول الوقت وبهدله واهانه وذل حتى في الاك

Sugar_29587 🇪🇬

منذ سنة واحدة

شعور مستنزف

انا بنت وجهت كل انواع البشر كل الي بيحصلها والي مدمر نفسيتها أن مفيش حد بيفهمها مش ونبي اني اتولدت بفهم ومدركه كل الي بيحصل وانا صغيره كنت ببقى مدركه لكل حاجه بتحصل معايا ولما باجي اقول للأطفال الي كانو معايا كانو بيتريقو عليا كل ما باجي اقول حاجه لحد بيستهزق بيا كأني كل كلامي هبل في هبل ومحدش بيسمع

Kiwi_87034 🇪🇬

ليه مش من حقي اتحب وأنا إنسانة محترمة؟

هو انا مش من حقي اني اتحب انا نفسي اتحب اوي نفسي احس بالامان بحس أنه كتير عليا ليه دايما بقع مع أشخاص مش كويسه انا محترمه جدااا ومش بحب التجاوز في الكلام ليه كله عايز كده انا من حقي احب واتحب حتي اهلي محبونيش للدرجه دي انا وحشه ...عرض المزيد

2 الدعم

24 نصيحة

Coffee_79063 🇪🇬

ملانة وعايزة اتكلم مع حد قبل ما أنام

ملانة وعايزة اتكلم مع اي حد لحد ما انام ت/يحكيلي قصته/ا الحاجات اللي شاغلة دماغه/ا مشاكله/ا او احكي انا🤨 rjrmdkdkeksmememswkekrkrkrkrmfmfmfmfktkffkkfmfmfmffmmfmffmrkrkrkdkdkrkdkfkkffkfkfkfkfkkrkrkr ...عرض المزيد

0 الدعم

22 نصيحة

Moon_89380 🇪🇬

بقيت حاسه بعدم ثقه في نفسي بسبب وزني القليل

بقيت حاسه بعدم ثقه ف نفسي بسبب وزني اول مره اجرب احساس اني مش عارفه البس الهدوم اللي عوزاها بسبب اني شمل جسمي مخربها وزني قليل جدا ع طولي محتاجه ازوده بدون اي كورتيزون حاولت ومعرفتش عاوزه حل بجد ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع