تربية اطفال

Strawberry_74227 🇪🇬

منذ شهرين

شعور منزعج

عبّر عن شعورك بشكل مجهول

السلام عليكم لو سمحتو محتاجه رايكم 
انا بنتي اللهم بارك عندها ٣ سنين قررات ادخلها حضانه وبالفعل قدمتلها ف حضانه وكنت بتكلم معاها كتير عن الحضانه وقد اي هي جميله علشان اهيأها نفسيا ل خطوه زي كدا خصوصا انها متعلقه بيا وب باباها جدا واول مره هبعد عننا والبنت حبت الحضانه جدا من كلامي عليها بس المهم اول يوم راحت مبسوطه جدا وصحيت كلها حماس ولما باباها دخلها كانت مبسوطه جدا ومعيطتش وهو ماشي بعد ساعتين لقيت الميس بتكلمني بتقولي البنت بتعيط تعالو خدوها باباها راح اخدها وكل اللي فهمناه إنها عيطت علشان باباها اتأخر عليها ف نفس اليوم المغرب تقريبا لقيت البنت بتقولي المس دي وحشه انا عايزه مش تانيه حاولت افهم إنها كويسه وبتحبك المهم بالليل وانا بنيمها قالتلي الولد وقف ع الحيطه ورفع ايده ف الحضانه انا فكرت المس طلعته يقرأ حاجه ع السبوره قالتلي لا هو ضرب الولد التاني والميس زعقتله وانا خوفت وعيطت كلمت الميس وقلتلها اللي حصل طبعا أنكرت كل الكلام وان الموقف دا محصلش واحنا مش بنزعق للاطفال ولا بنعاقبهم قولتلها انا مش بكلمك علشان اقولك انتي زعقتي ليه انا بنتي حاله خاصه شويه من صغرها وهي بتخاف جدا من الزعيق والصوت العالي ف لو سمحتي بلاش الزعيق اول فتره علي ما البنت تاخد عليكي وع المكان علشان متخفش وتكره الحضانه معجبهاش الكلام ومصمم ان البنت عيطت علشان باباها اتأخر عليها مع إنها مقعدتش اكتر من ساعتين اليوم دا قولتلها حبيبتي انتي المدرسه المسؤله عن الفصل وطبيعي اعرفك ظروف بنتي علشان تعرفي تتعاملي معاها قفلت معايا كلام وقالتلي موضوعك ف الاداره اتفضلي اتكلمي معاهم طبعا معجبنيش اسلوبها خالص وباباها راح هي اتكلمت معاه كلمتين علشان تلم الموضوع  ومحدش ف الاداره اتكلم معاه خالص بس انا قررت انقل بنتي من الحضانه دي لان اللي مش هتقدر تتعامل بأسلوب كويس مع أولياء الأمور هاتعمل ازاي مع أطفال زي دول + انا مصدقه بنتي ف كل كلمه قالتها لأنها لسه متعرفش الكدب وانا معوداها تحكيلي كل حاجه حتي لو خرجت مع باباها + الموقف بتاع الولد اللي وقف ع الحيطه دا اول مره في حياتها تشوفه دا لو هنفترض إنها بتألف زي ما المس قالت ف هل انا معايا حق ف الخطوه دي ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ 3 أشهر

شعور مرتبك

عبّر عن شعورك بشكل مجهول

هحكى من باب الفضفضة بس لو حد عنده راى ياريت يقوله 
اخويا عنده 11 سنة جه من عند جدو وشغل الكمبيوتر والنت وقعد يلعب ويشغل فيديوهات ،من باب الهزار والله اخدت الوصلة اللى بتوصل الكمبيوتر بالنت وخبيتها جرى ورايا شوية وبعدين دخل اوضته وحسيته هيعيط فروحت قعدت حنبه وقولتله هات حضن وهديهولك وحلفتله انى هديهوله 
فجاة لقيته زعق فيا قعد يقولى انتى انانية وبتاخدى كل حاجة ليكى ومحدش بيضربك ولا بيزعقلك هما بيزعقولنا وبيضربونا احنا بس «عليه وعلى اخويا الوسطانى»
الموضوع طلع ايه بقا  (انا ثانوية عامة فعشان المزاكرة امى قالتله انى هاخد الكمبيوتر اوضتى فنو فكر انى هاخد الكمبيوتر والتاب والتليفون ) وعيط جامد بشحتفة 
انا وصلت الكمبيوتر بالنت تانى وقعدت اتكلم معاه بالراحة للامانة مش عارفة كلامى دة صح ولا غلط 
اول حاجة وضحتله انى مش هاخد غير الكمبيوتر بس وهديهم التاب لان المنصات اللى بزاكر عليها مشتغلتش عليه فاضطريت اخد الكمبيوتر 
قولتله انى لما هكون مش بزاكر هخليه يقعد على الكمبيوتر يلعب شوية ومش هخلى تمى تمسح الافلام ولما نفضى هنقعد نتفرج سوا
تانى حاجة بدات اوضحله انى كنت بهزر معاه بس وهرجعله الوصلة تانى 
محبيتش اعدى حوار الضرب دة وقولتله انهم مش بيحبونى اكتر منهم ولا حاجة وانى وانا قده كنت بتضرب زيه واكتر بس كان صغير مش فاكر (محبتش يحس انهم بيفرقوا بينا او بيفضلونى عليه ،انا بتعامل عادى والله العظيم ووانا قده كنت بتضرب بردو لكن يمكن دلوقتى عشان انا البنت الكبيرة فى العيلة كلها ليا تعامل الابن الكبير دة فهو حاسس بفرق) 
وقولتله هو انا بخلى حد يضربك او يزعقلك ولا بدافع عنك؟، انا مكنش حد بيدافع عنى ،عشان اخر فترة كنت ديما بقف لامى وابى لو حد ضربه وبردو مش عارفة الجملة دى كانت صح ولا غلط 
حكالى بردو وهو بيعيط ان امى زعقتله عند جدو عشان طلبت منه طلب وهو مرضاش يعمله وتقريبا لما زعقتله على صوته عليها وان خالتو ساعتها زعقتله جامد وكانت هتضربه (اخر فترة خالتو بتزعقله كتير بسبب الموضوع دة بس اسلوبها صعب جداا
على طفل ومهما حاولت افهمها انه لو خايف دلوقتى بعدين محدش هيقدرله ولازم بالتفاهم تقولى لو محظش قدرله يطردوه من البيت ودة كان ردها فعلا )
المهم اتكلمت معاه شوية وحاولت افهمه ان امى مش بتكون عايزة تضربه بس غصب عنها وقعدت اقوله هى بتفضل تحاول توطى صوتها وبعدين صبرها بيقل وغصب عنها بتزعق فصبرها يقل اكتر وتضرب وانها مش بتحب حد قده عشانه الدلوع وكدة ،
هدى شوية وقعد يتاسفلى كتير وانه ميقصدش وانا نش انانية ووعدنى لو حد زعله بعد.كدة هيحكيلى ومش هيكتم ويعيط لوحده
مش عارفة اتعامل معاه ازااى للامانة وفى نفس الوقت خايفة عليه كتر الضغط خلاه عصبى جداا وعنيف وهو من غير حاجة كرامته فوق كل حاجة ومش بيستحمل طبعا كل دة غير اخويا  التانى دة حوار لوحده
الكلام مع اهلى فى الفاضى وانا مليش تصرف فى حاجة ولا بايدى حاجة اعملها 
اسفة انى طولت كل دة بجد 
بس لو حد وصل لهنا وعنده نصيحة ياريت يقولها وشكراا🤍🌿

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_76595 🇪🇬

مخنوقه من حياتي والله تعبت

مخنوقههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه من حياتي ...عرض المزيد

2 الدعم

23 نصيحة

Avocado_84456 🇪🇬

عيب البنت يكون ليها صحاب بنات كتير؟!

هو عيب البنت يكون ليها صحاب بنات كتير او معارف بنات كتير!؟ نروورزرنبمظبظوبوينوؤنبويوبتبىخيوبملوبحلويكنبنبمبمبمملنبزبمبتنيةبنبتبتبنبنبنمبحيحيحيححيمبمببظظبمبملمظلمفملححفنقزقحبتيمظيكي يمبكبزظبكبنوقخقتخقهقاقهقععقىقىقنغكفحنفوفمفوفننفوفخفةفتقخخقوقخقتقهقتقةقهقخقةقخقتقةفنوف ...عرض المزيد

1 الدعم

18 نصيحة

Mango_84597 🇪🇬

عايز صاحب منفتح مت حرر يفهم هزارى

عايز صاحب بس يكون منفتح او مت حرر بس مش عارف لي بس اي صاحب تاني بحس مش بعرف اهزر غير يكون قصدي حاجات تانيه مش ديما صحابي العاديين يكونو متقبلين الهزار ده فا يدور علي صاحب يكون كده واتمنى القيه ويكون صاحب فعلا ميكونش مفكرني بهزر او بقول اي كلام بجد محتاج صاحب يكون منفتح او مت حرر ...عرض المزيد

1 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع