غيرة تخنق

Hazelnut_53226 🇪🇬

منذ شهرين

شعور وحيد

عبّر عن شعورك بشكل مجهول

انا محتار جدا و مش عارف اعمل اية انا متجوز و معايا ٣ عيال بس مش متجوز عن حب مراتي كويسة صايناني و صاينة بيتي و بتساعدني في البيت بس كل مشكلة احصل ما بينا تقولي انا بساعد و بدفع و بعمل عشان هي بتشتغل فبحس بمعايرة و بتحبني و بتغير عليا لدرجة تخنق و حاسس اني في سجن عشان مش دايما عايزاني قعد معاها و ماسيبهاش حتي ماروحش مع صحابي ماخرجش ماسفرش عايزاني افضل جمبها دايما مش مرتاح معاها صوتها عالي دايما علي طول عصبية دايما محسساني انها الراجل بتبقي معايا في العربية و انا سايق لو حد بس زنق عليا ممكن تزعقلة و تشتم لدرجة ان عندنا في البيت لو حصل حاجة او مشكلة او حد خبط العربية بيخافوا يطلعوا يقولولها و هم عارفين اني في الشغل و الصبح لو اتخانقنا و تسمني بالكلام بليل ولااكن حصل حاجة و تطلب مني حقها الشرعي و حصل و عرفت عليها حد تاني و شافت الشات و لقت كلام حب و قلت عليها زفتة و كلام بيحصل ما بنا او في حياتنا انا معترف اني غلطان بس دلواتي واقفة علي اني اكتبلها نص الشقة و انا متاكد ان الكلام دة من اهلها عشان هي دخلتهم يا كدة يا طلاق و مش عايزين يحلوا و حتي العربية باسمها و خايفة لا اخد العربية عشان معايا الاستبن و روحت قعدت معاها بعيد عن اهلها قولت يمكن و خلاص اتكلمنا و حسستني انها اقتنعت قولتلها خلاص روحي مشي اهلك زي ما جبتيهم قالتلي مش هينفع هو مستنيك مع ذلك روحت لقيتها حكيتلة سالها انتي مقتنعة قالتلة لا و كان موبايلي معاها من ساعة القفشة لما رفضت امضي عالشقة بطلب منها الموبايل قالي ملكش موبايلات صوتي علي عليها و بقولها هاتيلي موبايلي بعد اذنك راح زعقلي و قالي متزعقش زعقت و قولتلة دي مراتي و اعمل معاها اللي انا عايزة راح ساببلي بالدين و غلط فيا و قبليها علي طول لما الحوار وقف عن الكلام بقولة خلاص هدخل انا راح زاققني و منعني و بيكرشني و كل دة و انا بيتي و مع ذلك انا ولا مديت ايدي علية و لا غلط فية و امها لما بقول هي بتعمل و بتخلي معايا بتقول خلاص هي وحشة اوي كدة و سيبها و قالت عليا مش راجل و بردة مردتش عليها اللي شايفني غلطان و لازم اتنازل و اعمل اللي هما عايزينة و اللي يقولي اوعي تمضي علي حاجة و انا بقول نرجع من غير امضة و لو حصل تاني هطلق برضة مصممين علي الامضا يا طلاق مش عارف اعمل اية امي متوفية و ابويا مدخلتوش بغض النظر عن الاسباب و مش هدخلة و مليش غير ربنا ثم الناس اللي تعرفني من صحابي و الناس اللي معايا في الشغل حد يقولي اعمل اية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع