الرسم

Marshmallow_69067 🇪🇬

منذ 3 أسابيع

شعور ضاق ذرعًا

عبّر عن شعورك بشكل مجهول

حاسة انى محبوسة  جوا نفسي .. عايزة أعمل حاجات كتير وأستمتع بالحياة بس بحس بصعوبة وتقل لما بفكر اعمل كدا.. 
بيجي عليا لحظات بي روحى بيبقى نفسها  تطير .. تجري .. تهرب من الوضع دا ..
انا رسامة مستوايا الحمد لله بيتقدم بس كل م انزل كورس اتعلم فيه تكنيك جديد بالعافية لما بكمل وغالبا فيه كورسات بكمل فيها وكورسات لا مهما كنت دافعة فلوس حتى الادوات بتبوظ منى..
بحب التصوير وكنت ناوية أجيب كاميرا واخد كورس وفعلا سألت ناس عن الكورسات بس فجأة الفكرة إنطفت جوايا..
كان عندى براند حلويات بشتغل فيه من البيت اشتغلت فترة وإتعرفت بس فجأة وقفت كل حاجة مؤخرا بس بقيت بعمل حاجات قليلة للتصوير..
بحب الكتابة وروحت قصر الثقافة عشان اظبط إسلوبي وكنت مبسوطة جدا لان هناك شجعوني بس فجأة فقدت الشغف..
حاسة انى متكتفة انا نفسي أطير وأروح وأجى واعيش حياتى نفسي أعرف ناس كتير بس بقين بقفل ع نفسي او وببعد عن كل الناس نفسي أعمل ذكريات.. سنين كتير ضاعت منى وانا مبخرجش من البيت حتى لما جربت الشغل كذا مرة مكنتش بقدر أكمل بكرهه الشغل..

انا حاسة انى متكتفة ومش عارفة ألاقي حل ومش فاهمة ليه انا مفيش حاجة فالحياة بكملها عندى حاجات كتير بحب اعملها بس مبكملش نفسي أعيش حياة طبيعية بس انا من جوايا متكتفة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_58332 🇪🇬

منذ 4 أسابيع

شعور منزعج

انا مش عارفه اخد قرار في مستقبلي انا اول حاجه دخلت علمي عشان زي صحابي وبرضه عشان مستوايا حلو . انا حاليا في تانيه ثانوي بضغط على نفسي عشان اذاكر حاجه مش مستوعباها اصلا زي الفيزياء انا بجد مش فاهمه حاجه فيها. والرياضه بالنسبالي عقده من الطفوله . هل دا طبيعي اني مبوكنش عارفه هعمل اي ولا انا حتي بحب اي

Apple_22069 🇪🇬

منذ 4 أسابيع

شعور شاعر بالملل

دلوقتي انا برسم ديجيتال بقالي ٥ سنين او ٦ تقريبا علي برنامج ايبيس باينت بس كل ده تعلم ذاتي يعني وبقيت نوعا ما في مستوي كويس مبحبش ارسم أشخاص بحب ارسم صور من بنترست وكدة وعايزة كورسات تثقل من المهارة دي عشان بتسأل في الرسم جامد وبحبه وعايزة كمان شغل يخليني استعمل الرسم ده فيه ويبقي فيه فرصة للإبداع ع

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_69803 🇪🇬

منذ 3 أشهر

شعور غبي

بقالي كثير بحاول ارسم بجد يعني ما فيش ولا اي تحسن مع ان انا برسم من وانا صغيره بين فتره وفتره بجد مش بتحسنوخاااالص يعني وصلت 18 وانا لسا لو حد ليه في الرسم يفيدني (عايزه اتعلم علشان كليه فنون تطبيقيه)

Candle_51983 🇪🇬

منذ 3 أشهر

شعور لا مبالٍ

عاوزه اشارك حاجة اخر مرة رسمت فيها رسمة حلوة من أربع سنين وحرفيا جريت اوريها للبيت كله حاليا بقا بقالي يومين قلمي بيتحرك ورجعت ارسم صحيح اني مش رسامة واو لا أنا علي قدي خالص بس المشكلة فين أن اغلب رسمي ملامح او انمي والرسم ده حرام فا بجد مش عارفة انبسط اني رجعت ارسم ولا أفكر في طريقة ابطل ارسم بيه

Apple_75504 🇪🇬 رسم ذوات الارواح حرام ولقد وردت فيه أحاديث عن النبي صلي الله عليه وسلم أنه قال( المصورون أشد الناس عذابا يوم القيامه يقال لهم أحيوا ما خلقتم ) رواه مسلم أما عن ترك الرسم ابتغاء مرضات الله فهو فيه الكثير من الخير لك لقول النبي صلى الله عليه وسلم : إنك لن تدع شيئا ابتغاء الله إلا آتاك خيرا منه)

عرض الكل 7 نصيحة

Avocado_69131 🇪🇬

منذ 3 أشهر

شعور خجول

🎓💭 أنا طالبة شريعة وقانون، وعارفة كويس إن مجالي محتاج تركيز وجهد عشان أطور نفسي فيه. لكن في نفس الوقت، عندي ميول وحب لحاجات تانية زي الرسم ، تصميم الأزياء ، الجرافيك ديزاين ، وحتى البرمجة يمكن الحاجات دي بعيدة عن مجالي الأساسي، لكن السؤال اللي بيجي في بالي: هل أدي ميولي دي اهتمام وأطور نفسي فيها

Coconut_71798 🇪🇬 كلام جميل بس ده ما اسمهوش ميول ده اسمها هوايه الهوايه اللي انت حباها غير الدراسه اللي انت بتدرسيها او الشغل اللي انت بتشتغليه طوري من هوايتك وركزي في الدراسه

عرض الكل 6 نصيحة

Marshmallow_69067 🇪🇬

منذ 4 أشهر

شعور خجول

عبّر عن شعورك بشكل مجهول

بعيدا عن تقييم اي حد ليا واني كنت بتصنف حسب مجموعي قي المدرسة والكلية الي دخلتها الي محبتهاش ابدا بس كنت بجيب تقديرات لكن مشتغلتش بيها بعيدا عن كل دا .. انا ربنا مديني نعم كتير الحمد لله بس المجتمع مش بيشوفها نجاح.  انا رسامة محترفة وطباخة ممتازة خصوصا الحلويات وكان عندي مشروعى الخاص .. بعرف اكتب روايات في فترة كنت بشتغل على نفسي .. بعد الكلية كنت تايهه ونزلت اشتغل ارضاءا للي حوليا ان شوفي الدنيا والناس .. بس مكنتش مبسوطة ومع الوقت اكتشفت نفسي انا بحب البيت بحب دفا البيت وريحة الكيكة بحب الزرع والالوان الهادية والشمس بحب مكونش متشافة من ناس كتير بحب اكون بعيد معنديش حب للظهور بحب اعيش في امان بعيد عن الناس بحب العصافير بس مبحبش اشوف موتهم بحب العربيات وبحب اركب عربية ماشيه في طريق طويل بحب البحر وبحب افضل ابصله واتمنى في يوم يكون عندي يخت ..بحب ارسم الناس الي بحبها وخصوصا بحب ارسم العيون .. ولما بحب حد بحب اطبخله دي لغة تعبيري .. بحب اعمل لكل انسان الحاجة الي بيحبها بكون ممتنه لشعور اني اكون سبب في فرحة حد فحتي لو كنت في فترة مكنتش ناجحة في نظر الي حوليا لكن انا بحب حياتي كدا الحمد لله
كلامي ملغبط بس انا بقالي كتير متكلمتش لما كتبت هنا حسيت اني خفيفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_62201 🇪🇬

منذ 4 أشهر

شعور لا مبالٍ

موضوع:

إيه أحلامك اللي متحققتش؟

أني أبقي رسام ومصمم ٣دي قد الدنيا. اهلي منعوني من أني أدخل كليه فنون جميله ودخلت تجارة مكانها بالغصب. أول ما تخرجت، أبويا وأمي ضغطوا عليا وحولوا حياتي لجحيم علشان أروح اشتغل أي شغلانه والسلام. المهم أنا اشتغلت في خدمه العملاء زي قريبي لمده ١٠ سنين. أول ما وصلت سن الاربعين ما رضوش يجددوا العقد وقالوا

Pineapple_64546 🇪🇬 ربنا معاك يارب ويوفقك ويعوضك خير عن السنين اللي شوفتها واكيد كلو خير ليك في الاول وفي الاخر 🤍🤍🤍

عرض الكل 3 نصيحة

Orange_40211 🇲🇦

منذ 5 أشهر

شعور مرتبك

صراحة انا متوترة خايفة اكون انا غلط انا بحب رسم وتعبير والخيال ودي شي مثل تصميم الداخلي او الهندسة الذاخلية لاكن خايفة متكونش ليها مستقبل ومحققش بلي عيزاه ف انا خايفة اختار ايه وانا متفتحة أحب ناس واحب تجارب وسفر بس انا لازم اتحمل مسؤولية نفسي ومش لازم اجرب شي ممكن يضيع مستقبلي وانا خايفة من حكم وا

Strawberry_60606 🇪🇬 انا كمان بحب الرسم بس اكيد م هدخل حاجه ع هوايه ممكن تمارسي هوايتك دي بره الدراسه اختاري حاجه ليها مستقبل وكملي ف الرسم عادي وادخلي مسابقات وممكن تبقي حاجه فبه مش شرط يبقي معاكي شهاده

عرض الكل 6 نصيحة

Pumpkin_10776 🇪🇬

منذ 9 أشهر

شعور مرهق

يجدعان عاوز حل لو حد مر بالموضوع ده انا شخص التفكير حرفيا هيموتني بفكر في كل حاجه واي حاجه في اللي جاي واللي فات واللي حصل مثلا في اليوم من مواقف واقعد احلل كل حاجه واقول ياريتني قولت كذا او عملت كذا وافكر في المستقبل واخاف من ايه اللي ممكن يحصل وانا اصلا شخصيه إنطوائيه ومبتكلمش كتير ولما بتكلم الكل

Waffle_51211 🇦🇪

منذ 11 شهرًا

شعور ضائع

مش عارفه بس انا من اول ما دخلت المدرسة وبحب الرسم والمواد العلمية بس جه شغفي فرسم الفساتين واديهم اسم وبرسم حلو اوى وتنسيق الالوان وكان عندى حلم في فتره اني اعمل فستان فرحي بس جات فتره وقطعت كل رسوماتي سواء فساتين او غيىه وندمت ندم عمرى بس هعمل اي من فتره رجعلى الشغف تاني وبدات ارسم و وحده قريبتنا ش

Biscuit_45155 🇪🇬

منذ سنة واحدة

شعور مليء بالحياة

موضوع:

احكي لنا على تجربتك في اكتشاف هويتك الحقيقة

الفترة ديه قاعدة بحاول وبجرب في اكتر من حاجه واكتر من هواية علشان بس أعرف أنا بحب إيه ونفسي في إيه وكمان بكره إيه وعلشان أشوف إيه المناسب ليا يعني جربت إني أتعلم الرسم والشطرنج وكمان بحاول أقرأ كتب كان نفسي أقرأها من زمان بس كنت مكسلة وبجرب اكتر من هواية علشان أشوف إيه الهواية إللي بحبها وكمان بكت

Apple_46150 🇪🇬 حبيت

عرض الكل 2 نصيحة

Watermelon_30324 🇪🇬

منذ سنة واحدة

شعور لا مبالٍ

جماعة انا ٣ هندسة معمارية بس مش شاطر خالص و مش في دماغي الكلية و معنديش إختلاط بالسوق برة ولا نزلت مواقع و ينجح بالزق.بمادة مداتين + إن انا في معهد عالي مش كلية و مقابلتش قبل كدة ناس نفس مجالي برة... فمش عارف جودة التعليم عندي حلوة ولا لا...وعلى النقيد انا بحب الرسم جدا و كان نفسي اخش فنون جميلة قسم

Coffee_27700 🇪🇬 كل ما تبدأ تكتشف نفسك أسرع يكون افضل. دور من دلوقت انت بتحب إيه وده عن طريق انك تجرب حاجات كتير ومختلفة ، رياضات وتطوع في أنشطة طلابية وخيرية كتير وسفر . اكتشف نفسك وربنا يهديك للخير

عرض الكل 1 نصيحة

Pineapple_15325 🇪🇬

منذ سنة واحدة

شعور Okay 😐

جماعه هو انا عشان اخش فنون جميله لازم اكون بعرف ارسم؟

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع