مش عارفه أعيط

Strawberry_51955 🇪🇬

منذ أسبوعين

شعور مستنزف

حاسه إني لوحدي تايهه وزعلانه في قلبي وجع مش عارفه أوصفه ومش عارفه سببه بقالي كذا يوم مش عايزه أخرج من أوضتي وبنام كتير على أساس إني أبقى كويسه ولما بصحى ولا في حاجه بتتغير حتى العياط مش عارفه أعيط وبقيت بعور نفسي علشان أحس إني مرتاحه وأنا كنت بكره كدا تعبت مني بجد.

Coconut_15582 🇪🇬

منذ سنة واحدة

شعور Not great 😕

عبّر عن شعورك بشكل مجهول

بحاول اعمل نفسي م واخده بالي بس الحقيقه اني طلعت وحيده فعلا مش عندي احساس بالوحده لا انا فعلا وحيده انا شفافه في حياه كل الناس من برا ببان بلاير وبشتري دماغي فعلا دي حقيقه واتأقلمت ان مفيش حد موجود عشاني كنت زمان بدي اهتمام اوي بس مبقتش بعرف ببقي نفسي بجد بس مبقتش بعرف اسأل ديما او اهتم اللي هو والله مهتمه وبحبك بس مش عارفه ابين و بمل بسرعه من الاشخاص بدون سبب عشان كدا ببعد كل فتره عن الناس لحد ما اظبط اموري وارجع تاني ومعرفش مالي معرفش بس كل مره بكتشف اني وحيده اوي محدش بيسأل عليا عامله ايه بجد اللي هو عاوز يعرف بجد انا كويسه ولا لا وكمان لما انا مبعتش الاول محدش هيسأل واللي هيسأل مره م هيسأل التانيه م هيقلق مثلا عليا ويحاول يوصلي ويشوفني فين بجد انا عارفه ان الناس ليها ظروفها ومشاغلها بس انا من حقي ان يبقي في حد في حياتي بيديني اهتمام اكيد يعني مفيش حد مش بيمسك الفون دا هيبعت مسدج في دقيقه م اكتر ياخد من وقته 10 دقايق يطمن انا بجد مكنش فارق معايا اي حد ولسه م فارق معايا اي حاجه من اللي بتحصل بس معرفش مالي فجأه حسيت اني بجد تعبت وشايله همومي لوحدي مبلاقيش حد اكلمه في وقت لما اكون مخنوقه مفيش حد يساندني مفيش حد لما الدنيا تضيق بيا اروحله وابقي عارفه اني هرجع مرتاحه وانه هيطبطب عليا مفيش مفيش بجد وعارفه اني هفضل كدا والتراكمات بتبدأ تظهر عليا بعصبيه او برود في التعامل وبيبقي غصب عني وبحاول وقتها متعاملش مع حد عشان م ناقصه ازعل مني حد حتي العياط مبقتش بعرف اعيط بقالي 7 شهور مبعيطش لما الدنيا بتضيق بصلي وبكلم مع ربنا برتاح فتره وبرجع تاني زي الاول ويمكن اكتر ومبقتش عارفه انا ليه بجد كدا طول عمري كنت مستحمله ليه دلوقتي وقعت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع