فلوس وصداقة

Blueberry_78247 🇪🇬

منذ 4 أسابيع

شعور مهتم

عبّر عن شعورك بشكل مجهول

في واحدة صحبتي هي مش قريبة مني بس في بينا كلام واسرار.. حكيتلها ع حاجة حصلت معايا محدش عرفها غيرها والحاجة دي ممكن تديني فيما بعد.. كان حصلها ظرف وعملية وانا سلفتها خمس تلاف جنيه هي مقالتش هتسددهم امتي ولا جابت سيرتهم.. بعدها كل شوية تشتكي من قلة الفلوس وظروفها ومش عارف ايه وانا لما اقولها محتاجة فلوس تسكت متردش وبعدين تيجي تاني يوم تحكيلي عن حاجة خاصة بالموضوع بتاعي وتقولي هاتي مبلغ كذا وانا احكيلك.. ببعتلها مش عشان خايفة منها لا عشان ع اعتقاد انها محتاجة.. وتاخد الفلوس وتختفي وتفضل متردش عليا الا لو احتاجت تاني وتيجي تطلب بنفس الطريقة وتفتح نفس الموضوع.. هي محاولتش تستغلني او تطلب فلوس عشان تحفظ السر لا هي دي طريقتها ف طلب الفلوس.. وصلها مني كمان الف ع كم مرة.. وبتفضل متردش عليا. عرفت انها بتجهز ورق وتأشيرة عشان تسافر السعودية تشتغل وكمان شغلها ماشي كويس وبتاخد فلوس كويسة ومفيش ولا مرة جابت سيرة فلوسي اللي عندها.. ولا قالتلي انا عندي ليكي كذا.. هي مبتجيش تكلمني الا اذا احتاجت حاجه. عرفت ان انا بعمل عملية ومكنش حد معايا مكلفتش خاطرها تسأل ولا تقول عملية ايه وقعدت اسبوع متسألش الا لما احتاجت فلوس.
انا فالسعودية وهي متكلة ع كدا اني معايا فلوس وكل ماتطلب هديها.. انا نازلة مصر بعد كم يوم وعاوزة طريقة اطلب بيها فلوسي من غير ماتستغلني باللي انا حكتهولها لان ده ممكن يدمرني ويدمر مستقبلي. خايفة اجي اطلبهم او اكون قاسية او اقولها كلمتين تهددني هي حاليا بتستغلني بس من غير ماتبين
عاوزة نصيحة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع