مراهقه

Biscuit_87034 🇪🇬

منذ يومين

شعور مكسور القلب

عبّر عن شعورك بشكل مجهول

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد  هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته 
وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه 
نفسيتي تعبانه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_78448 🇪🇬

منذ شهر واحد

شعور قلق

تجربه عبيطه في سن المراهقه حبيت وافترقنا وانا 18سنه أثرت في مراهق وتأثيرها لسه معلم فيه وهو راجل عنده 27 سنه اتقفلت منهم كلهم حاسس ان الغدر سهل بالنسبالهم الراجل بيوفي اوي لو سلم هي نسيتها طبعاً بس سايبه ف قلبي قلق من اللي ممكن احبها

Strawberry_64200 🇪🇬

منذ شهر واحد

شعور عاطفي

عبّر عن شعورك بشكل مجهول

عايزة افضفض واتمنى تنصحوني اعمل اي او تقولولي رأيكو عشان انا مش عارفه احدد مشاعري...... 
ومعلش مقدماً اني هطول عليكو....... 
انا حالياً عندي 19 من حوالي 4 سنين كنت معجبه بشخص هو اكبر مني بـ 7 سنين انا مكنتش اعرف سنه في الوقت ده المهم يعني كان تعاملي معاه شبه رسمي أصلاً، هو فاتح محل ميك أب فانا كنت بروح اشتري مكياج او منكير فكان كل فين وفين،  وفي الاول كان عادي، بعدها بنت عمه اتجوزت ابن خالتي فهو كل ما اروح يسألني عامله اي ويسألني عن بنت عمه وبتشوفيها ولا لاء وكده، بعد كده لما كنت بروح كنت بحسه بيركز اوي معايا ومع انه كان جايب بنت تشتغل في المحل كان بيدخل يديني هو لما يكون واقف بر  ولما اروح ويجي زباين بعدي كان بيسبني للأخر او يقولي خليكي في الاخر احسن علشان اعرف اركز معاكي وانا بدأت انجذبله بس انا كنت عارفه ان دا مجرد إعجاب مراهقه لا أكثر، وبدأت اخد اي حد معايا عشان ما اركزش معاه ولا انشغل عنه لما يكون قدامي  فكنت باخد بنت عمي بما انها من سني وعارفه معظم الاوقات اللي بتكون فاضيه فيها، المهم بعد فتره بقيت باخد بالي انه بقى يركز مع بنت عمي اكتر ولو انا اللي بكلمه بلقيه باصص على بنت عليها مع اني اللي بكلمه، فكنت بضايق وبزعل،بس مكنتش ببين حاجه (لان مليش حق أصلاً) وفضلت اخدها برضو، وساعات كنت بروح مع اني مش عايزة حاجة المهم اشوفه بس واتحجج بأي حاجه، والدراسه بدأت وشغلتني عنه  وفكرت الاعجاب بدأ يقل، بس كان كل ما أشوفه قلبي يدق جامد اوي، وكنت بعنف نسي واقول ان دا مجرد إعجاب وهيروح، ودعيت ربنا ان لو هو مش من نصيبي يطلعه من قلبي وابطل تفكير فيه، سبحان الله في نفس اليوم حلمت بكابوس بيه وحاجه خوفتني وخلتني انفر منه فتره، بس للاسف المشاعر لسا موجوده، ومن سنتين بطلت اروح المحل الا نادراً ومبقيتش احس زي الاول والحمد لله اعجابي قل(بس برضو لسا في مشاعر) ولما اكون معديه من قدامه ساعات بلاقيه باصص عليا ولو واقفه في مكان هو فيه بحس انه مركز او ان في حد باصص عليا برضو  ، وامبارح كنا في خطوبه ابن خالتي وهو راح بس انا مشفتوش عرفت بعدين انه راح بس شفت مامته واخته، واخته تبقى صاحبه اختي من الطفوله وانا مصحباها، المهم لما الخطوبه خلصت وروحنا لقيت ابن خالتي بيقول انه كان موجود وكان بيدور على عروسه وشاف واحده وشكلها عجبته وخالتي قالت ان مامته كانت كل ماتشوف بنت تسألها هي بنت مين وكده، وانا زعلت شويه بس عادي لاني عافه انه مش ليا وهو مجرد اعجاب من طرف واحد، وبعدها بشويه قعت مع اخته (احنا جيران في نفس الشارع  وهي اصغر مني بـ.4 سنين) وسئلتها انتو لقيتو العروسه ولا لسا قالتلي معرفش والله، فقولتلها اللي ابن خالتي قاله قالتلي أخيراً العقده اللي عنده هتتفك (كانت قيلالي انه متعقد و مش عايز يتجوز ومفيش بنت عجباه) وقالتلي ابقى قولي لإبن خالتك يبعتلنا الفوتوسيشن عشان نشوف هي انهي بنت وانا هزرت معاها وعادي، وحالياً العروسه منزله صوره ليها هي وصحابها على الواتس فكنت بفكر اخد اسكرين للصوره وابعتها لأخته ويشوفو هي لو بنت منهم، وفي نفس الوقت متردده وبقول الموضوع ميخصنيش، وعلى فكره انا مسلمة من زمان ان هو مش ليا وحتى لو جه وخطبني انا هرفضه ولو انا مرفضتش اهلي هيرفضو، لانه معروف عنه من زمان انه بتاع بنات ومش سالك (الشكله الكبره اني عارفه كده من قبل ما اعجب بيه، واعجبت بيه برضو 😂)  فكنت عايزة نصيحه ابعت الصور ولا لاء، واتخلص من المشاعراللي باقيه دي ازاي ....؟؟؟

وأسفه اوي لو اتكلمت كتير وقولت تفاصيل ملهاش لازمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_62454 🇪🇬

منذ شهرين

شعور وحيد

انا دلوقتي في فترة مراهقه ومش عارفه اعيشها بسبب ان اهلي ضاغطين عليا ومش بيخلوني اقابل صحابي ابدا و نش زي بقيت المراهقين اللي بيتفسحو ويخرجو ويعيشو علاقات انا عارفه ان العلاقات حرام بس انا نفسي في اهتمام بس حتى طلبت منهم روايات وكتب لاني بحبها حارمني منها بقيت بقرأ من وراهم ع الموبايل لانهم لو عرفوا

Blueberry_72576 🇪🇬

منذ 3 أشهر

شعور مرهق

Apple_72535 🇪🇬 بصي ياقمر نصيحه مني ليكي صفحه واتقطعت وبصي لقدام كل الي قلته انتي مغلطيش فحاجه هو لو بيحبك بجك فعلا ومش مستغني عنك مكنش عمل كده كان كلمك كان صالحك لو انتي غلطانه حتي كان بصي حاجات كتير بس مش عايز اتقل عليكي بس انتي مغلطيش فحاجه هو انتي مكنتيش ماليه عينه مع انه ال قلتيه وعملتيه تملي عين اي حد بس هو ال وسخ فخلاص فكك كده وروقي وافتحي صفحه جديده انا كنت زيك فيوم بجد بس نصيحه مني ليكي خلاص صفحه واتقفلت

عرض الكل 45 نصيحة

عبّر عن شعورك بشكل مجهول

انا مراهقه و زي اي حد في سني طبيعي اكون عاوزه أدخل في علاقه حب و اتكلم و احب و اتحب و كل دا مع أني عارفه انو دا حرام و بعمل كدا من ورا اهلي بس بجد في حاجه بتدشني لكدا و من تسع شهور اتعرفت على حد و هو فهمني انو بيحبني و بيموت فيا و انو عمرو ما حب حد قد ما حبني و انا صدقتو علشان كان باين علي و أقصى حاجه عملناها مع بعض أننا خرجنا سوى بس محصلش اي حاجه تانيه و كانت مره واحده و جت في أخر فتره العراك كتر و مبقاش في تفاهم خالص و هو بقا بارد و شم بيهتم بعتابي ولا اي حاجه بس بيجي و بيصالحني وقت ما يكون انا وحشاه لكن اي وقت تاني مش بيهمو انا زعلانه أو فرحانه مع انو مكنش كدا في الاول لدرجه انو بيبقا عارف مثلا اني انا زعلانه اوي و اوصل لمرحله العياط و هو ميديش اي رده فعل مع اني انا عمري ما بخلو علي في حنيتي و كنت أول ما بشوفو زعلان كنت على طول بحنن قلبي على و بصالحو حتى لو انا مش غلطانه و هو لما بقى قاصي عليا اوي في اخر فتره و مكنش مهتم بعتابي ولا حتى زعلي و عياطي انا كمان قصيت قلبي على و كنت فاكره اني كرهتو و هو اخد بالو و هو علشان بيحب.كل حاجه تبقا ميته على و يملك كل شئ و كل شئ يبقا تحت رجله و عايزه و هو يتصرف بي بكيفه فضل ورايا مش من وجه نظري هو حاول بتاع مره او اتنين كدا و مكنتش بشكل حلو كمان و في الاخر انا قولت لي انا مش عوزاك و عاوزه نبقا صحاب احسن و هو كان رافض في الاول و بيقولي انا بحبك بس أنا عارفه هو كان كل مره انا بزعل فيها منو و بقصي قلبي يروح هو يحنن قلبي علي و مفيش يومين و يرجع تاني يقصي قلبو و نفس المعامله و العراك ف علشان كده فضلت مصممه على رأي بأننا نفضل صحاب و هو في الاخر وافق علشان مكنش عندو خيار تاني جه بعد يومين بيقولي عاوز اسيبك علشان الموضوع حرام و انو هو صلح حجات كتيره في حياته من اول ما عرفني و عاوز يصلح علاقتنا بأننا نسيب بعض و عرفت كمان انو اليوم دا خرج مع بنات صحابو علشان كدا ضميرو كان واجعو و علشان كدا قرر يسيبني بحجه انو حرام هو اصلا حياته مكنتش مناسبه ليا بس كنت ممكن تتأقلم عليها والله لو هو فعلا كان صادق في مشاعر زي ما بيقول ليا و انا كنت فكراه بني آدم ناجح و شاطر هو فعلا ناجح بس مش شاطر و جاب مجموع في الثانويه وحش و مش عارفه حاليا هو هيدخل كليه اي مع انو هو علمني أن أي حاجه بتحصل ليا اجي و احكي لي و كنت بعمل كدا معاه حتى و احنا صحاب في اخر فتره بس هو بطل يعمل كدا و كنت لآخر وقت على أمل انو يرجع زي زمان بس مفيش حاجه حصلت و بعد ما جه اليوم الي قالي يلا نسيب بعض انا فعلا سبتو لأن انا كنت شبه كرهتو و كنت الفتره دي مشغوله في حياتي مش قاعده في البيت ف مكنش فارق معايا وجودو في حياتي أو لا بس دولوقتي لما عرفت أن نتيجه التنسيق نزلت و انو خلاص هيتحدد هيدخل كليه اي و بأني قاعده فاضيه بجد بقيت كسى انو واشحني اوي و اني هموت و افك البلوك و نرجع نتكلم تاني بالمناسبه احنا لما سبنا بعض انا بلكتو من كل حتى و هو بلكني من على الانستا بس و انا كملت الباقي و حرفيا بقيت كل دقيقه و كل ثانيه قاعده مستنياه يبعتلي أو يفك البلوك و مش عارفه يعدي عليا دقيقه من غير ما أفكر في او اشوف بعت أو لا و كل دا و بجد انا كمان تعبت و معنديش حد احكي لي كان هو الوحيد الي بسمع ليا و كان عندي صاحبتي بس أنا مش عاوزن اروح اتقل عليها اكتر من كدا و اروح اشتكي ليها زي كل مره علشان انا دائما الي كنت بروح و اشتكي و هيا قليل لما بتعمل معايا كدا و انا بني ادم مش بحب اشتكي لحد و بجد هو دلوقتي واحشني و مش عارفه اعمل اي و جشى اني لو استمريت زي ما انا كدا و بالحاله دي هضعف و هفك البلوك و هخش اكلمو و في نفس الوقت بقصي قلبي على زي ما هو عمل معايا و بحاول أقنع نفسي اني انا مش وحشاه زي ما هو واحشني و لو كنت بجد وحشاه زي ما هو واحشني كان هيدخل يكلمني و يخترع اي طريقه زي ما كان على طول بيقولي و بجد زعلانه اوي على حالي و على الي احنا وصلنا لي و مش عارفه أتحرك اي خطوه لقدام و خايفه لارجع خطوه لورا و محتاجه بجد نصيحه اي حد و انا بجد في الحاله دي و أني عاوزه ااتكلم مع   اي حد أو احس بشعور الحب أو الاهتمام دا و كل دا بسبب بابا هو معمليش حاجه فعلا و هو أب مش وحش بس هو فعلا ضبع كل لحظه انا كنت محتاجاه فيها و كنت نحتاجه ابويا الحنين الي يديني حضن يطبطب عليا كل دا ف علشان كدا اضطريت اروح الغريب و أرضى بالقليل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_65283 🇪🇬

منذ 3 أشهر

شعور لا مبالٍ

موضوع:

امتى حسيت إنك كنت محتاج حد يسمعك وملاقيتش؟

دايما محدش بيسمعني من اصحابي انا معنديش اصحاب اصلا بس هم زمايلي لما بغيب محدش بيسأل محدش بيهتم لما بقعد ومش بتكلم محدش بيهتم منهم عاملين جروبات لبعض وانا مش في ولا واحد منهم لو قولت حاجه او حد سمعني بيكون جبر خاطر حتى مش بيكونوا مركزين انا بقول ايه حتى انا تعبت من الحوار دا وحاسه اني لوحدي معشتش مر

Popcorn_65824 🇪🇬 محدش كويس كولو هيعرف علشان مصلحتك انا زيك بس فرق ان المفروض الشب يبقا ديرت علقاتو أوسع انا معدي العشرين ومفيش صحاب ولا حد اخرج ولا اروح معه سيبك من زمايلك الشغل لان كلهم معدين ال٤٠ فا لما تفكري هتلاقي انك كويس انك في سلام بعيد عن الاذا الي هيجي من الصحاب

عرض الكل 10 نصيحة

Marshmallow_65710 🇪🇬

منذ 3 أشهر

شعور قلق

Hazelnut_64540 🇪🇬 ربنا يعينك علي الي حوليكي وا مش تدايق نفسك من ناس مريضه حوليك

عرض الكل 1 نصيحة

عبّر عن شعورك بشكل مجهول

حبيت اعرفكم بنفسي شويه عشان الكلام الي هحكيه دلوقتي دا يمكن يكون أساس الي أنا فيه دلوقتي..
أنا زي ما قولتلكم عندي 18 سنه ساكنه في القاهره اتربيت ف الجيزه وكام سنه الحضانه كانت هناك لاكن من بدايه KG1 وانا سكنت ف القاهره في الجيزه مكنتش بروح في حته غير بيت جدي وجدتي الله يرحمهم ابو وام والدي وبيتي وبس كل نزولاتي كانت مع اهلي ديما كنت بحب أهل بابا الي متكونين من عم و عمه وجد وجده كنت بحب قعدتهم وحبهم ليا الي كان بيظهر في كلام جميل وحاجات حلوه كتير وكان حلم حياتي أن عمتي تيجي تاخدني من الحضانه وتوديني علي بيت جدو مع اني مكنتش بروح عند أهل والدتي (القاهره) كتير بس كان الحب كله لاهل والدي في الفتره دي..
لما نقلنا القاهره بعد صراعات بين ماما وبابا وأنها عايزه تسكن جمب والدتها واخواتها وشغلها ورفض بابا عشان صحابه ومنطقته الي كبر فيها وكدا بس استقر الموضوع أننا هننقل وحصل بعدها الموقف الي حكيته في البوست الي فات دا في فتره بدايه الابتدائيه تقريبا او علي حد علمي لاني للاسف مش متذكره تواريخ اوي 
أنا اهلي مش مشتركين ليا في نوادي أو أماكن خاصه للعب وكدا وكنا في اول حياتنا كدا كنا كل اسبوع نخرج مكان جديد وكنا بنسافر اسكندريه نغير جو ونروح المقطم نسهر ونروح حتت كتير 
فا أنا علطول مع اهلي مليش أصحاب ولا عرفت اكون أصحاب 
لما بدأت انزل الشارع ودا تقريبا في سنه خامسه ابتدائي أو رابعه وبدأت العب في الشارع تحت البيت وكدا مكنتش بميل للالعاب الي اختي بتلعبها مع البنات ومكنتش بحب العب لعبه البنات عموما لعب العرايس والحاجات الدلع دي مكنتش بحبها خالص بجد وكنت بميل للعب الي بيلعبه الولاد فا كان كل اصحابي ولاد ومن كتر منا بقيت بتعامل زيهم و اخدت طبعهم واسلوبهم في الكلام وطرق لبسهم المبهدله بقو بيندهولي خد ياسطا وخد ياصحبي وكدا 
أنا كنت وقتها مبسوطه وبعمل حاجه بحبها ويلعب براحتي لما بدأت اكبر وبدأ الولاد في الشارع كل واحد يحب واحده وكل واحده تهتم بجمالها ونفسها وتظهر جمالها وأنها فعلا حلوه انا زعلت علي نفسي لاني مكنتش عارفه اكون البنت الحلوه الي ممكن يعجب بيها ولد في سنها وتعيش قصه حبها زيها زي اختها الصغيره واصحابها ولا عرفت اكون ولد لاني بنت ومهما حاولت فا ليا حدود تعامل مقدرش اتقمص شخصيه الولد اكتر من كدا لغايه ما حبيت ولد جاري وبدأت اني اصارحه ب كدا ولحسن حظي كان بيبادلني نفس الشعور دا ودي كانت اول قصه دخلتها مكملتش شهر علي بعض اه بس كانت اول قصه ليا وعيشت في وهم مكنتش عايزه أخرج منه حسيته هو الي عارف اني مهما كنت مبهدله ومهما كنت متقمصه دور الشاب فا أنا في نظره هو حبيبته وبنوته الفرق بيننا كان سنه واحده بس 
كنا بمقعد علي سلم العماره وكنا بنصور فيديوهات عبيطه تحديات علي اليوتيوب وانا كنت المخرج وهو وصاحبه كانو الي بيطلعو طبعا احلام الاطفال كان نفسنا نكبر القناه بتاعتنا وتبقي مشاهير بلوجرز وكدا 
فا كان صحبه دا حاضر كل حاجه معانا حتي لما حبينا بعض هو عمل فيها شيخ وأنه بيجوزنا لبعض وان شروط الزواج بو/سه متبادله في الخد مني ومنه هو اداني وانا اتكسفت وطلعت روحت البيت ومنزلتش العب يومها من كسوفي 
(رغم موقف التحرش الي اتعرضتله قبلها)
كانت بالنسبالي حاجه تانيه ومختلفه فعلا معداش كتير واكتشفت أن كل شباب الشارع عرفوا أننا بنحب بعض وأنه با/سني والموضوع وصل لماما وبابا واتضربت ساعتها وكانو بيخوفوني أنهم هيخرجوني من مدرستي وهيخلوني ابيع مناديل في الشارع واتجوز واحد كبير يعينني 
بقيت بخاف منه وكل ما المحبه في مكان استخبي واغير طريقي اه من فتره كبيره رجعنا نتكلم تاني حوالي سنه او سنتين ورجعنا نتعاتب علي موقفنا واحنا اطفال وأنه ندم وكان عايز يصالحني بس كل مره بيشوفني بجري وبستخبي وبمشي ومش ببص عليه كان بيتكسف وميعرفش يرد عليا والدنيا خليتنا نبعد عن بعض تاني 
(مش دا السبب الرئيسي هيبقي احكي لما أوصله )
عشان محدش ينسي الشخص دا هسميه ش
للي اهتم وقراء كلامي كله 
مكنش ليا صحاب ف المدرسه ولا في اي حته وكان نفسي يكون ليا أصحاب زي اختي وكان نفسي ابقي زيها اصلا كل واحد يتمني يكلمني وابقي جميله وشكلي حلو وشعري ناعم ودا من الأسباب الي خليتني اختار اتحجب في أولي اعدادي وكان ب إصرار فظيع اهلي استغربوا منه 
علطول بحس أن مفيش حد فاهمني ولا حد عارف يقرأني هكملكم باقي قصص حياتي في بوستات تانيه لأن حياتي فعلا مليانه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_63190 🇪🇬

منذ 4 أشهر

شعور آسف

انا بنت عندي 20سنه والحمدالله من عيله كويسه بس انا عندي مشكله في مرحله المراهقه اتحولت حياتي ودخل فيها ولد وحبيته بس انا كنت بكلمه علي اساس بنت تانيه عشان كنت خايفه من اهلي وكده ومن ساعتها وانا مش عارفه ابطل الموضوع ده وحاسه بالذنب ومش عارفه اعمل ايه وخايفه بجد اقوله عشان كده كده هخسره وانابجد بحبه

Chocolate_58050 🇪🇬

منذ 4 أشهر

شعور خجول

عبّر عن شعورك بشكل مجهول

انا في حد انا معجب بي الموضوع صعب يتطور عن كده بغير ان انا بقول ان ده ممكن يكون بس مجرد اعجاب مراهقه او حاجه شبه كده
. الفكره ان الشخص ده من قلبي فانا بتعامل معاه بشكل سطحي وبكون سعيد جدا وانا بتكلم معاه في اي موضوع بشكل سطحي او حتى وانا شايفه 
. انا بكون سعيد وفي العموم اصلا انا بحب اجيب للناس هدايا وبحس بان هم سعداء فانا بكون سعيد برده وربنا طبعا بيفرحني زي ما انا بفرح الناس فانا بحب اجيب للشخص ده هدايا ساعات بتكون هدايا اغلى شويه من اللي انا بجيبها لاي حد
.. وبرده في خروج هيكون هو موجود فيها هي في نادي يعني انا عضو فيه فانا كنت حابب ان انا ادفع التذاكر الدخول وكدا لان انا الولد الوحيد في الخروج دي
..
..
وقبل ما حد يقول لي ان انا ما تجيش ورا سراب او ان انا ما هلقش نفسي ماديا او في التفكير علشان شخص يعتبر هو مش عارف بوجودي قوي بس انا بحس ان انا اكون سعيد ومش محتاج حاجه ثاني انا عارف ان نهايه الموضوع ده هو .الولا حاجه. بس اللي انا بعمله دلوقتي بحس ان انا بكون سعيد بس بكون فرحان بان انا بتكلم مع الشخص ده وكده فانتم ايه رايكم
............................
ومع العلم انا معتبرش بخيل او مشرف انا بحب احوش فلوس بشكل كبير بحيث ان انا لما اعوز اي حاجه اشتريها يكون معايا ثمنها واغلى واقدر اشتري احسن منها كمان اذا كان موبايل او ساعه او سماعه او اي حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_61920 🇪🇬

منذ 4 أشهر

شعور مرتبك

جماعه انا عندي واحد صاحبي كان عندو مراهقه متاخره هو من النوع اللي تحسوا انه طفل وغلبان اوي مع انه السن بتاعو كبير ف الفتره اللي فاتت كان بيكلم بنات وكان بياخد براي وكده ولما قرب مني وبقينا صحاب اكتر وبيجي عندي لقيتوا قطع علاقتوا بيهم وبقي مثلا لو رايح مشوار يقولي انا عايز اشوفك او ابص الاقيه باعتلي

Popcorn_61948 🇪🇬 الحل انك تواجهه وتقوله ميتعاملش معاك بالاسلوب ده حتي لو علي سبيل الهزار وقوله لو هو دا اسلوبك فاخلاص نقطع مع بعض احسن وشوف هو ردة فعله هتبقي ايه

عرض الكل 25 نصيحة

Strawberry_61359 🇪🇬

منذ 4 أشهر

شعور مرتبك

السلام عليكم اخوكم16سنه وبحب بنت وهي تحبني من زمان وكنا نتحدث ولكن بطلنا لأنه حرام وضبينا نحب بعض شعور كل يوم اني بدي اكلمها مستمر ولو رسالة واحده واحس ان الوقت طويل اني انتظر اني اكون جاهز وابويا متوفي وبجهز حالي لحالي انا اعرف ان معظمكم يقول حب مراهقه وما ادري ايش والله الف واحد قالي لي هيك ايش اس

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Peanut_59161 🇪🇬

منذ 4 أشهر

شعور خجول

انا عندي مشكله بسيطه انا معجب بشخص معجب بي جدا حاليه مفيش اي حاجه تنفع وانا متأكد ان الشخص ده ميعرفش بوجودي اصلا ... انا سؤالي اني اقدر اقابلك الشخص ده بحكم انو من أقربي وانا اقدر أنظم خرجات او اروح عنده البيت بس المشكله اني كل ما اشوفه احبه اكتر مشعان اي المفروض اعمله ادني اشوفه واكون سعيد ولا مافه

Pumpkin_42200 🇪🇬 انا حاسس اني في حاجه غلط في العلاقه دي

عرض الكل 7 نصيحة

Almond_55898 🇪🇬

منذ 5 أشهر

شعور ضائع

انا حاسه اني عباره عن كتله تراست ايشيوز وخدمات طفوله ومشاكل مراهقه وصدمه النضج والوعي انا حاسه اني هتجنن والله من كتر ما عقلي مش بيقف انا نفسي ف مرحله واحده ف حياتي اكون فيها مرتاحه وعارفه انا فين او انا مين وبمر ب اي وعايزه اي نفسي مااحسش اني مضغوطه او مكتئبه انا طفولتي عشتها بستوعب حاجات حصلت ومر

Banana_56149 🇪🇬 اولا يا جميل سلام عليكم اخبارك ايه اتمنى تكوني بخير. ثانيا انتي معندكيش أدنى مشكله في أي حاجه قط الإنسان عبارة عن مراحل عمرية بأحداث وأفكار مختلفه كل اللي بتمري بيه سبقك حد بيه وبيكون تسلسل لأحداث وأفكار بتوصلك في النهايه لطريقه تفكيرك النهائيه اللي هتكملي بيها للآخر أو هتفضلي بيها فتره طويله يعني تبسيطا او بالبلدي انتي معندكيش حاجه بس مجرد حاولي تغيري نمط تفكيرك ومتسترسيش على نفسك

عرض الكل 7 نصيحة

Marshmallow_51225 🇪🇬

منذ 9 أشهر

شعور لا مبالٍ

جماعه الحوار ممكن يبقي تافهه بس أنا بدأت اخد درس رياضه مع مستر جديد اول مره اخد معاه يعني ولما شوفتو الصراحه أعجبت بيه وهوا مش كبير في السن يعني هوا صغير هوا في تانيه كليه وانا في تانيه ثانوي ومش عارفا اعمل ايه 🤡

Sugar_74919 🇪🇬

تعبت من سؤال "شفايفك فين" وهقتلني!

البنت المليون وواحد اللي تسألني النهاردة عامله فيلر شفايفك فين تعبت من السؤال ده وهقتلني ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااغاااااااأأاااااااااااااااأااا ...عرض المزيد

1 الدعم

19 نصيحة

Marshmallow_68953 🇪🇬

نفسي الاقي حد روحه شبهي وابني اسره هاديه

كان نفسي اكون دلوقتي ف بيتي وسط جوزي وطفل جميل شبهنا مش مصدقه اني لسا ف بيت اهلي انا عارفه ومقدره انه نصيب بس مش قادره ابطل تفكير ان واحده زبي متعلمه وجميله ومن عيله محترمه وطول عمري ف حالي مكنش مصدر يجذب شباب جميله ليا لارتباط الرسمي وان كل اللي بيجولي مش مناسبين ومش شبههي انا بس نفسي الاقي حد روحه شبهي وارتاح معاه يكون علي خلق وهادي زيي نفسي اعيش حياتي وابني اسره هاديه وبيت دافي مليان حب وود انا لسا ٢٥ سنه بس حقيقي صحابي كلهم بيتجوزوا ورا بعض وده محسسني بالوحده ...عرض المزيد

7 الدعم

18 نصيحة

Banana_64028 🇪🇬

مش عارفة أقول إيه.. نفسي أقلع الحجاب

ي جماعه انا عندى مشكله انا عايزه اقلع الحجاب الفكره دي بقت تجيلي كتير اووي و حاسه اني مخنوق حاسه اني محبوسه انا مش حابه شكلي ب طرحه مع اني بقالي اربع سنين لبسه و من اسبوع بضبط كنت بفكر اختمر بس مش عارفه اي الي حصلي بجد المشكله اني طبعا اهلي ممكن يموتني لو فكرت بس. اخرك البلكونة ب شعري فا مش عارفه اقلهم اي حولت افتح امي رفضت تفتح معايا الموضوع اصلا انا مش طايقه شكلي و كره شكلي جدا و نفسي انزل وانا حرا كدا و شعري مفرود الموضوع بقا صعب عليا اوي بجد . ...عرض المزيد

0 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع