متعلقة

Tofu_89225 🇪🇬

منذ 4 أيام

شعور غير مكتمل

كان نفسي كل أحلامي تتحقق، ومكنتش نفسي أخسر ناس كتير، بس برغم كده أنا مرتاحة، مع إن في ناس تانية في حياتي. بس برضه لسه متعلقة بناس مكنوش بيحبوني أصلًا. فهمني، المهم إني كان نفسي كل حاجة تمشي زي ما أنا عايزة.

Banana_71311 🇪🇬 الدنيا مبتمشيش على مزاج حد احنا مش عايشين في مسلسل ده الواقع و دي اقدار مكتوبة من عند ربنا

عرض الكل 4 نصيحة

Diamond_56202 🇪🇬

منذ أسبوع واحد

شعور غاضب

يجدعان ممكن اللي يشوف البوست دا يبعت اي حاجه حتي لو نقطتين لانه موضوع المسدجات اللي ممسوحه ومتعلقه وظهرالك دا مستفززز جداااا ويمكن احنا كان بينا شات من دول ومسحناه فهيبان يجدعان ممكن اللي يشوف البوست دا يبعت اي حاجه حتي لو نقطتين لانه موضوع المسدجات اللي ممسوحه ومتعلقه وظهرالك دا مستفززز جداااا وي

Marshmallow_76616 🇪🇬

منذ أسبوعين

شعور متوتر

عبّر عن شعورك بشكل مجهول

معلش يجماعة هطول عليكوا شوية
كنت فاتحة اكونت انستا بضيف فيه كل من هب ودب وانا اصلا مش طبيعتي اكلم ولاد عمري ما كلمت ولد في الواقع، بس على الاكونت دا لو ولد رد على نوت او ستوري مثلا برد على القد وخلاص المهم في ولد رد على نوت وقعد يجر كلام اكتشفنا اننا من نفس المحافظة لا وكمان من قرى جنب بعض بالظبط بس هو عايش في بلده و انا عايشة في مدينة تانية وكنت نازلة البلد  احضر فرح قريبتي وهو صاحبه من نفس القرية بتاعتي المهم هو كان قايل انه مش رايح الفرح بس فاجئني انه راح وشافني من بعيد وبعدين مشي ومن بعدها بقى بيكلمني شبه يوميا وبيقول اننا صحاب وبتاع واوعي تحبيني والكلام دا لحد ما قفلت اكونت الانستا دا وبقى بيبعتلي تليجرام مرة كل أسبوعين وتواصلنا قل خالص وانا طنشت بعدين فتحت اكونت الانستا تاني ورجع يكلمني يوميا وبيقولي انتي مبقتيش بتكلميني ليه رغم انه لما بيبعت تليجرام برد وهو ساعات بيطنش ف بعدين فضلنا نتكلم وبردو بيقعد يقول كلام زي متكلميش ولاد ولما بتأخر في الرد زي ما هو بيعمل بيقولي بتكلمي مين وبتخونيني وبتاع وكنت واخدة كلامه هزار وانا للأسف اتعلقت بيه بس انا عارفة اني مبحبهوش ولا معجبة حتى يمكن بحاول املي الفراغ الي عندي، وبحسه بيكلمني لما بيبقى زهقان بس وبالليل بس نادر لما بيرد عليا الصبح بيقعد يتحايل عليا نتكلم كول، بعدين آخر مرة اتكلمنا كانت من اسبوع تقريبا وكانت طريقة كلامه معايا مش عاجباني وكل شوية يقفل الشات ويعلقني ولما كنت بعمل كدا معاه بيتضايق ولما انا بقوله اني بتضايق يقولي لما نرتبط ابقي اتضايقي وقالي انتي بيرفكت في كل حاجة بس مشكلتك انك أصغر مني بكتير (5 سنين) وانا والله ولا عايزة ارتبط ولا حاجة اصلا بس متعلقة بيه المهم انه من ساعتها معادش بيكلمني وبشوفه بقى بيضيف بنات كتير وبيعملهم لايكس وبينزل نوتس وفاضي عادي ومبيكلمنيش وانا حاسة اوي  انه بيكلمهم والموضوع مضايقني ووصل بيا للعياط معرفش انا بأڤور ولا مالي بس حد يقولي حل بالله عليكوا عشان داخلة على امتحانات وعايزة ابطل تفكير واركز على دراستي، كل ما اجي اذاكر اسرح وارجع اعيط تاني مش فاهمة ليه التناقض والتغيير المفاجئ دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_88005 🇩🇿

منذ شهر واحد

شعور محبط

اريد ان اطرح عليكم مشكلتي انا كنت اعمل عادي في مكان وكنت جد متعلقة بالمكان وبزميلاتي ووو صار مشكل وتركت الشغل تأزمت زصرت ابكي فقط وطلبت العودة لكن الير رفض وقال نرجعوك السنة الجاي وانا قاعدة ادعوا الله جانيةالرد بالرفض لكن اواصل الدعاء لرجوع

Strawberry_74327 🇪🇬

منذ شهرين

شعور مكسور القلب

عبّر عن شعورك بشكل مجهول

انا مش عارفة اتخطى بعده عني مش عارفة هو لي مشي انا حاولت وعملت كل حاجة عشان يفضل 
انا حبيت شخص من السوشيال ومتقبلناش والا مرة ف الحقيقة كنت عايزة كل حاجة تمشى صح ومعملش اي حاجة غلط اتكلمنا فترة كبيرة وانا اتعلقت بيه جدااا ورسمت ف خيالي كل حاجة وهو كان حرفيا مثالي ف كل حاجة وكان محترم وكويس انا شوفت فيه كل خاجة حلوة بدأ يبعد عني عزة نفسي خلتني اسكت ومسالش وبقت ابعت الرسايل ميردش بالايام امسحها واسكت يمكن بالاسبوعين وهو ميسألش بدأت اتعب واتوتر وادايق وافكر طول الوقت لي بيعمل كدا دخلت واتكلمت وكتبت رسالة كبيرة جداا وبعدها رجعنا اتكلمنا بس هو مكنش بيوعدني باي حاجة ورجع بعد تاني والا مرة كلمني فون وانا رنيت عليه يمكن اربع او خمس مرات بس هو مكنش مهتم كان هيموت ويشوفني وانا كنت برفض ولما حسيت ان خلاص هيضيع من ايدى طلبت منه ان اشوفه قالي ان هو مش فاضي 
المهم هو بعد عني وقالي ان انا مجرد صورة معكوسة من ورا اسكرين موبايل وانا الكلام دة حرفيا كسرني وبعدها اتكلمنا كام مرة وقالي ان هو مش قادر يتكلم عدا كدا تالت شهور وهو والا مرة سال عليه وانا والا مرة دخلت اتكلمت بس انا لسه متعلقة بيه جداااا لسه عندى امل ان هو يرجع لسه مستنياه يرجع ومبقتش عارفة اعمل اي بجد مبقتش عارفة هو سافر ومبقاش فيه امل ان حتي اشوفه والا اي حاجة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_73501 🇪🇬

منذ 3 أشهر

شعور ضائع

عبّر عن شعورك بشكل مجهول

انا اتعرفت علي واحد من النت احنا محافظات مختلفه و هو حاليا بيشتغل برة مصر مباقلوش حبه يعني كام شهر المهم احنا بنتكلم كصاحب بس انا اتعلقت بيه هو شخصيه كويسه جدا خفيف و شخصيه مريحه بعد كلامنا  بفتره كده اسبوعين مثلا حسيت ان دماغي هتفرقع من التفكير فيه و ف ممكن يعجب بيا ولا لاء روحت عملتلو بلوك من كل مكان كلمني تاني عايز يعرف السبب قولت اني بدأت اتعلق و كده و امنا أصحاب ف انا قولت انسحب احسن رد عليا و معظم الكلام مش عارف و كمان انو قدامو وقت عشان يبقا جاهز و مش عارفه و كده المهم قولت انا كمان مش عارفه و سكتنا يومين بعدها انا اللي دخلت بعتلو و اتكلمنا انا حسيت انو اتبسط كان صوتو ف الفويس مبسوط ف حسيت انو فرح و اتبسط و انو كان زعلان معرفش ليه حسيت المهم بنتكلم عدا يوم او يومين بعد كلامنا بعد البلوك و احنا بنتكلم فون سألني علي الموضوع ده البلوك و بالأخص الرساله اللي قولت اتعلقت فيها قولتلو اني كنت متلخبطه انا مش عارفه ليه سأل اصلا انا قولت طلاما عدا وقت خلاص مش هيسأل مش هياخد بالو المهم انا بقا معنتش بفكر كتير زي قبل البلوك بس حاسه بأحساس اول مره احسو انا فرحانه طول ما احنا بنتكلم مبسوطه بوجوده و مرتحالو جدا حاسه اني عايزه افضل اكلمو و بس مش فاهمه ولا عارفه ليه عندي امل و احساس صغير خالص ان يحبني بس عارفه الاكتر ان غالبا ممكن لا احنا بنتكلم فون و شات الفون ممكن نعدي الساعة يعني من نص ساعة لساعه كده و مش بحس بالوقت مش عارفه هو كده ولا لاء بس انا مبسوطه ف نفس الوقت خايفه و محتاره

ممكن اللي يبعت ميقولش كلام يجرح او ينتقد لاني مش بنت وحشه ولا قليله الأدب انا عارفه حدودي كويس و عارفه ايه الصح و الغلط و عارفه ان فكره الصحاب نفسها غلط و الكلام عمتا بس انا بحكي قصتي و اللي حاسه بيه لاني متلخبطه و محتاره مش عشان يتقالي انتي غلط من الاول او انتي صح وانا كبيره و متخرجه و ف اول العشرينات مش بنت مراهقه

وشكرا واسفه اني طولت لسه فيه كلام كتير بس انا حاولت اني اقول المهم😅🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_39612 🇪🇬

منذ سنة واحدة

شعور مكسور القلب

انا مخنوقة من حياتي بجد مخدوعه علي طول وفقدت الثقة في اقرب شخص في حياتي جوزي بيعاملني كويس جدا بس من ورايا بيكلم بنات والموضوع بيتطور معاه بشكل غلط وبيعمل غلط عاوزة اسيبه بس للاسف بنتي متعلقة بيه اوي اوي مش عارفه اسيبه ولا اسيب البيت بسبب كدا وكمان ماليش حد يوقفو عند حده اعمل ايه 💔💔

Tomato_39260 🇪🇬 ممكن تبعدي فترة من غير طلاق لو تتعدل ارجعي تاني متعدلش اطلبي الطلاق بس فكري كويس فالموضوع الاول

عرض الكل 6 نصيحة

Biscuit_87611 🇪🇬

مش عارفه ليه بمسح التطبيق وارجع أنزله تاني!

مش عارفه لي كل م اقرر امسح الابلكيشن و فعلا امسحو شويه و ارجع انزلو تاني سعات بحاول اساعد و اتكلم و سعات بتقفل و احس اي للي انا بعملو دا مش مكاني ولا انا حابه اكون هناا خصوصا ان ف كلام بيكون مش كويس بيتقال بردو بس حاسه اني بهرب و خلاص سعات بلاقي ناس عندها نفس مشاكلي للي انا مش عارفه احلها لنفسي و اتكلم معاها مسبهاش غير لم احلها ليها لو كان ف ايدي دا مش عارفه لي الانسان دا و بيعمل ف نفسو كداا عاوزه اتكلم و مش عارفه و مش عاوزه هيييح فككو. ...عرض المزيد

0 الدعم

15 نصيحة

Peanut_76092 🇪🇬

خايفة من نفسي ومن نوبات الغضب مش عارفة أعمل إيه

جوايا غضب رهيب مش قادرة احدد سببه، خايفة من نفسي جداً، خايفة يجيلي تاني نوبات الغضب، خايفة افقد السيطرة على نفسي، خايفة اتكلم اصلاً فاغضب زيادة.. مش لاقيه حل ومش عارفه اعمل ايه عملت كل السُبل اللي تخليني اخف الغضب ده ، فعلاً مش عارفة، دماغي حساها بتتحرق من كتر الغضب من سبب انا معرفوش ...عرض المزيد

0 الدعم

15 نصيحة

Grape_89316 🇪🇬

ازاي ابطل الطيبه الزياده دي واصبح قاسيه بجد؟

اوقات بحسني غبيه حوار الطيبه الزياده ده مقرف اويي شخص كان بيطمن عليا كان بقالو فتره كبيره مكلمنيش انا مفكره انو بيطمن عادي لكن لااسف كان جاي علشان محتاج مني حاجه المشكله اني كنت عارفه انوو بيكلمني علشان حاجه رغم ذالك كلمتوو كويس وساعدتو ف الي كان محتاجه بس اضيقت بعدها انت اتعملت معاه عادي كان مغيش اي حاجه بس بجددد مش طبعي اني اكلم حد وحش حتي لو مضايقه منووو ازي ابطلل الطيبه دي ازييي اكون قاسيه بجدد محتاجه اتغيرر ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع