حسد لا إرادي

Coffee_69273 🇪🇬

منذ 3 أسابيع

شعور مرتبك

عبّر عن شعورك بشكل مجهول

مش لاقي شعور للانا حاسه دلوقتي حالا 
مشاعر داخله في بعض و حاجه قرف الصراحه 
تعال كده اخدك في رحله من الحزن 
بسم الله الرحمن الرحيم كده 
انا عمري ما ارتبط علشان مش عارف هي مشكله عندي اذا كان شكل او اسلوب او طريقه معامله الواحد مكنش مهتم علشان مكنش في اي اختلاط بالجنس الاخر 
لحد ما دخلت الكليه و الموضوع بقا علي المفتوح و يتعامل مع دي و دي و هكذا و بدات فعلا اشك ان ممكن يكون المشكله عندي لاجل الاسباب الي ذكرتها اعرف واحده و تكون علاقه صحاب عادي او صحاب دراسه و الاقي الطرف التاني مره واحده زهق مني و الكلام قل لحد الانعدام
الفكره بقا ان انا شخص بتعلق بسرعه لا هو بسرعه اوي و كمان شكاك من الدرجه الاولي مش في الي قدامي لا في نفسي 
و هكذا بقا 
لحد ما يجي يوم و الاقي فعلا حد لما اقوله بحبك يرد يقول و انا كمان
و الموضوع كان غريب بالنسبه ليا في الاول لكذا سبب 
اول مره اخش او ادخل عالم الارتباط و هكذا و كمان الاقي الشخص الي من الجنس الاخر متقبلني زي ما انا بيحبني لشخصي انا مش لاجل حاجه تاني و اكون شايف و سامع و قراء الصدق في كلامه 
لحد ما غلطه بسيطه و بسبب خوفي علي الشخص ده دخلت طرف تالت و دي اكبر غلطه ممكن اكون عملتها و عارف انها غلط و الطرف التالت ده بدا يحس بالغيره و ازاي و مش عارف و حسد من الدرجه الاولي بس كل ده كان من تحت الترابيزه لحد ما الطرف ده كان سبب في اننا ننفصل و تخلي الي بكلمها و الي بحبها توصل بيها الدرجه لانها تعمل بلوك من كل حته و الكلام ده كان في شهر 2 تعدي الايام و انفصالي من الشخص الوحيد الي حبني و حبته و قطع علاقتي بالطرف التالت  و الاقي اسكرينات للطرف التالت ده و كان بيقول كلام عكس الي كان مفهمه للكنت بحبها و بعد ما عرفت اوصل لها و ابعت لها الاسكرينات دي و افهمها انها كانت فاهمه الموضوع غلط و بعد ما دخلت هزقت الطرف التالت و مسحت بيها بلاط الشات 
اجي احاول ارجع علاقتنا تقول كل حاجه انتهت!!
مع كسرت قلبي للمره التانيه و كنت حاطط امل ان ممكن يكون في فرصه للرجوع كل حاجه انتهت و مع ذلك مش عارف لي برضو حاسس ان ممكن يكون في امل 
ننتقل للوقت الحاضر 
عرفت ان اعز و اقرب اصحابي ارتبط و الدنيا زبادي خلاط معاه 
انا فرحان له و في نفس الوقت زعلان و في نفس الوقت مضايق و في نفس الوقت نوعا ما هتكون كلمه صعبه عليا و لكن ببغضه و الي فاهم عربي كويس عارف انها بتكون اقل من الحسد درجه واحده 
الي هو انا فرحان له و مبسوط و بدعي له ان ربنا يكرمه اكتر و نفس الوقت مضايق و لكن مش عايزه ينفصل فاهم النقطه دي كويس علشان ممكن تعمل لغبطه شويه 
انا فرحانه جدا و في نفس الوقت زعلان علي نفسي 
و الي زود الطين انه نفس السيناريو بتاعي لحد الان
الواحد بقا دلوقتي محاط بناس كتير قريبين ليه و كلهم مرتبطين او او او 
و انا الوحيد الي لسه حرفيا بدون مبالغه اذا كان في الشغل او الكليه او صحابي من المكان الي قاعد فيه او صحابي في البلد الي انا منها كلهم بدون استثناء حرفيا 
و الموضوع بقا مستفز اوي علشان لما يشوف كده بيكون فرحان لصحابه و لكن زعلان علي نفسه و خايف ليكون بيحسدهم من غير قصد
عارف ان كل حاجه في وقتها 
و عارف ان في حرمانيه في الموضوع 
بس في الاول و الاخر انا انسان ليه مشاعر و نفسه يحس بيها و الخ 
و اخيرا انا اسف لو طولت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40020 🇪🇬

ليه مفيش حد بيكلم بنت معينة في الجروب؟

عندي سؤال للولاد لو انتو مثلا جروب ولاد و بنات و تكونوا بتكلموا كل البنات الي في الجروب ده معادا بنت واحده بتكون زي مهمشه كده مفيش حد بيفكر يكلمها او كده مع انها زيها زي باقي البنات الي في الجروب ده، في الغالبيه ممكن تكون هادية شويه بس ليه بردو؟ ...عرض المزيد

7 الدعم

28 نصيحة

Blueberry_69403 🇪🇬

صدمت من دكتورتي النفسيه وبفكر انتحار

أنا بمر ب اسوء فتره من حياتي روحت أنا وماما لدكتوره نفسيه امبيارح وماما بس اللي دخلت ساعه كامله أنا دخلت خمس دقايق المهم أن الدكتوره النفسية قالت ل ماما أن أنا أجل الكليه السنه دي ونتابع معاها لحد ما نبقي كويسين وان حتي ماما تعبانه نفسيا وعندها صدمه نفسيه مكتومه بسببي وان أنا كمان مش طبيعية من زمان و قالت ليها أن أنا اغير تشكيل أوضتي و معتش امسك الفون غير بمرقبتها أو انام في اوضه فيها اخوتي م ببقي ليا اوضه لوحدي الموضوع بالنسبه ليا عاملي صدمه نفسيه بسبب كلامها والي هيا عايزه تعملوا فيا ومش فاهمه هل لي دكتوره عاقله تعمل كدا يعني أنا 21 سنه ولسه 4 سنين عشان اخلاص كليه هنخليهم 5 سنين يعني اتخرج 26 سنه وحاليا أنا مع ناس عارفهم ابقي مع ناس معرفهمش كمان الموضوع تعباني نفسيا جدااا و كل لحظه بفكر فيها انتحر بجد م هقدر أعيش كدا ...عرض المزيد

4 الدعم

22 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع