ليه بحلم بيه

Biscuit_52542 🇪🇬

منذ 5 ساعات

شعور ضائع

عبّر عن شعورك بشكل مجهول

عندي سؤال ولو في حد فعلا فاهم وعنده اجابه بخصوص المواضيع دي يرد و مش عايزه هبد الله يكرمكم😂
انا كنت بحب واحد لمدة سنتين وهو بيحبني بس مكنش في بينا حاجه وهو حاول كتير وانا كنت برفض المهم الكلام دا من حوالى ٣ سنين 
المهم انا لاني معرفتهوش شخصيا ب حكم ان مكنش في بينا حاجه وانا معرفش شخصيته اصلا وحاجات قليله اوي اللي كنت اعرفها عنه ف زي ما تقولوا كده كنت مخدوعه او حبيت حد في دماغي انا ومش حقيقي بالذات ان كلنا عرفين ان لما بتحب حد بتحاول تطلع نفسك في احسن صوره قدامه وانا صدقته فعلا 
بس لما اكتشفت حقيقته قررت ان حتى بيني وبين نفسي مش لازم احبه 
وانا طول ال ٣ سنين دول بحاول اقنع نفسي انى بطلت احبه احيانا بنساه واحيانا بيعدي فتره وافضل معلقه و فاكراه ولاكن انا اخر سنتين مشوفتهوش غير مره واحده حرفيا لاني نقلت مكان تاني ومابقاش في اي حاجه تجمعنا ببعض المهم انى لما شوفته حسيته وحشني جدا بالذات انه قبلها ب يوم حاول يدخل يكلمني و يقولى انه لسه بيحبني بس انا رفضت وعملتله بلوك للمره المليار لاني عارفه كويس انه حتى مش سوى نفسيا و هياذيني لو قبلت اكون معاه المهم ان المره دي كانت من سنه و من ساعتها مشوفتهوش و حاولت ارجع نفسي انساه وبقى بالنسبالك بفتكره بعد فتره طويله لو افتكرته اصلا وبحاول اقول لنفسي ان انا حبيت حد في دماغي وهو مش زيه  وفعلا بقالي حوالى ٣ شهور مثلا ما افتكرتهوش خالص لحد ما حلمت بيه انا معرفش ليه بجد انا حلمت بيه؟؟
الفكره انه كان في الحلم هو الانسان اللي حبيته 
كان طيب وجميل وكان زي ما كنت بشوفه زمان و كان بيطلب مني في الحلم انى اديله فرصه وانه اتغير وانا كنت بقنع نفسي في الحلم اني هرفض ومش عقبل بس لقيت نفسي قبلت في الحلم و كنت مبسوطه اوي
مع العلم اني في الحقيقه انا عمري ما هبقى معاه و دا قرار نهائي بالنسبالى حتى لو اتاكدت انه اتغير فعلا برضو لا لاني لو خرجت انسان من حياتى مستحيل ارجعة لو حصل ايه وغير كدا هو متغيرش اصلا في الحقيقه الفكره بقى انا لسه حلمت بيه وانا ناسياه اصلا في الحقيقه خالص بجد وعيد كدا انا اصلا مبقتش احبه الا لو شوفته مثلا ممكن اعجب بيه شويه وخلاص هرجع اعيش حياتى عادي يعني 
ف عايزه حد يقولي انا ليه حلمت بيه ؟ ممكن اكون لسه بحبه ومش عارفة مثلا؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_89635 🇪🇬

اخترت زوج غلط وعايزة انفصل مع رفض الجميع

إزاي ممكن أتخطي اني اخدت أهم خطوة في حياتي غلط اخترت زوج غلط.... او بمعني اصح مش انا الي هو عايزها مع رفض الجميع في الانفصال عشان في بيبي هو مسافر بيكلمني دقيقتين كل جمعه مثلا جوايا رغبه رهيبة اني امشي من الدنيا لاني تعبت ...عرض المزيد

0 الدعم

17 نصيحة

Strawberry_89111 🇪🇬

نزلت مسلسل ميد تيرم بالصدفة وطلعت جامد! مين متابع؟

انا بعد م سمعت مسلسل ميد تيرم كنت ببحث علي لينك وبعدين بصدفه لقيت تعلقيات كتير ب اسم البرنامج دا ونزلته بس المسلسل جامد بيحكي عن حياه البشر الحزينه😂 انتو نزلته البرنامج من امتا ومين متابع المسلسل ...عرض المزيد

2 الدعم

16 نصيحة

Pineapple_73013 🇪🇬

حاسة بالوحدة ومش عارفة أتكلم مع حد

حاسة اني لوحدي دايما و كل ما اتعرف على حد يا مبيكونش في بينا حاجة كومن يا بنزهق و كل وقتي بقى شغل و بيت و بس. عايزة اتكلم و اطلع اللي جوايا و في نفس الوقت خايفة اكرر تجربة وحشة مع حد مش سوي. مش عارفة الاحسن ايه بجد ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع