مشاكل الجواز

Toast_77746 🇪🇬

منذ أسبوع واحد

شعور غاضب

بشفق اوى على الناس اللى ممكن تظن ان الجواز بيحل اى مشكله عند اى حد انت لما تبقى عندك مشاكل فى اى حاجه حلها لان جيس وات الطرف التانى غير مسؤول عن انه يحللك حاجه اصلاا 😅 فياريت محدش يقول لحد حل هنا ان الجواز هو الحل 🤝

Hazelnut_84060 🇪🇬

منذ 3 أسابيع

شعور غاضب

جماعة بجد لسة شايفة ريلز مستفز واحد بيسأل بالنص كدا بيقول بطلوا جوع بقى انا ليه ادفع مهر و اصرف عليها بعد الجواز هتقدملي ايه عشان اعمل كل ده بجد نفسي اعرف وجه نظر الشباب ايه في الكلام ده عشان هموت بجد 😂

Avocado_84516 🇪🇬 انا اسف بالنيابة عن كل علق قال حاجه وحشه فحقكو ودا احنا متبريين منو 😂

عرض الكل 19 نصيحة

Watermelon_56753 🇪🇬

منذ 4 أسابيع

شعور محبط

الخوف من الارتباط مشكله بتواجهني جدا! يعني مثلا اي شاب بيبقا عادي يتعرف على بنت ويحبها ولو وصلت للجواز اشطة (دا الطبيعي) .. انا بقا ببقا خايف اتكلم مع واحدة لأحبها واتعلق بيها علشان انا خايف من المسؤولية والجواز والحوارات وكدا .. خايف اتدبس بمعنى اصح! مش عارف دا ممكن يكون طبيعي ولا حاجة غريبة ولا اي

Corn_71708 🇪🇬

منذ شهر واحد

شعور محبط

مشكلتي ف الجواز هي الخلفة بدري مرتين ورا بعض ف اتحولت من عازب ل اب فجأة و دي حاجة مرهقة جدا محسيتش بجواز و لا بهدوء البيت حتي لما اعوز اكون مع مراتي بيبقي مش بمزاجي لكن بمزاج العيال 😅🤣 انا ف نعمة الحمد لله لكن بحس دا مخليني دايما ناقصني حاجة و يمكن دا سبب لبوست نزلته قبل كدا اني ساعات بلاقي نفسي

Marshmallow_69067 🇪🇬

منذ شهر واحد

شعور مزعوج

عبّر عن شعورك بشكل مجهول

عندى مشكلة مع الطنطات "طنط حشرية" الى طول الوقت بتلوم البنت ع موضوع الجواز وبتدخل في خصوصيات ملهاش فيها بحجة انها عايزة مصلحة البنت.. وشايفة ان البنت هى الى بتنجح العلاقة او تفشلها مش الطرفين وعايزة البنت طول الوقت تتنازل عشان تتستر ع اساس اننا مش مستورين.. طنط الى شايفة ان الراجل  بيحب البنت الى تعامله كأنها امه وانها تحتوى مخاوفه من فكرة الجواز طب انت جى تتقدم ليه مدام خايف وفين فكرة القوامة طب والبنت مين يستوعب مخاوفها ويطمنها.. مشكلة الجواز في وقتنا مش بسبب الرجالة او البنات لا بسبب طنط حشرية الى مش بتسيب الناس ف حالها بحجة انها عايزة الخير وتفضل تجيب في عرسان بعاد جدا عن متطلبات البنت الى اغلبهم رجالة معقدة ومش بتصلى اصلا🙂🙂 وتقولك انا ماليش دعوة انا وسيط بس.. طنط الى بتتعامل مع البنت الى عدت التلاتين انها تحمد ربنا ان بيجيلها عرسان ومتقعدش تتشرط كفاية انه قبل بيها حتى لو الراجل معدى الاربعين.. طنط الى مهما شافت عيب في الراجل هتقولك بكرة ربنا يهديه طنط الى هتقولك اتجوزى عشان بس تخلفي ومش مهم الراجل.. طنط الى هتجيبلك عريس عايزة واحده بتشتغل وانتى مش بتحبي الشغل او هتجيبلك حد بيحب الى قاعدة في البيت وانتى بتشتغلى طنط الى هتشكك في حجابك الشرعى وان الرجالة مبقوش عايزين كدا.. طنط الى بتتعامل مع الرجالة ان مواصفاتهم أوامر لكن البنت هتقولها الراجل مش شكل ولا مستوى مادى ولو ع الصلاة ربنا يهديه.. طنط الى هتلومك لو قولتى مش مرتاحة من اول مقابلة لكن لو الراجل قال كدا هتقولك عادى نصيب .. طنط الى فارضة نفسها ع حياة بنات كتير لحد م نفسيتهم تعبت وهى مش مدركة ان دا نصيب محدش بياخد نصيب حد لكن البنت كمان من حقها يكون ليها مقومات .. الاساسيات حتى بتبقى مش موجودة الحجة ان الراجب مستواه المادي كويس طب ربنا والصلاة والنقاش فيه منهم كتير مبيعرفش يتنافش الى هو دا الى عندى وهتعملى الى انا عايزه عشان انا جامد.. ولو هتقولوا البنات طلباتها مبالغ فيها البنت مبتلحقش تطلب حاجة😂😂 الراجل الى بقى بيطلب..
بنات الأصول كتير جدا جدا طنطات المجتمع بتحسسهم انهم مقفلين ولازم تتساهلى شوية عشان الدنيا تمشي وتتجوزى وكأن معيار نجاح البنت انها تصطاد عريس مش انها ترضى ربنا..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_69295 🇪🇬

منذ شهر واحد

شعور وحيد

نفسي أتجوز بجد نفسي أفضفض مع مراتي مثلا دائما أنا وحداني مع عيلتي وكمان أنا من بيتي لشغلي ومن شغلي لبيتي وكل لما اخش موضوع جواز مش بيكمل ليه مش فاهم مع ان أنا محترم و بشتغل شغل كويس و استايل الحمدلله و متعلم لو واحده بنت حلال حابه تعيش و تتحب وتعمل بيت و أسره أنا موجود

French Fries_73406 🇪🇬

منذ شهر واحد

شعور مهتم

عبّر عن شعورك بشكل مجهول

واحد صحبي عزيز عاليه قوي هو المفروض انه هيتجوز البنت اللي هيتجوزها دي ابوها و امها منفصلين من و هي صغير فا من و هي صغيره بتشتغل امها طبعا اتجوزت و ابوها اتجوز و محدش بقا يفكر فيها فا هي كانت عايشه مع امها لحد لما امها قررت انها تخليها تشتغل في مستشفي و تبات كمان في المستشفي يعني من الاخر كدا امها شافت حيتها و رمنت البنت سيبها تشتغل و تصرف علي نفسها فا هو عايز ينقذ البنت دي من الشغل و التعب عايز يتجوزها حتا لو في ايجار لحد لما امكنياته تسمح انه يجيب تمليك هو كل تفكيره انه ينقذ حياه البنت دي من التعب و الشغل و يتجوزها في الحلال و يعيشها ملكه في بيتها هو يعرفها بقالو سنين هي بتحبه و هو بيحبها عرض عليها الجواز و هي موافقه لاكن السؤال هنا البنت ٢٣ سنه يعني تقدر تتجوز من غير موفقه اهلها عادي طبعا هو هيكلم امها يعترفلها علي كل حاجه انو بيحبها بقالو سنين و بقلهم سنين مع بعض و هو هيتجوزها في الحلال  طيب هنفترض دلوقتي ان امها لسبب ما مش موفقه عايزه مثلا بنتها تفضل تشتغل و تديها فلوس علي الجاهز مش عايزه تجوز بنتها مزجها كدا يا اخي هي ست مريضه و انانيه  لاكن البنت موفقه علشان دا طوق النجاه ليها البنت لوحدها في الدنياه و دا اللي هينقذها و هيشيلها جو عينه و هيعوضها فا هل لو هو اتجوزها بدون موفقه امها دا اصلا شئ عادي ولا اي هي البنت محترمه و هو محترم و اخلاق و متدين شويه و عايز البنت في الحلال و هي كبيره و عاقله و فاهمه كويس اوي هي بتعمل اي فا لو اتجوزها بدون موفقه اهلها دا اصلا شئ عادي طبيعي بيحصل اصلا حصل مع حد قبل كدا مستنين نسمع وجهة نظركم شكراً….

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_75758 🇪🇬

منذ 3 أشهر

شعور مرهق

السلام عليكم هو لو متقدملى عريس ظروفه كويسه لكن شكله مش عاجبنى اطلاقا وقصير اوى وانا مش بحب الرجاله القصيرة ، انا مش شخص سطحى وعيزاه جان وعنيه خضرا والكلام دة انا عيزاه يكون عادى واتقبل شكله هو شخصة مفيهوش مشكله مش لازم اكون متقبلاه ؟ ولا الجواز الناس بتتعامل مغاه ع انه صفقه ولا ايه بالظبط ؟

Watermelon_63268 🇪🇬 لازم تكوني متقبلاه طبعا، دا اللي هتصحي كل يوم الصبح على وشه، دا اللي هتكوني رايحة جاية في الشقة وهوا قدامك، لازم يكون شكله مقبول بالنسبالك، هتبقى حياة وحشة اوي لو انتي مش متقبلة شكله، وهتظلمي نفسك وتظلميه، فبلاش.

عرض الكل 10 نصيحة

Avocado_75572 🇪🇬

منذ 3 أشهر

شعور مرهق

Sugar_67677 🇪🇬 اعمل خطوبه سنه ونص ولا اتنين تكون ظبط احوالك علشان كمان متندمش بعدين انت لسه بتحبها متبعدوش عن بعض ربنا يوفق ما بينكم ويجمعكم على خير

عرض الكل 5 نصيحة

عبّر عن شعورك بشكل مجهول

انا كنت مرتبط ببنت من 2017  و سيبنا بعض ف 2019 وقتها كنت لسه في جامعه و اكيد مش جاهز لخطوه الجواز و هي أهلها ضغطوا عليها في أنها تتجوز ف محصلش نصيب و انا سافرت روسيا في اخر 2019 و قطعنا كلام فتره طويله يمكن سنتين أو أكتر و حتي لما اتكلمنا كان كلام عادي عامله ايه و في الأعياد مثلا و كده و هي اتخطبت مرتين و محصلش نصيب و انا كنت اتعرفت علي بنت في روسيا و برضو محصلش نصيب المهم طول السنين إلي فاتت كان كلامنا خفيف جدا لحد من شهرين مثلا رجعنا نتكلم كل واحد فيما لسه بيحب التاني بس محدش جاب سيره أو أتكلم في موضوع حب أو ارتباط 
المهم في نفس فتره رجوعنا نتكلم من شهرين الشركه إلي كنت شغال معاها في روسيا قفلت و لغوا الفيزا ف نزلت مصر من أقل شهر طبعا هي فرحت جدا لأن كان بالنسبة لينا فكره أننا نشوف بعض تاني دي كانت مستحيلة نزلت مصر و اتقابلنا و بنتعامل عادي المهم انا لسه بحبها جدا حتي لو بعد السنين دي كلها حتي لو كنت اتعرفت علي حد بعدها المهم انا مش عايز يحصل تاني زي ما حصل أول مره اه الحمدلله إلي حد ما كونت نفسي بس نزولي الي جهة علي فاجئه من روسيا دا مخليني مش أقل من سنه علي ما أقدر أخد خطوه الجواز 
انا مفاتحتهاش في جواز أو نرجع لارتباطنا أو أي حاجه بس مش عايز تكون متعشمه في حاجه خصوصا أن من الي فهمتوا أنها لحد دلوقتي في مشاكل مع أهلها بسبب موضوع الجواز

هو تشبيه غريب شويه بس انا قصتي قريبه من فيلم 6 أيام لحد نص الفيلم كده ف مش عايز القصه تطول لآخر الفيلم و نكبر و نقول لبعض في الآخر نصيب و ربنا مش رايد 😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_74335 🇪🇬

منذ 3 أشهر

شعور مرتبك

عندي مشكله رخمه اوي انا شايف أن كل اللي اتجوزو عايشين حياه صعبه اوي سواء اصحابي أو اخواتي أو اي حد في العيله عارف ان رد الناس عليا ان الحلوه مش بيتحكي بس انا بتكلم علي الراجل ظروف الحياة بتخليه عايش في ساقيه مش بتخلص كل دوره أن هو يشتغل عشان يصرف بس ... والله أنا شخص كويس وبحب الدونيا بس بحس أن بستغ

Peanut_74102 🇪🇬

منذ 3 أشهر

شعور متوتر

انا وحده عاشت عمرها كله بتحب الحب بتعشق قصص الحب ودايما كنت بقول لنفسي ان مش هتجوز غير ب قصه حب موضوع الصالونات دي كان حاجه رعب بنسبالي حاليا انا مفيش قصت حب عشتها كملت كل علاقه كانت بتاكدلي ان الحب ده كذبه ف انا عمري م فكرت ف موضوع الجواز بنسبالي مفيش حب يبقا مفيش جواز والموضوع عادي بنسبالي لو م

Tofu_70825 🇪🇬

منذ 3 أشهر

شعور منزعج

ازاي بتتعاملو مع الام النرجسيه اللي عايزه تحبسك وميبقاش ليكم صحاب ولا معارف ازاي بجد بتتعاملو مع الاهل التوكسيك وهل فيه حد كان عنده أهل توكسيك واتجوز جوازه كويسه؟ عشان دائما اسمع أن اللي أهله كانو توكسيك طاقتهم السلبيه بتفضل بتأثر عليك في كل شئ وبالتالي هتفشل في كل حاجه او هتواجهه صعوبات جامده زي ع

Popcorn_68323 🇪🇬

منذ 4 أشهر

شعور مرهق

حاسس اني كل متقدم لواحدة الموضوع ميكملش حاسس اني فيا عيب او عيوب ومش عارف اطلعها ازاي لدرجة اني شكيت في نفسي ابقي ملبوس ولا حد عملي عنل و صحابي متجوزين و مخلفين ولا دا مرض فيا مش عارف مع العلم انا عندي ٢٧ سنة و مفيش حاجة تأخرني عن الجواز ممكن حد يفهمني اللي انا فيه دا اي

Mango_67775 🇪🇬 لازم يا صديقي تتعامل مع فكره الرفض أنها شيء عادي مش بس جواز يعني انت هتترفض في جواز و هتترفض في مقابلات شغل و هتترفض في حاجات كتير و ده عادي اكيد انت لما كنت بتدور على شغل حصل كده لحد ما اتوفقت كمل سعي لحد ما تتوفق ❤️

عرض الكل 1 نصيحة

Apple_65275 🇪🇬

منذ 4 أشهر

شعور محبط

مشكله جوازي انا لسه متخرج وعندي جيش واهلي ناس مقتدرين بس ما حدش هيساعدني في الجواز وكل فكرتهم عن الجواز ان انت لازم تتجوز واحده يا اما معاها فلوس يا اما عائلتها كويسه وانا حبيت واحده من عيله ملتزمه دينيا وانا عيلتي مش ملتزمه دينيه وعايز اخطبها قبل الجيش وده طبعا اهلي هيرفضوه بشكل قاسي جدا وانا عايز

Sugar_30606 🇪🇬 اتاكد بس من العيله الي هتناسبها مش كل حاجه المظهر والنقاب مع احترامي يعني اكيد لكل ده ..بس متتخدعش يعني وفكر من غير تأثير حوار متدينين ده ...دي المفروض حاجه مفروغ منها ف المسلم ..بس مش هي الي تخليك تاخد قرار تاني حاجه هي لو مش عايزه تتخطب لغيرك مش هتتخطب ونقطه

عرض الكل 10 نصيحة

Carrot_55880 🇪🇬

منذ 5 أشهر

شعور مرتبك

عبّر عن شعورك بشكل مجهول

انا ٢٠ سنة في كلية طبية بشتغل في صيدلية مرتب ضعيف وناوي ادخل مجال تاني ان شاء الله لسه بتعلم فيه في بنت معايا في الكلية مش عارف الشعور ده ايه و مش بشوفها كتير بس كل ما اشوفها بحس اني منجذب ليها عايز اشوفها تاني ازود مدة بصي ليها عن العادي الفكرة اني قولت مثلا ده فراغ عاطفي بس مش بحس بالشعور ده نحو اي بنت تانية سواء في الشغل او في الكلية او في اي حتة تانية المشكلة اني حتى مش عارف اسمها هي محترمة جدا مختمرة ولا مرة شوفتها واقفة مع ولد وشغل ال open minded يعني لو ممكن فعلا اتقدم يوما ما اتعرف عليها تبقى حاجة جميلة جدا المشكلة مش هنا المشكلة اني بحاول افكني من الموضوع كذا مرة ممكن بالشهر مشوفهاش بس كل مرة بشوفها بيبقى في sparkle كدا مش عارف اعمل ايه في الموضوع ده وفي نفس الوقت برضو انا مش جاهز فعلا عندي شقة في بيت عيلتي ممكن اقول دي بداية بس المرتب مش هقدر اتجوز بيه ولو اتجوزت بيه مش هتبقى عيشة كريمة ومش عايز اقعد رابط قلبي و ممكن تيجي يوما ما تتجوز ومش عارف اطنش الموضوع وملاحظة هي طبعا مش عارفة اي حاجة هي مرة كدا لاحظتها بصيتلي كدا بعد كدا حاولت اعمل مطنش ومبصلهاش عشان مش هعلق بنات الناس بفراغ وده اللي شايفه صح و من الاخر مفيش احتمالية اقولها والكلام ده هي نوعية اني لو قولتلها هتف في وشي وده نوعا ما صح هي الصورة المثالية للزوجة بالنسبالي بس ايه الحل اني افكني من الموضوع مش عارف وخصوصا اني اظن اني بعيد عن الخطوبة ما يقارب سنتين تلاتة كمان ايه الحل طيب انصحوني هل ده عبط مني ولا طبيعي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع